1 أيث-سلونيك 5:3 - ثريفيث 2020

³ أَتَاف خْمِي غَا يِنِين يِوْذَان اَقَا ذِنِّي لْأَمَان ذ ضّْمَان ڒخْدّنِّي اَخَاسن د يهْوَا يجّن ن لْخَرَاب ذغْيَا اَمشْنَاو مَامش د يتَاس ڒحْڒِيق ن ثَارْوَا إِ ثمْغَارْث يتَارْون. أَتَاف وَار زمَّرن نِثْنِي اَذ اَروْڒن.

1 أيث-سلونيك 5:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:33

آي يفِيغرَان! آ ثَارْوَا ن ثْفِيغرَاوِين! مَامّش ثْفكَّرم اَذ تَروْڒم زِي لْعِقَاب ن جَهنَّامَا؟

يوحنا 16:21

ثَمْغَارْث خْمِي تَارو، يتِيڒِي ذَايس ڒحْڒِيق ڒَاحقَّاش ڒْوقْث نّس ثُوْوض-د. وَلَكِن خْمِي غَا ثَارو اَسيْمِي، وَار تْفكِّير شَا عَاذ ذِي ڒحْڒِيق نِّي س ڒفْرَاحث نّس مِينْزِي ثُوْرو-د يجّن ن وسيْمِي غَار دُّنشْت-أَ.

ڒخذايم 13:41

خْزَارث آ يِنِّي يتْبُوْصَارن، تْعجّْبث فْنَاث. ذِي ڒِيَّام نْوم اَذ ݣّغ شَان ثْمسْڒَايِين وَاخَّا يخبَّر-يكنِّيو حَدّ زَّايْسنْت، وَار ث تِيمْنم شَا."

2 أيث-سلونيك 1:9

أَذ تْوَاعَاقْبن س يِجّن ن لْخَرَاب وَار يفنِّين شَا، أَذ تْوَاحَرّْمن زݣ وغمْبُوْب ن سِيذِيثْنغ ذ لْعَظَمَا ن جّْهذ نّس.

يعيبرانيين 12:23

ثْقَارّْبم-د غَار يِنِّي يتْمُوْنن ذِي ڒفْرَاحث يعْنِي غَار جْمَاعث ن يِنِّي يخْضَر أَربِّـي إِي د يخڒْقن ذ يمزْوُوْرَا يسمَاون نْسن تْوَازمّن ذݣ وجنَّا. ثْقَارّْبم-د غَار أَربِّـي ونِّي يدْجَان ذ ڒْقَاضِي خ مَارَّا يوْذَان. ثْقَارّْبم-د غَار اَرُّوْحَاث ن صَّالِحِين يَارِّي-ثن أَربِّـي بْڒَا ڒْعِيب.

يعيبرانيين 2:3

ڒخُّو اَسنْجم نّغ يمْغَارن، مَامّش إِي غَا نݣّ أَ ننْجم زِي لْعِقَاب يعْنِي مڒَا نغْفڒ خ وسنْجم-أَ؟ أَوَاڒ ن وسنْجم-أَ يبْشَر-يث-يذ ذ اَمزْوَارُو سِيذِيثْنغ، ثُمَّا شهْذن خَاس يِنِّي إِي ذَاس يصنّْطن سِّيوْضن-ث-يذ إِ نشِّين.

2 بطرس 2:4

إِيوَا شُوْف، قَا أَربِّـي وَار يحِنّ شَا خ لْمَلَائِكَاث وَامِي ث عْصَانْت، ئِرُوْح يقنّ-يثنْت س سْنَاسڒ ينْضَر-يثنْت ذݣ يِجّن ن ثَادْجسْت ذ ثَبرْشَانْت ذِي لْأَخِيرَا مَانِي غَا رَاجَانْت يُوْم لْحِسَاب ذ لْعِقَاب.