1 أيث-سلونيك 5:15 - ثريفيث 2020

¹⁵ أَرّم-د ڒْبَاڒ نْوم، ئِتْخصَّا ؤُڒَا ذ يجّن وَار يتْخدْجِيس شَّرّْ س شَّرّْ نّغْنِي؛ لَّا، ڒبْدَا رزُّوْث مِين يدْجَان ذ اَصبْحَان جَارَاوم ذ جَار يِوْذَان مَارَّا.

1 أيث-سلونيك 5:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:39

وَلَكِن نش قَّارغ-اَوم: وَار تْعَارَّاضم شَا إِ ونِّي يدْجَان ذ اَعفَّان. ونِّي ش غَا يسقّْڒن غَار وغمْبُوْب جِّهث ثَفُوْسِيث ذوَّاڒ-اَس جِّهث نّغْنِي.

لوقا 6:35

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

ڒخذايم 16:28

ئِڒَاغَا-يَاس-د بُوْلُس س جّْهذ ينَّا-ٱس: "لَّا! غَارك اَذ تْضَرّذ يخف نّش، قَا نشِّين عَاذ اَقَانغ ذَا مَارَّا إِذْنغ!"

أيث-روما 12:9

ڒمْحِبّث يتْخصَّا اَذ تِيڒِي بْڒَا نِّفَاق. عِيفّث مِين يدْجَان ذ شَّرّْ، طّْفث ذِي مِين يدْجَان ذ ڒْخِير.

أيث-روما 14:19

إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

1 أيث-كورينث 14:1

ذْفَارث اَبْرِيذ ن ڒمْحِبّث، رْزُوْث مْلِيح خ لْقُدْرَاث رُوْحِيَاث خَاصَّتَن ثنِّي ن وَاوَاڒ يتْوَاعڒْمن زِي أَربِّـي.

1 أيث-كورينث 16:10

مڒَا يُوْسَا-د تِيْمُوْتَاوُس تْهلَّام ذَايس مْلِيح بَاش وَار ذَايس يتِيڒِي شَا ومْنُوْس ڒَاحقَّاش نتَّا يتݣّ ڒْخذْمث ن سِيذِيثْنغ اَمشْنَاو نش.

1 أيث-كورينث 6:7

خْمِي كنِّيو تمْشَرَّاعم اَك وَايَاوْيَا، أَتَاف صَافِي ثخْسَرم. إِيوَا حْسن إِ كنِّيو مڒَا تْوَاضڒْمم نِغ تْوَاغشّم.

أيث-ݣلاطيا 6:10

إِذن مڒْمِي مَا نُوْفَا لْفُرْصَا، لَابُد أَ نݣّ ڒْخِير ذِي مَارَّا يوْذَان خَصَّاتَن اَك أَيثْمَاثْنغ ذِي لْإِيمَان.

أيث-ؤفسوس 5:15

إِذن فَا، رَجْعَاث يخف نْوم خْزَرث مَامّش إِي غَا ثْعِيشم. مَاشِي اَذ تْعِيشم اَم يِنِّي إِي ذِي ثدْجَا ڒقْفَاڒث؛ لَّا، عِيشم اَم يِنِّي إِي ذِي ثدْجَا ڒفْهَامث.

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

1 أيث-سلونيك 5:21

لَّا، ميّْزث مَانَاينِّي مَارَّا. طّْفث ذِي مِين يدْجَان ذ اَصبْحَان؛

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

2 تيموتاوس 2:24

فَا اَخدَّام ن سِيذِيثْنغ لَابُد وَار يتْمنْغِي شَا س وَاوَاڒ اَطَّاس؛ ئِتْخصَّا-ٱس اَذ يِيڒِي ضْرِيف اَك مَارَّا يوْذَان، أَتَاف يسّن اَذ يسڒْمذ، أَتَاف غَارس تَّاسِع ن ڒْخَاضَر.

ثبرات غار تيتوس 3:2

سْفكَّر-اَثن حمَا وَار تْعيِّبن حَدّ، وَار تْمنْغِين شَا س وَاوَاڒن، أَذ يڒِين تْرَانْكِيڒ، أَذ سْخذْمن يجّن ن تَّوَاضُع اَك مَارَّا يوْذَان.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

1 بطرس 2:17

وقَّارث مَارَّا يوْذَان. سْعِيزّث اَيثْمَاثْوم. ݣّْوْذث زِي أَربِّـي. وقَّارث اَزدْجِيذ.

1 بطرس 3:9

وَار تَارَّاث شَا شَّرّْ س شَّرّْ نّغْنِي نِغ ڒْعِيب س ڒْعِيب نّغْنِي. لَّا، بَرْكث ينّغْنِي، مَايمِّي؟ مِينْزِي يڒَاغَا-د خَاوم إِ مَانَايَا بَاش اَذ تْخَاڒْسم س يِجّن ن لْبَرَكَا.

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."

لواحي ن يوحنا 22:9

ينَّا-ٱيِي: "لَّا! قَا نش ذ ڒْعَبْذ، أَم نش اَم شك اَم أَيثْمَاش لْأَنْبِيَا ذ مَارَّا يِنِّي يتݣّن اَرَّاي إِ وَاوَاڒن ن لْكِتَاب-أَ. سجّذ-اَس إِ أَربِّـي."