1 أيث-سلونيك 5:12 - ثريفيث 2020

¹² فَا آي أَيثْمَا، نقَّار-اَوم وقَّرم يِنِّي يخدّْمن جَارَاوم إِݣ يدْجَان خَاوم نهَّان-كنِّيو.

1 أيث-سلونيك 5:12 ပူးပေါင်းရင်းမြစ်များ

لوقا 10:7

قِّيمم ذِي ثدَّارْث نِّي، شّم سْوم زِي مِين غَارْسن مِينْزِي ونِّي يتْبشَّارن غَارس ڒْحَقّ اَذ يتْخَاڒس. وَار تْرَاحم شَا زِي ثدَّارْث غَار ثدَّارْث.

يوحنا 4:38

نش سّكّغ-د كنِّيو اَذ تمْجَارم مَانِي وَار ثْزرْعم شَا. ئِنّغْنِي زرْعن، كنِّيو ثسْتنْفَعم زِي ڒْخذْمث نْسن."

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

ڒخذايم 20:35

س مَارَّا مَانَايَا سْمظْهَارغ-اَوم-د مَامّش يتْخصَّا-يَانغ أَ نخْذم مْلِيح بَاش أَ نْعَاون يِنِّي يحْذَاجن. أَ نْفكَّر ذݣ وَاوَاڒ ن سِيذِيثْنغ عِيْسَى إِي ينَّا: سَّعْذ ن ونِّي يتِيشّن كْتَار زݣ ونِّي يقبّْڒن."

أيث-روما 16:12

سِيوْضم-اَسنْت سْڒَام إِ ضْرِيفُوْنَا ذ ضْرِيفِيسَا ثِنِّي يخدّْمن اَطَّاس ذِي سِيذِيثْنغ. سِيوْضم-اَس سْڒَام إِ ثَافرْسِيسْت إِي خَانغ يعِيزّن، ثْخدّم اَطَّاس ذِي سِيذِيثْنغ.

أيث-روما 16:6

سِيوْضم-اَس سْڒَام إ مَرْيَم إِݣ يخدّْمن اَطَّاس خَاوم.

1 أيث-كورينث 12:28

ذِي جْمَاعث-أَ ن ڒْمُوْمِنِين يرتّب أَربِّـي ذ اَمزْوَارُو أَرُّسُل، وِيس ثْنَاين لْأَنْبِيَا، وِيس ثْڒَاثَا يمْسڒْمَاذن، منْبَعْد يِنِّي يسْخدَّامن لْمُعْجِيزَاث ذ يِنِّي غَار دْجَانْت لْقُدْرَاث بَاش اَذ سْݣنْفَان يوْذَان، ذ يِنِّي يتْعَاوَانن، ذ يِنِّي يتْكلَّافن س ڒْخذْمث، ذ يِنِّي يسَّاوَاڒن س ڒبْعَاض ن لُّغَاث رُوْحِيَاث.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

1 أيث-كورينث 16:18

نِثْنِي سْريَّاحن ؤُڒ ينُو ذ وُوْڒ نْوم. إِيوَا وقَّرث يوْذَان اَم يِيْنَا.

1 أيث-كورينث 3:9

لِأَنَّا نشِّين نْشَرّش اَك أَربِّـي ذِي ڒْخذْمث-أَ. كنِّيو ذ اَمَرْجع نّس ذ ڒبْنِي نّس.

22 أيث-كورينث 11:23

مڒَا نِثْنِي ذ يخدَّامن ن لْمَسِيح، ؤُڒَا ذ نش حْسن عَاذ ذ اَخدَّام ن لْمَسِيح (سَّاوَاڒغ زَعْمَا س ثُوْبُّوْهْڒِيَا-يَا). نش شَّاثغ تَمَارَا كْتَار زَّايْسن، حبّْسن-اَيِي كْتَار زَّايْسن، ؤُوْثِين-اَيِي س وسْغُوْن كْتَار زَّايْسن. نش مشْحَاڒ ن ثْوَاڒَاثِين تْوَاجَاهغ ڒْموْث.

22 أيث-كورينث 5:9

خ مَانَاينِّي مِيخف نْرزُّو؟ نْرزُّو اَخَاس نَارْضَا وَاخَّا نْزدّغ ذِي دَّات-أَ ن دُّنشْت-أَ نِغ نْتَاݣّْوَاج زَّايس.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-ݣلاطيا 4:11

ݣّْوْذغ، يمْكن مَارَّا ڒْخذْمث ينُو اَكِذْوم ثِيڒِي ذِي ڒْبَاطڒ أُو صَافِي.

أيث-فيليـپـي 2:19

تْمنِّيغ س عِيسَى لْمَسِيح اَذَاوم د سّكّغ تِيْمُوْتَاوُس ذغْيَا بَاش خْمِي ذَايِي د غَا يَارّ ڒخْبَار خَاوم اَذَايِي يسْفَرح.

أيث-كولوس 1:29

خ مَانَايَا نش خدّْمغ، تَاحْڒغ ذِي ڒْخذْمث-أَ س مَارَّا جّْهذ نِّي ن لْمَسِيح نتَّا يسْخدَّام-اَيِي س ثْزمَّار نّس.

1 أيث-سلونيك 2:9

آي أَيثْمَا، أَقَا ثْعقْڒم خ ڒْخذْمث نّغ قَا نشِّين نُوْوْثَا خَاس تَمَارَا. وَامِي كنِّيو نتْبشَّار س لْإِنْجِيل ن أَربِّـي، قَا نْخدّم دْجِيڒث ذ نْهَار بَاش وَار نتْبسِّيڒ شَا خ شَان حَدّ زَّايْوم.

1 أيث-سلونيك 4:1

فَا آي أَيثْمَا عْلَاحْسَاب ثِمسْڒَايِين نّغْنِي، كنِّيو قَا ثْقبْڒم زَّايْنغ مَامش إِي غَا ثْعِيشم بَاش اَخَاوم يَارْضَا أَربِّـي؛ أَمنِّي عَاوذ إِي تْعِيشم. ڒخُّو ذِي عِيْسَى لْمَسِيح نتْحشَّام-يكنِّيو نتْوصَّا-كنِّيو بَاش اَذ تݣّم عَاذ كْتَار.

1 أيث-سلونيك 5:14

آي أَيثْمَا، نْهَاث يِنِّي يتْبَاعن فَرْق-شّْغڒ، شجّْعث يِنِّي يتفْشِيڒن، عَاوْنث يِنِّي يتضْعِيفن، صبَّارث اَك مَارَّا.

1 تيموتاوس 5:1

وَار نهَّا شَا يجّن ن ؤُوسَّار س ڒقْسَاحث؛ لَّا، سِيوڒ اَكِذس اَم بَابَاش. ئِحنْجِيرن اݣّ-يثن اَم اَيثْمَاش.

1 تيموتاوس 5:20

ئِمقّْرَانن إِݣ يعصَّان نْهَا-ثن شك زَّاث إِ مَارَّا يوْذَان بَاش ينِّي ينّغْنِي اَذ ݣّْوْذن بَعْدَا.

2 تيموتاوس 2:6

أَفدْجَاح إِݣ يتَمَارن ذِي ڒْخذْمث أُو لَابُد اَذ ييْسِي ڒْحَقّ نّس نتَّا ذ اَمزْوَارُو زِي ثْفدْجَاحْث نِّي.

ثبرات غار تيتوس 1:3

أُو ذِي لْوقْت نِّي إِݣ يخْضَر نتَّا يسْمظْهَار-د لْوَاعد-أَ س تّبْشِير نِّي إِي زِي ذَايِي يتْوَاكلّف س لْأَمَر ن أَربِّـي ونِّي إِي ذَانغ يسْنجْمن.

ثبرات غار تيتوس 1:5

خ مَانَاينِّي جِّيغ-شك ذِي ثيْزِيرْث ن كْرِيت، أَذ تْعذْڒذ مِين تُوْغَا رزُّوْغ نش اَذ عذْڒغ وَار ؤُوِيضغ شَا أُو عَاوذ بَاش اَذ تِخْضَرذ يمقّْرَانن ن جْمَاعث ن ڒْمُوْمِنِين ذِي مْكُڒ اَبِيلَاج اَم مَامّش إِي ش وصِّيغ.

ثبرات غار تيتوس 2:15

سِيوڒ خ ثْمسْڒَايِين-أَ، زيَّار خ ڒْمُوْمِنِين نهَّا-ثن س مَارَّا سُّلْطَا. وَار تجَّا حَدّ اَش يسحْقَر.

يعيبرانيين 13:17

طَاعث إِ يِنِّي خَاوم يتْرَايَّان، ݣّم-اَسن اَرَّاي مِينْزِي ذ يِنِّي إِݣ يحطَّان ڒَعْمَار نْوم. أَذ ؤُشن نِثْنِي ڒحْسَاب خ مَانَايَا إِ أَربِّـي. طَاعث إِ يِيْنَا بَاش ڒْخذْمث نْسن اَزَّايس فَرْحن وَار خَاسن تْبسِّيڒ شَا. مڒَا ثݣِّيم ثَغنَّانْت اَتَاف وَار كنِّيو ينفّع وَالُو.

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.

لواحي ن يوحنا 1:20

مِين يعْنَا ڒْمَعْنَا ينُوْفّرن ن سبْعَا ن يِيثْرَان نِّي إِي ثࢲْرِيذ ذݣ وفُوْس ينُو اَفُوْسِي ذ سبْعَا نِّي ن ڒقْنَاذڒ؟ سبْعَا نِّي ن يِيثْرَان، يعْنِي نِثْنِي ذ سبْعَا ن لْمَلَائِكَاث ن ثْجُمَاع ن ڒْمُوْمِنِين. سبْعَا نِّي ن ڒقْنَاذڒ، يعْنِي نِثْنِي ذ سبْعَا ن ثْجُمَاع ن ڒْمُوْمِنِين."

لواحي ن يوحنا 2:12

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن بَرْغَامُوْس، إِنِي-يَاس قَا ونِّي غَار يدْجَا سِّيف يقْضع خ ثْنَاين ن جِّهَاث، ئِقَّار-اَش:

لواحي ن يوحنا 2:18

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن ثِيَاتْرَا، إِنِي-يَاس قَا ونِّي يدْجَان ذ مِّيس ن أَربِّـي، ثِيطَّاوِين نّس ݣِّينْت اَم ؤُحَذُوْق ن ثْمسِّي، ئِضَارن نّس ݣِّين اَم نّحَّاس يصْفَان، ئِقَّار-اَش:

لواحي ن يوحنا 2:3

ثصْبَرذ، ثيْسِيذ تَمَارَا عْلَاحْسَاب يسم ينُو بْڒَا مَا ٱذ تَاحْرذ.

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش:

لواحي ن يوحنا 3:1

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سَرْدِيس، إِنِي-يَاس قَا ونِّي غَار دْجَان سبْعَا ن اَرُّوْحَاث ن أَربِّـي ذ سبْعَا ن يِيثْرَان، ئِقَّار-اَش: نش سّْنغ ڒخْذَايم نّش. قَّارن قَا شك ثدَّرذ وَلَكِن لَّا شك ثمُّوْثذ.

لواحي ن يوحنا 3:14

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن لَاوْدُكْيَا، إِنِي-يَاس قَا ونِّي ؤُمِي قَّارن آمِين، نتَّا ذ شَّاهذ ذَايس ڒَامَان ذَايس ڒْحَقّ، زَّايس إِي د يخْڒق أَربِّـي مَارَّا، ئِقَّار-اَش:

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش: