1 أيث-سلونيك 4:9 - ثريفيث 2020

⁹ ڒخُّو عْلَاحْسَاب ڒمْحِبّث جَارَاوم وَار نْتحْذِيجِي شَا عَاذ اَذَاوم نَارِي، مَايمِّي؟ مِينْزِي يسڒْمذ-يكنِّيو أَربِّـي س يِيخف نّس اَذ تخْسم اَيَاوْيَا.

1 أيث-سلونيك 4:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:39

ڒُوْصِيّث وِيس ثْنَاين اَم ثنِّي ثَمزْوَارُوْت: أَذ تخْسذ اَجَّار نّش اَمشْنَاو يخف نّش.

يوحنا 14:26

لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

ڒخذايم 4:32

جْمَاعث نِّي ن ڒْمُوْمِنِين غَارْسن ؤُڒ نْسن ذ ڒَعْقڒ نْسن كِيف-كِيف. ؤُڒَا ذ يجّن زَّايْسن وَار يحسّب مِين غَارس نّس وَاحْذس، شَرّْشن مَارَّا ثِمسْڒَايِين جَارَاسن.

أيث-روما 12:10

خْسث اَيَاوْيَا اَم ثَاوْمَات. وقَّارث اَيَاوْيَا كْتَار زِي جّْهذ.

22 أيث-كورينث 9:1

أَمَّا صَّذَاقَا إِ صَّالِحِين بْڒَا مَا ذَاوم د اَرِيغ، قَا نش سّْنغ ثْرزُّوْم اَذ تْعَاوْنم ذغْيَا. تفْتَخَرغ نش س مَانَايَا غَار أَيث-مَاسِدُوْنْيَا، قَّارغ-اَسن قَا زݣ وَازذْغَاث كنِّيو ذِي لْإِقْلِيم ن وخَايَا ثْسوْجَاذم-د بَاش اَذ تْصدّْقم. ڒْخَاضَر-أَ نْوم يتْشجَّاع اَزين-اَمقّْرَان اَذ صدّْقن.

أيث-فيليـپـي 3:15

فَلِيهَاذَا مَارَّا نشِّين إِݣ يتمْغُوْرن ذِي لْإِيمَان يتْخصَّا أَ نفكَّر اَمنِّي. مڒَا كنِّيو وَار ثْفكَّرم شَا اَمنِّي ذ أَربِّـي إِي كنِّيو غَا يسْفهْمن.

1 أيث-سلونيك 5:1

فَا آي أَيثْمَا، وَار نْتحْذِيجِي شَا اَذَاوم نْتَارِي خ لْأَوْقَات نِغ ذ تَّوَارِيخ.

يعيبرانيين 10:16

<ذ وَانِيتَا ذ ڒْعَهذ إِي غَا ݣّغ اَك أَيث-إِسْرَائِيل منْبَعْد إِ ڒْوقْث نِّي، ئِقَّار-يت سِيذِي أَربِّـي. أَذَاسن سِيذْفغ ڒُوْصِيَاث ينُو ذݣ وُوْڒَاون نْسن، أَغَارْسن يڒِينْت ذ ثِيْرَا خ ڒَعْقُوْڒَاث نْسن.>

يعيبرانيين 13:1

قِّيمث تْحِبَّاث اَيَاوْيَا اَم وَاوْمَاثن.

1 بطرس 3:8

لْمُهِيم، ئِتْخصَّا-كنِّيو مَارَّا إِذْوم ڒَعْقُوْڒَاث نْوم اَذ يڒِين ذ يجّن، أَذ تسْحِيسّم اَك وَايَاوْيَا، أَغَارْوم ثِيڒِي يِجّن ن ڒمْحِبّث ن وَاوْمَاثن، أَذ تْحِينّم ذݣ وَايَاوْيَا، وَار ذَايْوم يتِيڒِي بُو تَّكبُّر.

1 بطرس 4:8

مِين يدْجَان مُهِم قَاع؟ ئِتْخصَّا اَذ تْحِبّم اَيَاوْيَا زݣ وُوْڒ مِينْزِي ڒمْحِبّث ثْقطَّا خ وَاطَّاس ن دُّنُوْب.

2 بطرس 1:7

أُو عَاوذ اَرْنِيم ڒْخِير جَار وَاوْمَاثن اَك طَّاعَا-يَا نْوم إِ أَربِّـي؛ أُو عَاوذ اَرْنِيم ڒمْحِبّث اَك ڒْخِير-أَ نْوم جَار وَاوْمَاثن.

1 يوحنا 2:10

وَلَكِن ونِّي يتخْسن ؤُمَاس اَتَاف نتَّا يتْعِيش ذِي نُّوْر اَتَاف وَار غَارس مِين ث غَا يغضْڒن.

1 يوحنا 3:11

ذ وَا ذ اَوَاڒ إِي تسْڒَام زݣ ومزْوَارُو يعْنِي يتْخصَّا وَا لَابُد أَ نْتخْس اَيَاوْيَا.

1 يوحنا 3:23

أَقَا ثَانِيتَا ذ ڒُوْصِيّث نّس أَ نَامن زݣ يِيْسم ن مِّيس عِيْسَى لْمَسِيح، أَ نْتخْس اَيَاوْيَا اَم مَامّش إِي ذَانغ د يوصَّا نتَّا.

1 يوحنا 4:21

إِيوَا اَقَا ڒُوْصِيّث إِي ذَانغ يجَّا لْمَسِيح يعْنِي ونِّي يتخْسن أَربِّـي يتْخصَّا-ث اَذ يخس ؤُڒَا ذ ؤُمَاس.