1 أيث-سلونيك 4:6 - ثريفيث 2020

⁶ عْلَاحْسَاب مَانَايَا يتْخصَّا لَابُد ؤُڒَا ذ يجّن وَار يضدْجم ؤُمَاس وَار ث يتْغشِّي شَا لِأَنَّا ذ سِيذِيثْنغ إِݣ يتْخدْجَاسن خ مَارَّا ثِمسْڒَايِين-أَ مَامّش ذَاوم ث ننَّا قْبڒ نعْڒم-اَوم خَاس.

1 أيث-سلونيك 4:6 ပူးပေါင်းရင်းမြစ်များ

مرقس 10:19

ثسّْنذ ڒُوْصِيَاث: وَار نقّ، وَار زنَّا، وَار تَاشَار، وَار شهّذ بُو ࢲُّوْر، وَار شمّث، وقَّر بَابَاش ذ يمَّاش."

لوقا 12:5

لَّا، أَذَاوم ينِيغ وِي زِي غَا ثݣّْوْذم: ݣّْوْذث زِي ونِّي إِي غَا ينْغن دَّات نْوم منْبَعْد اَغَارس يِيڒِي جّْهذ بَاش اَذ يݣّ كْتَار، أَت ينْضَر ذِي جَهنَّمَا. وَاه، قَّارغ-اَوم: ونِّي ݣّْوْذم-ث.

لوقا 16:28

غَارِي خمْسَا ن أَيْثْمَا خْسغ اَثن يعْڒم حمَا ؤُڒَا ذ نِثْنِي وَار تْعدِّيبن شَا ذݣ ومْشَان-أَ.

أيث-روما 1:18

فَا يمظْهَار-د وغْضَاب ن أَربِّـي زݣ وجنَّا خ مَارَّا شَّرّْ ذ ڒْبَاطڒ إِي تݣّن يِوْذَان يعْنِي يِنِّي يتْبطَّاڒن لْحَقِيقَا س شَّرّْ نْسن.

أيث-روما 12:19

آي يمْعِيزّن ينُو، وَار تنْتَاقَامم زِي حَدّ، لْعِقَاب جّم-ث إ أَربِّـي. أَقَا لْكِتَاب يقَّار: <ذ نش إِݣ يتنْتَاقَامن، ذ نش إِݣ يتْخدْجَاسن، ئِقَّار-يت سِيذِي أَربِّـي.>

أيث-روما 13:4

أَقَا نتَّا ذ اَخدَّام ن أَربِّـي اَش ينْفع. وَلَكِن مڒَا تݣّذ شَّرّْ ݣّْوذ زَّايس، وَار ييْسِي شَا سِّيف بْڒَا سَّبَاب. نتَّا ذ اَخدَّام ن أَربِّـي يتخدْجَاس يتْعَاقَاب ونِّي يتݣّن شَّرّْ.

22 أيث-كورينث 7:11

فكَّارث كنِّيو ذِي مِين ذَايْوم د يتَارو وخِيّق-أَ زِي أَربِّـي. يعْنِي مشْحَاڒ تْحَوَاڒم س وُوْڒ ثْرزُّوْم اَذ تْحلّم مَانَايَا ذغْيَا. يعْنِي مشْحَاڒ ثْندْمم مشْحَاڒ ثنْخڒْعم، ذَايْوم يجّن ن مزْڒِي ذ ثِيݣّْوْذِي. يعْنِي مشْحَاڒ ثسْوجْذم اَذ تْحكْمم نِيشَان. مِين مَا يدْجَان ذِي ثْمسْڒَايْث-أَ كنِّيو وَار ذَايْوم بُو ڒْعِيب.

أيث-ݣلاطيا 5:21

ذ ڒحْسذ ذ وَاطَّاس ن شْرب ذ لْمَدلَّا ن سّكْرَا ذ مِين يتْشَابَّاهن ذِي مَانَايَا. عدْجْمغ-اَوم-د ڒخُّو مَامش تُوْغَا ذَاوم عڒْمغ زِي قْبڒ: يِنِّي يتݣّن ڒخْذَايم-أَ وَار تْوَارِيثن شَا ڒْمُلْك ن أَربِّـي.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-ؤفسوس 4:28

ونِّي إِݣ يتَاشَارن لَابُد اَذ يبعّذ زِي ثُوْكَّارْذَا نِّي، أَذ يخْذم يجّن ن ڒْخذْمث ذ ثَصبْحَانْت س يفَاسّن نّس بَاش اَذ يعَاون زَّايس ونِّي يتحْذَاجن.

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

1 أيث-سلونيك 2:11

نْتݣّ اَكِذْوم اَم يِجّن ورْيَاز اَك ثَارْوَا نّس. نتْوصَّا-كنِّيو نتْشجَّاع-يكنِّيو نتْزيَّار خَاوم

2 أيث-سلونيك 1:8

أَذ ينْتَاقم زݣ يِنِّي وَار يسِّينن شَا أَربِّـي ذ يِنِّي وَار يتْطِيعِين شَا إِ لْإِنْجِيل ن سِيذِيثْنغ عِيْسَى.

يعيبرانيين 13:4

وقَّارث ڒمْڒَاش مَارَّا. قَامَا ن ڒمْڒَاش اَذ تِيڒِي س نِّيّث بْڒَا ڒْغدْڒَان. أَقَا أَربِّـي اَذ يعَاقب يِنِّي يفسّْذن ذ يِنِّي يزنَّان.

ثبرات غار يعقوب 2:6

وَلَكِن كنِّيو ثْحݣَّرم ڒْمُسَاكِين! مَا وَار ثسِّينم شَا ذ تْوَاجَر إِي كنِّيو إِي ضدْجْمن، تْجَرَّان-كنِّيو غَار لْمَحَاكِيم؟

ثبرات غار يعقوب 5:4

إِيوَا، كنِّيو وَار تْخدْجِيسم شَا يشوَّارن إِي ذَاوم يمجَّارن ذݣ يمَرْجعِيون نْوم، تخْڒِيسث نْسن ثسْغُوْيِو-د تْشثْشَا زَّايْوم. ثْغُوْيّث نِّي ن يشوَّارن يتسْڒَا-يَاس سِيذِي أَربِّـي لْعَلَمِين.