1 أيث-سلونيك 3:6 - ثريفيث 2020

⁶ ڒخُّو يذْوڒ-د غَارْنغ زَّايْوم تِيْمُوْتَاوُس، يُوْوِي-يَانغ-د يجّن ن ڒخْبَار ذ اَصبْحَان خ لْإِيمَان نْوم ذ ڒمْحِبّث نْوم. ينَّا-ٱنغ اَقَا تْخمَّامم ذَايْنغ مْلِيح، ذَايْوم عَاوذ مزْڒِي اَذَانغ ثࢲرم ؤُڒَا ذ نشِّين ذَايْنغ مزْڒِي اَكنِّيو نْࢲر.

1 أيث-سلونيك 3:6 ပူးပေါင်းရင်းမြစ်များ

ڒخذايم 16:1

يُوْوض بُوْلُس غَار ثنْدِينْت ن دِرْبَا ذ ثنْدِينْت ن لِيْسْتْرَا، يُوْفَا ذِنِّي يجّن ن ومحْضَار قَّارن-اَس تِيْمُوْتَاوُس. يمَّاس نتَّاث ذ ثَئِسْرَائِيلِيث ذ ڒْمُوْمْنَا، بَابَاس ذ اَيُوْنَانِي.

ڒخذايم 18:1

منْبَعْد يفّغ بُوْلُس زِي ثنْدِينْت ن ؤُتِينَا يرُوْح غَار ثنْدِينْت ن كُوْرِينْث.

ڒخذايم 18:5

وَامِي د يخْضڒ سِيلَاس ذ تِيْمُوْتَاوُس زِي لْإِقْلِيم ن مَاسِدُوْنْيَا، ئِبْذَا بُوْلُس يخدّم غِير س تّبْشِير أُو صَافِي، ئِشهّذ إِ أَيث-إِسْرَائِيل بلِّي عِيْسَى نتَّا ذ لْمَسِيح.

1 أيث-كورينث 11:2

فَا تْشكَّرغ-كنِّيو وَامِي تعْقَاڒم خَافِي ذِي مَارَّا ثِمسْڒَايِين، ثْحفّْظم تَّعْلِيم نِّي مَامّش ذَاوم ث سڒْمَاذغ نش.

1 أيث-كورينث 13:13

أَقَاثن ڒخُّو قِّيمن ثْڒَاثَا-يَا: لْإِيمَان ذ لْأَمَال ذ ڒمْحِبّث يِيْنَا. مَاشَا زِي يِيْنَا ڒمْحِبّث ثُوْعْڒَا.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-فيليـپـي 1:8

أَتَاف أَربِّـي ذ شَّاهذ ينُو مشْحَاڒ إِي كنِّيو تْوحَّاشغ س لْحَنَانَا ن عِيْسَى لْمَسِيح.

أيث-كولوس 1:4

لِأَنَّا نتسْڒَا خَاوم خ لْإِيمَان نْوم إِي ذَايْوم خ عِيْسَى لْمَسِيح ذ ڒمْحِبّث نْوم إِي تݣّم إِ صَّالِحِين مَارَّا.

أيث-كولوس 4:18

قَا نش ذ بُوْلُس س ثِيرَا ن وفُوْس ينُو إِي زِي ذَاوم د سَاوَّاضغ سْڒَام ڒخُّو. فقْذم-اَيِي-د س سْنَاسڒ ينُو ن ڒحْبس-أَ. أَكِذْوم يِيڒِي اَرْضَا.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

1 أيث-سلونيك 2:17

آي أَيثْمَا، تُوْغَا نْغَاب خَاوم شْوَاي ن ڒْوقْث، وَلَكِن ذݣ وُوْڒَاون نّغ وَار خَاوم نْغِيب شَا. ذِي ڒْوقْث نِّي نتْحَوَاڒ اَطَّاس بَاش أَ د نَاس مِينْزِي ذَايْنغ مزْڒِي اَكنِّيو نْࢲر.

1 أيث-سلونيك 2:9

آي أَيثْمَا، أَقَا ثْعقْڒم خ ڒْخذْمث نّغ قَا نشِّين نُوْوْثَا خَاس تَمَارَا. وَامِي كنِّيو نتْبشَّار س لْإِنْجِيل ن أَربِّـي، قَا نْخدّم دْجِيڒث ذ نْهَار بَاش وَار نتْبسِّيڒ شَا خ شَان حَدّ زَّايْوم.

1 أيث-سلونيك 3:7

خ مَانَايَا آي أَيثْمَا، نشِّين نتْوَاشجّع س لْإِيمَان نْوم وَاخَّا اَقَانغ ذَانِيتَا ذِي ڒمْحَاين ذ يِج وزيَّار.

2 أيث-سلونيك 1:3

آي أَيثْمَا، ئِتْخصَّا أُو لَابُد أَ نْشكَّر أَربِّـي خَاوم ڒبْدَا. قَا مَانَايَا نِيشَان مِينْزِي لْإِيمَان نْوم يتمْغُوْر س وَاطَّاس، مِينْزِي عَاوذ ڒمْحِبّث نْوم ثْرنِّي اَك وَايَاوْيَا.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

2 تيموتاوس 1:3

تْشكَّرغ أَربِّـي ونِّي عبّْذغ زِي ڒجْذُوْذ ينُو س يِجّن ن ضَّمِير يصْفَان. تتَّارغ-اَس إِ أَربِّـي خَاش دْجِيڒث ذ نْهَار بْڒَا مَا ٱذ بدّغ.

ثبرات غار فليمون 1:5

قَا نش تسْڒِيغ خ لْإِيمَان نّش إِي ذَايش زِي سِيذِيثْنغ عِيْسَى ذ ڒمْحِبّث نّش غَار مَارَّا صَّالِحِين.

يعيبرانيين 13:3

خمّْمث ذݣ يمحْبَاس اَمشْنَاو كنِّيو إِي كِذْسن ثتْوَاحبّْسم ذ يِنِّي إِي خف تْبُوْصَارن اَمشْنَاو كنِّيو ثتْوَاعدَّابم.

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.

1 يوحنا 3:23

أَقَا ثَانِيتَا ذ ڒُوْصِيّث نّس أَ نَامن زݣ يِيْسم ن مِّيس عِيْسَى لْمَسِيح، أَ نْتخْس اَيَاوْيَا اَم مَامّش إِي ذَانغ د يوصَّا نتَّا.