1 أيث-سلونيك 2:17 - ثريفيث 2020

¹⁷ آي أَيثْمَا، تُوْغَا نْغَاب خَاوم شْوَاي ن ڒْوقْث، وَلَكِن ذݣ وُوْڒَاون نّغ وَار خَاوم نْغِيب شَا. ذِي ڒْوقْث نِّي نتْحَوَاڒ اَطَّاس بَاش أَ د نَاس مِينْزِي ذَايْنغ مزْڒِي اَكنِّيو نْࢲر.

1 أيث-سلونيك 2:17 ပူးပေါင်းရင်းမြစ်များ

لوقا 12:58

شُوْف، مڒَا يتْهم-يشك شَا حَدّ منْبَعْد ؤُوِين-اَش-د لْإِسْتِدْعَا حمَا اَكِذس ثْرَاحذ غَار لْمَحْكَامَا، عْذڒ اَكِذس ذغْيَا ذݣ وبْرِيذ بَاش وَار ش يسِيوِّيض شَا غَار ڒْقَاضِي، ڒْقَاضِي نِّي اَذ ئِأَمَر اَمْخَازْنِي، أمْخَازْنِي نِّي اَش ينْضَر ذِي ڒحْبس.

لوقا 22:15

ينَّا-ٱسن: "مشْحَاڒ نش تُوْغَا تْرَاجِيغ اَكِذْوم مُوْنْسْوغ ذِي ڒْعِيذ اَمقّْرَان-أَ قْبڒ إِي غَا تْوَاعدّْبغ.

ڒخذايم 17:10

سّنِّي س دْجِيڒث نِّي اَيثْمَاثْنغ سّكّن بُوْلُس ذ سِيلَاس غَار ثنْدِينْت ؤُمِي قَّارن بِيرْيَا. وَامِي ؤُوْضن، ؤُذْفن غَار ثمْزِيذَا ن أَيث-إِسْرَائِيل.

أيث-روما 1:13

آي اَيْثْمَا، خْسغ اَذ تسّْنم بلِّي اَطَّاس ن ثْوَاڒَاثِين تݣّغ اَغَارْوم د اَسغ، وَلَكِن ڒخُّو عَاذ وَار غَارْوم د ؤُوِيضغ. نش خْسغ ڒْخذْمث ينُو اَذ تنْجح ذَايْوم مَامّش ثنْجح جَار ڒݣْنُوْس نّغْنِي.

أيث-روما 15:23

وَلَكِن ڒخُّو وَار غَارِي بُو ومْشَان اَذ خذْمغ ذِي جْوَايه-أَ، أُو نش مشْحَاڒ زݣ وَامِي إِي رزُّوْغ اَذ د اَسغ اَكنِّيو ࢲرغ.

1 أيث-كورينث 5:3

نش، وَاخَّا غَابغ زَّايوْم س دَّات ينُو، أَقَاث ذِنِّي اَكِذْوم اَرُّوْح ينُو. صَافِي، نش اَخْمِي اَقَايِي ذِنِّي حكْمغ خ ونِّي يݣِّين ثَمسْڒَايْث-أَ.

أيث-كولوس 2:5

نش وَاخَّا وَار دْجِيغ شَا اَكِذْوم س دَّات ينُو اَقَايِي اَكِذْوم س أَرُّوْح ينُو، فَرّْحغ نش خْمِي تْوَاڒِيغ لْعِبَادَا نْوم نِيشَان تݣّم-ت ثَا س ثَا أُو مشْحَاڒ إِي تْبدَّام ذِي لْإِيمَان نْوم ذِي لْمَسِيح.

1 أيث-سلونيك 3:6

ڒخُّو يذْوڒ-د غَارْنغ زَّايْوم تِيْمُوْتَاوُس، يُوْوِي-يَانغ-د يجّن ن ڒخْبَار ذ اَصبْحَان خ لْإِيمَان نْوم ذ ڒمْحِبّث نْوم. ينَّا-ٱنغ اَقَا تْخمَّامم ذَايْنغ مْلِيح، ذَايْوم عَاوذ مزْڒِي اَذَانغ ثࢲرم ؤُڒَا ذ نشِّين ذَايْنغ مزْڒِي اَكنِّيو نْࢲر.