1 أيث-سلونيك 2:14 - ثريفيث 2020

¹⁴ آي أَيثْمَا، ثْذوْڒم اَم ثْجُمَاع نِّي ن ڒْمُوْمِنِين ن أَربِّـي ذِي عِيْسَى لْمَسِيح ثِنِّي إِي يدْجَان ذِي ثْمُوْرْث ن يَهُوْذِيَا. لِأَنَّا يوْذَان ن ثْمُوْرْث نْوم تْبُوْصَارن خَاوم اَم أَيث-يَهُوْذِيَا تْبُوْصَارن خ ثْجُمَاع ن ڒْمُوْمِنِين إِي ذِنِّي.

1 أيث-سلونيك 2:14 ပူးပေါင်းရင်းမြစ်များ

ڒخذايم 11:19

عْلَاحْسَاب اَعدّب نِّي إِي يوقْعن وَامِي يتْوَانغ سْتِيفَان، ڒْمُوْمِنِين كُڒ يجّن مَانِي يرُوْح: ئِجّن يرُوْح ٱڒ فِينِيقْيَا، ئِجّن يرُوْح اَڒ قُبْرُص، ئِجّن يرُوْح اَڒ وَانْطَاكْيَا. وَار تْبشِّيرن ذِنِّي حَدّ س وَاوَاڒ ن أَربِّـي إِلَّا يسْرَائِيلِيْين.

ڒخذايم 13:50

وَلَكِن يسْرَائِيلِيْين سَامَرن ثِمْغَارِين إِي ذَايْسنْت دِّين غَارْسنْت لْمَرْتَبَا، عَاوذ سَامَرن يمقّْرَانن ن ثنْدِينْت. تݣّن سَّبَاب إِ يِوْذَان حمَا اَذ عدّْبن بُوْلُس ذ بَرْنَابَا أُوْشَا ؤُزّْڒن خَاسن زِي جِّهث نِّي.

ڒخذايم 14:19

منْبَعْد ؤُسِين-د شَان يسْرَائِيلِيْين زِي وَانْطَاكْيَا ذ إِكُوْنْيَا تْسَامَرن ڒْغَاشِي نِّي، اَرجْمن بُوْلُس س وزْرُو جَرّن-ث بَارَّا إِ ثنْدِينْت تْغِيڒ-اَسن يمُّوْث.

ڒخذايم 14:2

وَلَكِن يسْرَائِيلِيْين إِي يُوْݣِين اَذ اَمْنن سَامَرن يِنِّي وَار يدْجِين شَا زِي أَيث-إِسْرَائِيل خ اَيثْمَاثْنغ، عمَّرن-اَسن اَزدْجِيف.

ڒخذايم 14:4

مسْفْرَاقن اَيثْبَاب ن ثنْدِينْت-أَ ن إِكُوْنْيَا خ ثْنَاين. ڒبْعَاض إِذْسن اَقَاثن اَك يسْرَائِيلِيْين، ڒبْعَاض إِذْسن اَقَاثن اَك اَرُّسُل.

ڒخذايم 14:5

كَّرن يسْرَائِيلِيْين ذ يِنِّي وَار يدْجِين شَا زِي أَيث-إِسْرَائِيل تَافْقن اَك اَرُّوْيَاس نْسن بَاش اَذ عدّن خ اَرُّسُل اَثن رجْمن س وزْرُو.

ڒخذايم 17:13

ئِسْرَائِيلِيْين نِّي ذِي ثنْدِينْت ن سَالُوْنِيك اَرِّين-د ڒخْبَار بُوْلُس يتْبشَّار س وَاوَاڒ ن أَربِّـي ذِي ثنْدِينْت ن بِيرْيَا. ؤُسِين-د غَار بِيرْيَا بْذَان تݣّن يخَارْوِيضن سْهَاجن خَاس ڒْغَاشِي.

ڒخذايم 18:12

وَلَكِن ذِي ڒْوقْث نِّي ن ݣَالْيُوْن لْعَامِل ن لْإِقْلِيم ن ؤُخَايَا، مُوْنن يسْرَائِيلِيْين هجْمن خ بُوْلُس ؤُوِين-ث غَار لْمَحْكَامَا.

ڒخذايم 8:1

وَامِي نْغِين سْتِيفَان، ئِجّن قَّارن-اَس شَاوُل اَقَاث ذِنِّي يحْضَار يتَافق اَكِذْسن. نْهَار نِّي بْذَان تْعدَّابن جْمَاعث ن ڒْمُوْمِنِين ذِي ثنْدِينْت ن لْقُدْس. مسْفْرَاقن مَارَّا ڒْمُوْمِنِين رُوْحن غَار جْوَايه ن يَهُوْذِيَا ذ سَامَرْيَا كُڒ يجّن مَانِي يرُوْح، وَار يقِّيم حَدّ ذِي لْقُدْس إِلَّا اَرُّسُل.

ڒخذايم 8:3

شَاوُل نتَّا يرزُّو اَذ يقْضَا خ جْمَاعث ن ڒْمُوْمِنِين، يتَاذف زِي ثدَّارث غَار ثدَّارْث يسُوْفُوْغ-د يرْيَازن ذ ثمْغَارِين يتݣّ-يثن ذِي ڒحْبس.

ڒخذايم 9:1

شَاوْل عَاذ يتْهدَّاذ س ڒْموْث يمحْضَارن ن سِيذِيثْنغ. ئِكَّر يرُوْح غَار اَرَّايس ن ڒْفُقَهَا،

ڒخذايم 9:13

يَارَّا خَاس أَنَاس ينَّا-ٱس: "آ سِيذِي، نش خبَّرن-اَيي اَطَّاس ن يِوْذَان خ بْنَاذم-أَ شَاوُل، مشْحَاڒ يعدّب نتَّا ڒْمُوْمِنِين نّش صَّالِحِين ذِي لْقُدْس.

ڒخذايم 9:31

ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.

1 أيث-كورينث 10:32

وَار غطّْڒث حَدّ وَاخَّا نِثْنِي ذ يسْرَائِيْلِيْين نِغ ذ ييُوْنَانِيْين نِغ ذ جْمَاعث ن ڒْمُوْمِنِين ن أَربِّـي.

1 أيث-كورينث 7:17

كُڒ يجّن اَذ يعِيش ثُوْذَارْث نّس مَامش ذَاس ت يُوْشَا سِيذِيثْنغ، مَامش ذَاس د يڒَاغَا أَربِّـي. أَمُّو إِي تْوصِّيغ نش مَارَّا ثِجُوْمَع ن ڒْمُوْمِنِين.

أيث-ݣلاطيا 1:22

تُوْغَا نش عَاذ وَار ذَايِي سِّينن شَا ذݣ وغمْبُوْب ينُو ثِجُوْمَاع ن ڒْمُوْمِنِين ن لْمَسِيح ذِي ثْمُوْرْث ن يَهُوْذِيَا.

1 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس. نْتَارِي ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ. أَكِذْوم يِيڒِي اَرْضَا ذ ڒهْنَا.

1 أيث-سلونيك 1:6

كنِّيو ثبْذَام تݣّم مَامش نْتݣّ نشِّين ذ مَامش يتݣّ سِيذِيثْنغ لِأَنَّا كنِّيو ذِي ڒْوسْط ن وَاطَّاس ن تَمَارَا ثْقبْڒم اَوَاڒ نّغ س ڒفْرَاحث إِي د يُوْسِين زِي أَرُّوْح يقدّْسن.

1 أيث-سلونيك 3:4

وَاه، وَامِي تُوْغَانغ اَكِذْوم قْبڒ نقَّار-اَوم قَا ڒمْحَاين اَخَانغ كّنْت. ذ مَانَايَا إِݣ يوقْعن قَا ثسّْنم كنِّيو.

2 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس، نُوْرَا ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

2 أيث-سلونيك 1:4

خ مَانَايَا ذ كنِّيو إِݣ يدْجَان ذ شَّان نّغ جَار ثْجُمَاع ن ڒْمُوْمِنِين، نسَّاوَاڒ خ صّْبَر نْوم ذ لْإِيمَان نْوم ذِي مَارَّا اَعدّب نِّي ذ مَارَّا ڒمْحَاين نِّي إِي خَاوم إِي تكّن.