1 أيث-سلونيك 1:6 - ثريفيث 2020

⁶ كنِّيو ثبْذَام تݣّم مَامش نْتݣّ نشِّين ذ مَامش يتݣّ سِيذِيثْنغ لِأَنَّا كنِّيو ذِي ڒْوسْط ن وَاطَّاس ن تَمَارَا ثْقبْڒم اَوَاڒ نّغ س ڒفْرَاحث إِي د يُوْسِين زِي أَرُّوْح يقدّْسن.

1 أيث-سلونيك 1:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:24

سّنِّي يسِّيوڒ عِيْسَى اَك يمحْضَارن نّس ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس اَذَايِي يذْفَار.

يوحنا 8:12

ئِسِّيوڒ غَارْسن عَاوذ عِيْسَى ينَّا-ٱسن: "نش ذ نُّوْر ن دُّنشْت. ونِّي ذَايِي غَا يذْفَارن عمَّارْص اَذ يُوْيُوْر ذِي ثَادْجسْت، أَغَارس يِيڒِي نُّوْر ن ثُوْذَارْث."

ڒخذايم 13:52

ئِمحْضَارن يدْجَان ذِنِّي شُّوْرن س ڒفْرَاحث ذ أَرُّوْح يقدّْسن.

ڒخذايم 5:41

فَرْحن اَرُّسُل وَامِي فّْغن زِي جْمَاعث نِّي ن لْحُكَّام ن أَيث-إِسْرَائِيل، حسّْبن بلِّي غَارْسن لْهِمَّا خ لْإِهَانَا نِّي إِي ذَاسن يوقْعن خ يِيسم ن عِيْسَى.

ڒخذايم 9:31

ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

1 أيث-كورينث 11:1

ذفَّارم-اَيِي-د مَامّش ذفَّارغ نش لْمَسِيح.

1 أيث-كورينث 11:2

فَا تْشكَّرغ-كنِّيو وَامِي تعْقَاڒم خَافِي ذِي مَارَّا ثِمسْڒَايِين، ثْحفّْظم تَّعْلِيم نِّي مَامّش ذَاوم ث سڒْمَاذغ نش.

1 أيث-كورينث 4:16

إِذن، تْشجَّاع-كنِّيو اَذَايِي ثْقلّْدم مَامش تݣّغ نش.

22 أيث-كورينث 6:10

نشِّين نتْوَازيَّار وَلَكِن ڒبْدَا نفَرّح؛ نشِّين ذ يپُـوْبْرِيثن نْسرْبَاح اَطَّاس ن يِوْذَان؛ وَار غَارْنغ وَالُو وَلَكِن غَارْنغ كُڒْشِي.

22 أيث-كورينث 8:5

نشِّين نذْهش وَامِي ݣِّين مَانَاينِّي. عْلَاحْسَاب مِين يخس أَربِّـي سلّْمن ذ اَمزْوَارُو ڒْخَاضَر نْسن إِ سِيذِيثْنغ أُو عَاذ سلّْمن-ث إِ نشِّين.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ؤفسوس 5:1

فَلِيهَذَا ݣّم مَامش يتݣّ أَربِّـي مِينْزِي كنِّيو ذ ثَارْوَا نّس يمْعِيزّن.

أيث-فيليـپـي 3:17

آي أَيثْمَا، مُوْنث اَك يِنِّي يتݣّن اَم نش. خْزَرث مْلِيح غَار يِنِّي يݣُّوْرن ذݣ وبْرِيذ نّغ.

2 أيث-سلونيك 1:4

خ مَانَايَا ذ كنِّيو إِݣ يدْجَان ذ شَّان نّغ جَار ثْجُمَاع ن ڒْمُوْمِنِين، نسَّاوَاڒ خ صّْبَر نْوم ذ لْإِيمَان نْوم ذِي مَارَّا اَعدّب نِّي ذ مَارَّا ڒمْحَاين نِّي إِي خَاوم إِي تكّن.

2 أيث-سلونيك 3:7

كنِّيو س يِيخف نْوم ثسّْنم أُو لَابُد اَذ تبْعم اَبْرِيذ نِّي إِي نݣَّا جَارَاوم. نشِّين وَار نتْبِيع شَا فَرْق-شّْغڒ وَامِي تُوْغَانغ اَكِذْوم.

2 أيث-سلونيك 3:9

نݣَّا مَانَاينِّي مَاشِي وَار غَارْنغ بُو ڒْحَقّ اَذَانغ ثْعَاوْنم؛ لَّا، نْسظْهَار-اَوم-د اَبْرِيذ إِي غَا ثذْفَارم.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

يعيبرانيين 10:34

لِأَنَّا يمحْبَاس قِّيمن ذَايْوم ذݣ وُوْڒ. عَاوذ ثصْبَارم س ڒفْرَاحث وَامِي ذَاوم كّْسِين اَݣْڒَا نْوم، تُوْغَا تسّْنم عَاذ اَغَارْوم يِيڒِي يجّن ن وَاݣْڒَا حْسن زݣ ونّغْنِي، يتْدُوْمَان.

1 بطرس 1:6

س وسنْجم-أَ كنِّيو ثْفَرّْحم وَاخَّا ڒبْعَاض زَّايْوم تْوَاعدَّابن ڒخُّو ذِي ڒمْحَاين شْوِيت ن ڒْوقْث.

1 بطرس 1:8

ثْحِبّم-ث وَاخَّا وَار ث ثࢲْرِيم شَا. أَقَا ثُوْمْنم زَّايس وَاخَّا وَار ث تْوِيڒِيم شَا ڒخُّو. كنِّيو ثْعمَّرم س يِجّن ن ڒفْرَاحث ذ ثَمقّْرَانْت وَار ثْزمَّرم شَا اَت ثْشَرّْحم.

1 بطرس 3:13

إِيوَا مڒَا ثْحَاوْڒم اَذ تݣّم ڒْخِير، مِين يعْنَا ونِّي إِي كنِّيو غَا يضَرّن؟

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.