1 أيث-سلونيك 1:5 - ثريفيث 2020

⁵ لِأَنَّا لْإِنْجِيل إِي نتْبشَّار وَار د يُوْسِي شَا غَارْوم س وَاوَاڒن وَاهَا، يُوْسَا-د غَارْوم س ثْزمَّار ذ أَرُّوْح يقدّْسن ذ يِج وقنَّاع يمْغَر. أَقَا ثسّْنم مَامش تُوْغَا نتْعِيش جَارَاوم عْلَاحْسَاب كنِّيو.

1 أيث-سلونيك 1:5 ပူးပေါင်းရင်းမြစ်များ

مرقس 16:20

نِثْنِي فّْغن بشَّرن يوْذَان ذِي مْكُڒ اَمْشَان. سِيذِيثْنغ اَقَاث اَكِذْسن، ئِسْمظْهَار-د ڒْحَقّ ن يِنِّي يتْبشَّارن س وَاطَّاس ن لْعَلَامَاث إِي ثن يذفَّارن.}

لوقا 1:1

آ سِي تُوْفِيلُوْس، أَطّاس ن يِوْذَان ݣِّين اَذ اَرِين مِين يوقْعن غَارْنغ.

ڒخذايم 11:21

سِيذِي أَربِّـي اَقَاث اَكِذْسن، اَطَّاس ن يِوْذَان ؤُمْنن ذوْڒن-د غَار سِيذِيثْنغ.

ڒخذايم 16:14

أَكِذْسنْت ذِنِّي يجّن ن ثمْغَارْث ثسْڒَا-يَانغ قَّارن-اَس لِيدْيَا. نتَّاث زِي ثنْدِينْت ن ثِيَاتْرَا ثزْنُوْزَا ثْشُوْقّت نِّي إِي يغْڒَان لُّوْن نّس ذ لِّيلَا، ثْعبّذ أَربِّـي. يرْزم-اَس سِيذِي أَربِّـي ؤُڒ نّس بَاش اَذ تْصنّط إِ وَاوَاڒ ن بُوْلُس.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

أيث-روما 2:16

ئِقَّار لْإِنْجِيل إِي زِي تْحدَّاثغ: مَانَايَا اَذ يِيڒِي ذِي نْهَار نِّي خْمِي غَا يحَاسب أَربِّـي خ وفُوْس ن عِيْسَى لْمَسِيح مَارَّا مِين ينُوْفَّرن ذݣ وُوْڒَاون ن يِوذَان.

1 أيث-كورينث 1:24

وَلَكِن إِ يِنِّي ؤُمِي د يڒَاغَا أَربِّـي، يعْنِي يسْرَائِلِيْين ذ يِنِّي وَار يدْجِين شَا زِي أَيث-إِسْرَائِيل، لْمَسِيح نتَّا ذ جّْهذ ن أَربِّـي ذ ڒفْهَامث نّس.

1 أيث-كورينث 10:33

نش رزُّوْغ اَذ سَارْضِيغ مَارَّا يوْذَان ذِي مَارَّا مِين تݣّغ. وَار رزُّوْغ شَا ڒْخِير إِ يِيخف ينُو، رزُّوْغ-ث إِ مَارَّا يوْذَان بَاش اَذ نجْمن.

1 أيث-كورينث 3:16

مَا وَار ثسِّينم شَا بلِّي ذ كنِّيو إِي يدْجَان ذ ثَمْزِيذَا ن أَربِّـي، يزدّغ ذَايْوم اَرُّوْح ن أَربِّـي؟

1 أيث-كورينث 3:6

نش ࢲُّوْغ، أَپُـوْلُّوْس يسسّو، أُو ذ أَربِّـي إِي كنِّيو يسغْمَاين.

1 أيث-كورينث 4:20

لِأَنَّا ڒْمُلْك ن أَربِّـي وَار يدْجِي بُو ذݣ وَاوَاڒ؛ لَّا، أَقَاث ذِي جّْهذ.

1 أيث-كورينث 9:14

أَمنِّي ؤُڒَا ذ يِنِّي يتْبشَّارن س لْإِنْجِيل، يُوْمَر خَاسن سِيذِيثْنغ اَذ كسِّين شَّارْض نْسن زِي لْإِنْجِيل.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

أيث-ݣلاطيا 2:2

عْلَاحْسَاب مِين زِي ذَايِي يوصَّا أَربِّـي ذݣ يِجّن ن لْوَاحِي إِي ݣَعّْذغ ذِنِّي سخْبَارغ-ثن خ لْإِنْجِيل إِي زِي تْبشَّارغ جَار ڒݣْنُوْس. وَلَكِن ݣِّيغ مَانَاينِّي غِير إِ يِنِّي يدْجَان ذ يمقّْرَانن ن جْمَاعث حمَا اَذ سّْنغ مِين خذْمغ ذ مِين تُوْغَا خدّْمغ وَار يدْجِي شَا ذ ڒْبَاطڒ.

أيث-ݣلاطيا 5:5

قَا نشِّين لَّا، نتْرَاجَا أَربِّـي اَذَانغ يسمْصْڒَاح اَكِذس س لْإِيمَان، أُو لْأَمَال-أَ نّغ نتَّا س جّْهذ ن أَرُّوْح يقدّْسن.

أيث-ؤفسوس 2:10

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أيث-ؤفسوس 3:20

إِيوَا سِيذِي أَربِّـي ذ نتَّا إِي يزمَّرن اَذ يݣّ اَطَّاس س وَاطَّاس زِي مِين ذَاس نْتتَّار نِغ ذ مِين نتْخيَّال عْلَاحْسَاب جّْهذ نّس إِي يخدْمن ذَايْنغ.

أيث-فيليـپـي 2:13

مِينْزِي ذ أَربِّـي إِݣ يسْخدَّامن اَرَّاي نْوم ذ ڒخْذَايم نْوم بَاش اَذ تݣّم لْغَرَض نّس ذ اَصبْحَان.

أيث-فيليـپـي 4:9

مِين ثْڒمْذم ذ مِين ثْقبْڒم زَّايِي ذ مِين ثسْڒِيم ذ مِين ثࢲْرِيم خَافِي يتْخصَّا أُو لَابُد اَذ تسْخذْمم ثِمسْڒَاِيِين-أَ. ثُمَّا اَكِذْوم يِيڒِي أَربِّـي ن ڒهْنَا.

أيث-كولوس 2:2

رزُّوْغ ؤُڒَاون نْوم اَذ تْوَاشجّْعن خْمِي غَا مُوْنن اَك وَايَاوْيَا س ڒمْحِبّث بَاش اَذ تَاوْضم غَار مَارَّا ڒْخِير نِّي إِݣ يدْجَان ذݣ يِجّن ن ڒفْهَامث ثكْمَاڒ ذ يِجّن ن ثُوْسْنَا خ ڒْمَعْنَا ينُوْفَّرن ن أَربِّـي يدْجَان ذِي لْمَسِيح.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

2 أيث-سلونيك 2:14

أَقَا يڒَاغَا-د خَاوم عْلَاحْسَاب إِ مَانَايَا س لْإِنْجِيل إِي نتْبشَّار بَاش اَذ تْشَرْشم ذِي لْعَظَمَا ن سِيذِيثْنغ عِيْسَى لْمَسِيح.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

2 تيموتاوس 2:8

فكَّر ذِي عِيْسَى لْمَسِيح ونِّي إِي د يسكَّر أَربِّـي زِي ڒْموْث، نتَّا لْأَصل نّس زِي دَاود. ذ مَانَايَا إِݣ يدْجَان ذِي لْإِنْجِيل إِي تْبشَّارغ نش.

يعيبرانيين 6:11

نخْس اَذ تْحَوْڒم كنِّيو س وُوْڒ كُڒ يجّن اَم قْبڒ بَاش اَذ تِيڒِيم كنِّيو متْأَكدِّين ذِي لْأَمَال نْوم اَڒ ونݣَّارُو.

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.

1 بطرس 1:3

أَذ يتْوَابَرك أَربِّـي، بَابَاس ن سِيذِيثْنغ عِيْسَى لْمَسِيح إِي ذَانغ يُوْشِين س اَرَّاحْمث نّس ثَمقّْرَانْت اَد نخْڒق ذ جْذِيذ غَار يِجّن ن لْأَمَال يدَّرن وَامِي د يسكَّر عِيْسَى لْمَسِيح زݣ يمتِّينن.

1 بطرس 5:3

مَاشِي اَخَاسن ثْحكْمم س ؤُزِيَّار خ يِنِّي إِي خف تْكلَّافم؛ لَّا، أَذ تِيڒِيم ذ لْمِثَال إِ ثْحِيْمرْث إِي غَا تبْعن.

2 بطرس 1:10

إِذن آي اَيثْمَا، ݣّث لْمجْهُوْد نْوم كْتَار عَاذ بَاش اَذ تْضمْنم اَڒَاغِي نّس غَارْوم بلِّي نتَّا يخْضَر-يكنِّيو. مڒَا ثݣِّيم ثِمسْڒَايِين-أَ، أَتَاف عمَّارْص اَذ د توْضَام.

2 بطرس 1:19

نشِّين ڒخُّو غَارْنغ اَوَاڒن ن لْأَنْبِيَا تْوَاضمّْنن كْتَار زِي مِين نفْهم قْبڒ. أَذ تݣّم مْلِيح مڒَا تݣّم ذَايْسن اَرَّاي نْوم اَم إِ يِجّن ن نُّوْر يتْشعْشِيعن ذݣ يِجّن ن ثَادْجسْت اَڒ د غَا يصْبح نْهَار نِّي اَذ د يݣَعّذ يِيْثْرِي ن ڒفْجَر ذݣ وُوْڒَاون نْوم.