1 بطرس 5:9 - ثريفيث 2020

⁹ عَرّْضم-اَس إِ إِبْڒِيس، بدّم نِيْشَان خ دْسَاس ن لْإِيمَان نْوم مِينْزِي ثسّْنم بلِّي أَيثْمَاثْوم ذِي مَارَّا دُّنشْت-أَ اَقَا تْوَاعدَّابن اَم كنِّيو.

1 بطرس 5:9 ပူးပေါင်းရင်းမြစ်များ

لوقا 22:32

تتَّارغ اَكِذش غَار سِيذِي أَربِّـي حمَا لإِيمَان نّش وَار ينقّص شَا. خْمِي غَارِي د غَا ثْذوْڒذ، شجّع اَيْثْمَاش."

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

1 أيث-كورينث 10:13

ثِمسْڒَايِين نِّي ثِنِّي إِݣ يتِيڒِين ڒبْدَا اَك بْنَاذم ذ ثِنِّي إِي كنِّيو يتْغَارَّان. أُو أَربِّـي نتَّا ذَايس تِّقث، وَار كنِّيو يتجِّي شَا اَذ تْوَاغَارَّام س مِين وَار ثْزمَّرم اَذ تصْبَرم؛ لَّا، أَذَاوم يذبَّر يجّن ن ثوَّارْث حمَا اَذ تصْبَرم إِ مَانَاينِّي.

أيث-ؤفسوس 4:27

يعْنِي وَار تجَّاث شَا اَبْرِيذ إِ شِّيطَان اَذ يَاذف ذݣ وُوْڒَاون نْوم.

أيث-ؤفسوس 6:16

أَذ تيْسِيم ڒبْدَا لْإِيمَان نْوم اَم يِجّن ن لْحِمَايَا خ وفُوْس إِي زِي غَا ثْسخْسِيم مَارَّا فْڒِيتْشَاث نِّي يحَرّْقن ن وعفَّان نِّي ن إِبْڒِيس.

أيث-كولوس 2:5

نش وَاخَّا وَار دْجِيغ شَا اَكِذْوم س دَّات ينُو اَقَايِي اَكِذْوم س أَرُّوْح ينُو، فَرّْحغ نش خْمِي تْوَاڒِيغ لْعِبَادَا نْوم نِيشَان تݣّم-ت ثَا س ثَا أُو مشْحَاڒ إِي تْبدَّام ذِي لْإِيمَان نْوم ذِي لْمَسِيح.

1 أيث-سلونيك 3:3

نسّكّ-يث حمَا ؤُڒَا ذ يجّن وَار يترْجِيجِي شَا س ڒمْحَاين-أَ نْوم؛ أَقَا ثسّْنم بلِّي مَانَايَا إِي خَانغ يُوْرِين.

1 تيموتاوس 6:12

مْنغ اَمنْغِي نِّي اَصبْحَان ن لْإِيمَان، طّف ذِي ثُوْذَارْث نِّي وَار يفنِّين شَا اَڒ ذَاش د يڒَاغَا أَربِّـي وَامِي ثْشهْذذ شْهَاذث نِّي ثَصبْحَانْت زَّاث إِ وَاطَاس ن ڒشْهُوْذ.

2 تيموتاوس 3:12

ذ صَّح، مَارَّا ونِّي إِي يرزُّوْن اَذ يعِيش س لْإِيمَان يدْجَان ذِي عِيْسَى لْمَسِيح قَا اَذ يتْوَاعدّب.

2 تيموتاوس 4:7

أَمنْغِي-يَا اَصبْحَان منْغغ-ث، ثَازّْڒَا-يَا كمّْڒغ-ت، لْإِيمَان حْضِيغ-ث.

يعيبرانيين 11:33

س لْإِيمَان كَّرن نِثْنِي ربْحن لْممْلَاكَاث، حكْمن س ڒْحَقّ، حرْثن خ لْوُعُوْد، بلّْعن يقمُّوْمن ن سْبُوْعَاث،

يعيبرانيين 12:8

يَاش مَارَّا يوْذَان تْوَاربَّان نِغ؟ مَعْلِيك كنِّيو وَار كنِّيو يربِّـي شَا أَربِّـي، أَتَاف كنِّيو اَم ثَارْوَا ن ڒحْرَام مَاشِي ذ ثَارْوَا ن لْحَلَال.

ثبرات غار يعقوب 4:7

س مَانَايَا طَاعث إِ أَربِّـي. عَرّْضث إِ إِبْڒِيس، أَزَّايْوم يَرْوڒ.

1 بطرس 1:6

س وسنْجم-أَ كنِّيو ثْفَرّْحم وَاخَّا ڒبْعَاض زَّايْوم تْوَاعدَّابن ڒخُّو ذِي ڒمْحَاين شْوِيت ن ڒْوقْث.

1 بطرس 2:21

ئِڒَاغَا-يَاوم-د أَربِّـي غَار مَانَايَا مِينْزِي لْمَسِيح يتْوَاعدّب عْلَاحْسَاب كنِّيو؛ ئِجَّا-ٱوم-د يجّن ن لْمِثَال اَث تْذفَّرم ذݣ يسُوْرِيفن نّس.

1 بطرس 3:14

وَلَكِن وَاخَّا ثتْوَاعدّْبم مڒَا ثݣِّيم ڒْحَقّ، أَذ يِيڒِي ذ سَّعْذ نْوم. وَار تݣّْوْذم شَا زݣ يِوْذَان، وَار ثن تجَّام شَا اَكنِّيو سْذهْشن.

1 بطرس 4:13

لَّا، ئِتخصَّا كنِّيو اَذ تْفَرْحم وَامِي ثْشَرّْشم ذݣ وعدّب ن لْمَسِيح بَاش اَذ تْفَرْحم عَاوذ اَطَّاس خْمِي د غَا ثْمظْهَار لْعَظَمَا نّس.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.

لواحي ن يوحنا 6:11

ثُمَّا يمُّوْش-اَسن مَارَّا ئِج-يج، تْشَامِّير ذ اَشمْڒَاڒ يتْوَانَّا-يَاسن عَاذ اَذ تصْبَرم شْوَايْت اَڒ غَا يتْوَاكمّڒ لْعَدَد نِيشَان ن اَيثْمَاثْوم إِي غَا يتْوَانْغن اَمشْنَاو كنِّيو، يعْنِي يِنِّي إِي يعبّْذن اَم كنِّيو.

لواحي ن يوحنا 7:14

جَاوْبغ-ث نِّيغ-اَس: "ذ شك إِي يسّْنن آ سِيذِي." ينَّا-ٱيِي: "يِيْنَا ذ يِنِّي ينجْمن زِي ڒْمِحْنث ثَمقّْرَانْت، صبّْنن يتْشَامِّيرن نْسن س يذَامّن ن يِزْمَار اَرِّين-ثن ذ يشمْڒَاڒن.