1 بطرس 5:5 - ثريفيث 2020

⁵ آي يحنْجِيرن، كنِّيو طَاعث عَاوذ إِ يِنِّي يدْجَان ذ يمقّْرَانن. سْوجْذث يخف نْوم مَارَّا كنِّيو س يِجّن ن اَرَّاي اَك وَايَاوْيَا وَار ذَايس بُو تَّكبُّر مِينْزِي <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>

1 بطرس 5:5 ပူးပေါင်းရင်းမြစ်များ

لوقا 22:26

وَلَكِن مَانَاينِّي يتْخصَّا وَار يتِيڒِي شَا جَارَاوم؛ لَّا، ونِّي يدْجَان ذ اَمقّْرَان جَارَاوم يتْخصَّا-يَاس اَذ يِيڒِي اَم ومزْيَان نْوم ذ ونِّي يحكّْمن يتْخصَّا-يَاس اَذ يِيڒِي اَم ونِّي يتْسخَّارن.

أيث-روما 12:10

خْسث اَيَاوْيَا اَم ثَاوْمَات. وقَّارث اَيَاوْيَا كْتَار زِي جّْهذ.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-ؤفسوس 5:21

طَاعم إِ وَايَاوْيَا عْلَاحْسَاب ڒُوقَّر نْوم إِ لْمَسِيح.

أيث-فيليـپـي 2:3

وَار تݣّم وَالُو زِي لْأَنَانِيَا نِغ زِي تَّكبُّر. بْڒَا تَّكبُّر وقَّرم ينّغْنِي حْسن زݣ يِيخف نْوم.

أيث-كولوس 3:12

إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر.

1 تيموتاوس 5:1

وَار نهَّا شَا يجّن ن ؤُوسَّار س ڒقْسَاحث؛ لَّا، سِيوڒ اَكِذس اَم بَابَاش. ئِحنْجِيرن اݣّ-يثن اَم اَيثْمَاش.

يعيبرانيين 13:17

طَاعث إِ يِنِّي خَاوم يتْرَايَّان، ݣّم-اَسن اَرَّاي مِينْزِي ذ يِنِّي إِݣ يحطَّان ڒَعْمَار نْوم. أَذ ؤُشن نِثْنِي ڒحْسَاب خ مَانَايَا إِ أَربِّـي. طَاعث إِ يِيْنَا بَاش ڒْخذْمث نْسن اَزَّايس فَرْحن وَار خَاسن تْبسِّيڒ شَا. مڒَا ثݣِّيم ثَغنَّانْت اَتَاف وَار كنِّيو ينفّع وَالُو.

ثبرات غار يعقوب 4:6

وَلَكِن نتَّا يَرْنِي-يَانغ-د اَرْضَا زَّايس. س مَانَايَا يقَّار لْكِتَاب: <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>

1 بطرس 3:8

لْمُهِيم، ئِتْخصَّا-كنِّيو مَارَّا إِذْوم ڒَعْقُوْڒَاث نْوم اَذ يڒِين ذ يجّن، أَذ تسْحِيسّم اَك وَايَاوْيَا، أَغَارْوم ثِيڒِي يِجّن ن ڒمْحِبّث ن وَاوْمَاثن، أَذ تْحِينّم ذݣ وَايَاوْيَا، وَار ذَايْوم يتِيڒِي بُو تَّكبُّر.

1 بطرس 4:1

فَا عِيْسَى لْمَسِيح يتْوَاعدّب ذِي دَّات نّس. خ مَانَايَا عَاوذ كنِّيو اَذ تسْجهْذم يخف نْوم س اَرَّاي نِّي نّس. مَايمِّي؟ مڒَا ثتْوَاعدّْبم ذِي دَّات نْوم، صَافِي ثْبعّْذم عَاوذ خ ڒْمُعْصِيّث.

1 بطرس 4:5

وَلَكِن لْحِسَاب نْسن اَث يݣّ ونِّي يوجّْذن اَذ يحَاسب يِنِّي يدَّرن ذ يِنِّي يمُّوْثن.