1 بطرس 5:14 - ثريفيث 2020

¹⁴ تْسدْجَامث خ وَايَاوْيَا س يِجّن ن سْڒَام ن ثمْعَشَارْث. أَغَارْوم يِيڒِي ڒهْنَا إِ مَارَّا كنِّيو إِي يدْجَان ذِي لْمَسِيح.

1 بطرس 5:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:47

مڒَا تْسدْجَامم غِير خ يمدُّوْكَاڒ نْوم، إِيوَا مِين تݣّم ذ زّْيَادَا؟ أَقَا ؤُڒَا ذ ڒْكُفَّار تݣّن مَانَايَا!

يوحنا 14:27

تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

يوحنا 20:19

نْهَار ن ڒْحَد مُوْنن يمحْضَارن غَار ثْمدِّيث، ثِوُّوْرَا قّْننْت ݣّْوْذن زݣ يسْرَائِيلِيْين. يُوْسَا-د عِيْسَى يبدّ ذِي ڒْوسْط ينَّا-ٱسن: "سْڒَام خَاوم."

يوحنا 20:26

منْبَعْد إِ ثْمنيَّام، مُوْنن يمحْضَارن عَاوذ غَار ذَاخڒ، ثِوُّوْرَا قّْننْت اَكِذْسن تُوْمَا. يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم!"

أيث-روما 1:7

تَارِيغ إِ مَارَّا يمْعِيزّن ن أَربِّـي إِي يدْجَان ذِي ثنْدِينْت ن رُوْمَا يخْضَر-يكنِّيو اَذ تِيڒِيم ذ ڒْمُوْمِنِين صَّالِحِين. أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

أيث-روما 16:16

سدْجْمث خ وَايَاوْيَا س يِجّن ن سْڒَام يصْفَا. قَا مَارَّا ثِجُمَاع ن لْمَسِيح تْسدْجَامنْت خَاوم.

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

1 أيث-كورينث 1:30

أُو نتَّا ذ سَّبَاب إِي زِي ثدْجَام كنِّيو ذِي عِيْسَى لْمَسِيح. ئِݣِّي-ث أَربِّـي نتَّا ذ ڒفْهَامث نّغ، يعْنِي نتَّا ذَايس صُّلْح نّغ ذ وصفِّي نّغ ذ وفكِّي نّغ.

1 أيث-كورينث 16:20

تْسدْجَامن-د خَاوم مَارَّا أَيثْمَاثْنغ. سدْجَامم خ وَايَاوْيَا س يِجّن ن سْڒَام يصْفَا.

22 أيث-كورينث 13:12

تْسدْجَامث خ وَايَاوْيَا س يِجّن ن سْڒَام يصْفَا. تْسدْجَامن-د خَاوم مَارَّا ڒْمُوْمِنِين صَّلِحِين.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

أيث-ؤفسوس 6:23

أَذ يِيڒِي ڒهْنَا إِ أَيثْمَاثْنغ ذ ڒمْحِبّث اَك لْإِيمَان زِي أَربِّـي بَابَاثْنغ ذ سِيذِيثْنغ عِيْسَى لْمَسِيح.

1 أيث-سلونيك 5:26

سدْجْمث خ مَارَّا اَوْمَاثن س يِجّن ن سْڒَام يصْفَا.

1 بطرس 1:2

أَربِّـي بَابَاثْنغ يخْضَر-يكنِّيو عْلَاحْسَاب مَامّش تُوْغَا يسّن نتَّا زِي قْبڒ، ئِسِّيصْفَا-كنِّيو س يِجّن ن ڒْخذْمث ن أَرُّوْح يقدّْسن حمَا اَذ تْطَاعم إِ عِيْسَى لْمَسِيح اَذ تْوَارُوْشّم س يذَامّن نّس إِي يُوْزّْڒن. أَذَايْوم يمَارْنِي اَرْضَا ذ ڒهْنَا س وَاطَّاس.

3 يوحنا 1:14

لَّا، تْمنِّيغ اَش ࢲْرغ ذغْيَا ڒخْدّنِّي أَ نسِّيوڒ اَغمْبُوْب ذݣ وغمْبُوْب.