1 بطرس 4:7 - ثريفيث 2020

⁷ أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.

1 بطرس 4:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:42

خ مَانَايَا فَاقم بَعْدَا، قَا وَار ثسِّينم شَا مڒْمِي د غَا يذْوڒ سِيذِيثْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:13

إِذن، ئِڒِيم عْلَابَال ڒَاحقَّاش وَار ثسِّينم ؤُڒَا ذ نْهَار نِّي ؤُڒَا ذ ثْسَعَّات نِّي.

لوقا 21:34

مَا ثخْسم اَذ تشّم ؤُڒ نْوم؟ حْضَاث يخف نْوم زِي لْمَدّْلَا ن سّكْرَا ذ وَاطَّاس ن شّْرب ذ ڒهْمُوْم ن دُّنشْت-أَ. قَا اَذ د يَاس نْهَار نِّي اَنݣَّارُو عْلَاغَفْلَا اَم يِجّن ن ثخْشفْث.

لوقا 21:36

حْضَاث، ࢲَادْجم ذِي مْكُڒ ڒْوقْث حمَا اَتَاف ثْزمَّرم اَذ تْنجْمم زِي مَارَّا مِين غَا يوقْعن اَذ تْبدّم زَّاث إِ مِّيس ن بْنَاذم."

لوقا 22:46

ينَّا-ٱسن: "مَايمِّي تطّْصم؟ كَّرم، ࢲَّادْجم حمَا وَار تِيذْفم شَا ذِي ڒمْحَاين."

أيث-روما 12:12

فَرْحث ذِي لْأَمَال. صْبَارث خ تَمَارَا. دَاوّْمث خ ثْࢲَادْجِيث.

1 أيث-كورينث 15:24

ثُمَّا اَذ يِيڒِي ڒفْنَا ن دُّنشْت-أَ. لْمَسِيح اَذ يقْضَا خ مَارَّا ڒحْكَام ذ ڒْمخْزن ذ جّْهذ إِݣ يدْجَان، ثُمَّا اَذ يجّ ڒحْكَام نِّي نّس إِ أَربِّـي بَابَاس.

1 أيث-كورينث 7:29

فَا آي اَيثْمَا، مِين رزُّوْغ اَذ ينِيغ؟ ڒْوقْث اَقَا ثْقَارّب-د. سَّا ٱڒ ثْسَاونْت يِنِّي يمڒْشن اَذ عِيشن اَخْمِي وَار مْڒِيشن شَا،

أيث-ؤفسوس 6:18

مَارَّا ظُّرُوْف إِي ذِي ثدْجَام تَّارم إِ أَربِّـي خَاسن س أَرُّوْح يقدّْسن س مَارَّا لْأَنْوَاع ن ثْࢲَادْجِيث ذ دُّعَاء. سْخذْمم ڒَعْقڒ نْوم ذِي مَانَايَا، أَرّم-د ڒْبَاڒ نْوم س يِجّن ن صّْبَر، تَّارم خ مَارَّا صَّالِحِين.

أيث-فيليـپـي 4:5

ئِتْخصَّا اَذ د يمظْهَار صّْبَر نْوم إِ مَارَّا يوْذَان، أَقَا سِيذِيثْنغ يُوْذس-د.

أيث-كولوس 4:2

تݣّم لْمجْهُوْد س ثْࢲَادْجِيث نْوم، إِڒِيم عْلَابَال ذِي ثْࢲَادْجِيث نْوم شكَّرم أَربِّـي.

2 تيموتاوس 4:5

شك اَرّ-د ڒْبَاڒ نّش ذِي مَارَّا ثِمسْڒَايِين، صْبَر إِ تَمَارَا، اݣّ ڒْخذْمث اَم ونِّي يتْبشَّارن، اݣّ لْوَاجِب ن ڒْخذْمث نّش.

ثبرات غار تيتوس 2:12

أَرْضَا-يَا يتْربَّا-يَانغ أَ ننْكَر شَّرّْ ذ شّهَاوَاث ن دُّنشْت-أَ، أَ نْعِيش ذِي زْمَان-أَ أَ نحْكَام خ ثْنفْسِيث نّغ اَذَايْنغ يِيڒِي لْمَعْقُوْل ذ لْإِيمَان

يعيبرانيين 10:25

أَ نْمُوْن اَك وَايَاوْيَا مَاشِي أَ نسْمح ذِي لْوَاجِب-أَ اَم مَامّش نُّوْمن [نِّيْمن] ڒبْعَاض ن يِوْذَان. لَّا، أَ نْشجّع اَيَاوْيَا، أُو كْتَار عَاذ خْمِي نتْوَاڒَا نْهَار ن سِيذِيثْنغ يقَارّب-د.

يعيبرانيين 9:26

مَعْلِيك اَمنِّي تُوْغَا اَتَاف لَابُد لْمَسِيح يتْوَاعدَّاب اَطَّاس ن ثْوَاڒَاثِين زݣ وَامِي تْوَاخْڒق دُّنشْت-أَ. وَلَكِن لَّا، ئِهْوَا-د نتَّا يجّن ن ثْوَاڒَا اَڒ ونݣَّارُو ن زْمَانَاث بَاش اَذ يسْبطّڒ ڒْمُعْصِيَاث وَامِي يقدّم يخف نّس ذ دْبِيحث.

1 بطرس 1:13

إِذن، سْوجْذم ڒَعْقُوْرَاث نْوم بَاش اَذ تْخذْمم. أَرّم-د ڒْبَاڒ نْوم. ݣّم لْأَمَال نْوم غِير ذِي اَرْضَا ن وسنْجم نِّي إِي ذَاوم د غَا يمُّوْشن خْمِي د غَا يمظْهَار عِيْسَى لْمَسِيح.

1 بطرس 3:7

آي يرْيَازن، أَمنِّي يتْخصَّا-يَاوم اَذ تݣّم عَاوذ، أَذ تْعِيشم اَك ثمْغَارِين نْوم س يِجّن ن ڒفْهَامث جَارَاوم. ؤُشم-اَس لْقِيمَا إِ ثمْغَارْث يدْجَان نتَّاث اَم ثْغرَّافْث يتْرزَّان ذغْيَا مِينْزِي ذ نِثنْتِي يتْوَارَّاثن اَكِذْوم لْبَرَكَا ن ثُوْذَارْث. حمَا وَار ذِنِّي تِيڒِي بُو شَان ن ڒْحَاجث اَذ ترز ثْࢲَادْجِيث نْوم.

1 بطرس 5:8

أَرّم-د ڒْبَاڒ نْوم، إِڒِيث عْلَابَال. ڒَعْذُو نْوم إِبْڒِيس قَا يتْقيَّاذ-كنِّيو اَم سّْبَاع يتْهِيرِّيو يرزُّو خ ونِّي إِي غَا يسغْڒِي.

لواحي ن يوحنا 16:15

("صنّْطث، قَا نش اَذ د اَسغ اَم د يُوْسَا يج وشفَّار. سَّعْذ ن ونِّي إِي غَا يِيڒِين عْلَابَال اَذ يحْضَا اَرُّوْض نّس حمَا وَار يݣُّوْر شَا ذ اَعرْيَان اَذ ࢲرن يِوْذَان ثُوْعَرْيَنْت نّس.")