1 بطرس 4:4 - ثريفيث 2020

⁴ تْعجِّيبن نِثْنِي يعْنِي مڒَا كنِّيو وَار كِذْسن تِيْذْفم شَا ذِي لْفَيَضَان ن ؤُفلّس-أَ اَذ قِّيمن عَاوذ تْزَوَّارن-كنِّيو.

1 بطرس 4:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:25

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! كنِّيو ثْسِيرِيذم مْلِيح ڒْكَاس ذ طبْصِي غَار بَارَّا، وَلَكِن غَار ذَاخڒ اَقَا شُّوْرن س ثُوْكَّارْذَا ذ طّْمَع!

لوقا 15:13

وَامِي عْذُوْن شْوَايت ن وُوْسَّان، أَحنْجِير نِّي اَمزْيَان ييْسِي مَارَّا مِين غَارس ذ اَݣْڒَا يرُوْح غَار يِجّن ن ثْمُوْرْث ثِݣّْوج يسْـپـرْذر ذِنِّي تْمنْيَاث نّس ذِي تفْلَايس.

ڒخذايم 13:45

أَيث-إِسْرَائِيل وَامِي ؤُفِين ڒْغَاشِي اَطَّاس بْذَان حسّْذن اَطَّاس اَرُّسُل بْذَان تْعَارَّاضن إِ وَاوَاڒ ن بُوْلُس، تُوْكَّرن-ث.

ڒخذايم 18:6

وَامِي بْذَان تْعَارَّاضن-اَس تْبُوْصَارن خَاس، ئِمْسح اَرُّوْض نّس اَم يِجّن ن شْهَاذث خَاسن ينَّا-ٱسن: "ئِذَامّن نْوم خ يِيڒَاون نْوم، قَا نش تْبرِّيغ اَزدْجِيف ينُو زَّايْوم. سَّا ٱڒ ثْسَاونْت اَذ رَاحغ غَار يِنِّي وَار يدْجِين شَا زِي أَيث-إِسْرَائِيل."

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

أيث-ؤفسوس 5:18

وَار سْكَرث شَا س شْرب إِݣ يتَاوِين غَار لْمَدلَّا ن سّكْرَا؛ لَّا، شَّارم س أَرُّوْح يقدّْسن.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 بطرس 3:16

ذ يِجّن ن ضَّمِير مرْتَاح. أَمُّو يِنِّي خَاوم يقَّارن ڒْبَاطڒ اَتَاف اَذ سذْحَان س ثِيْشْرِي نْوم ثَصبْحَانْت إِي خَاوم تْعيَّابن نِثْنِي.

2 بطرس 2:12

ئِثَرَّاسن-أَ نِثْنِي قَّارن اَوَاڒن وَار يحْڒِين خ ثْمسْڒَايِين وَار فهّْمن شَا. نِثْنِي ݣِّين اَم ڒُوْحُوْش يقفْڒن اَم لْحَيَوَانَاث يدْجَان س طَّبِيعَا نْسن يوْعَارن. خڒْقن-د يثَرَّاسن-أَ بَاش اَذ تْوَاطّْفن اَذ تْوَانْغن مَامّش تْوَانقّن ڒُوْحُوْش.

2 بطرس 2:22

ئِوْقع ذ صَّح مِين يقَّار لْمِثَال: <أَقْزِين يعْقب-د اَذ يشّ مِين د ينْصر> نِغ <ثِڒفْث يعُوْمّن ذݣ وَامَان ثذْوڒ-د اَذ تحْنُوْنّض ذݣ ؤُرْوِيض.>

ثبرات زي يهوذا 1:10

وَلَكِن يثَرَّاسن-أَ يِيْنَا سَّاوَاڒن س وَاوَاڒ وَار يحْڒِين خ مَارَّا مِين وَار فهّْمن شَا. ثِمسْڒَايِين-أَ ؤُمِي فهّْمن إِيوَا فهّْمن-ثنْت س طَّبِيعَا نْسن وَاهَا، نِثْنِي ݣِّين اَم ڒُوْحُوْش يقفْڒن. ثِمسْڒَايِين-أَ ذ نِثنْتِي إِي ثن غَا يمْحَان!