1 بطرس 4:11 - ثريفيث 2020

¹¹ ونِّي ؤُمِي يمُّوْش اَذ يسِّيوڒ يتْخصَّا-يَاس اَذ يسِّيوڒ اَم ونِّي يسَّاوَاڒن اَوَاڒن ن أَربِّـي. ونِّي ؤُمِي يمُّوْش اَذ يخْذم يتْخصَّا-يَاس اَذ يخْذم اَم ونِّي يخدّْمن س جّْهذ إِݣ يتِيشّ أَربِّـي. حمَا س مَارَّا ثِمسْڒَايِين-أَ اَذ يتْوَاحْمذ أَربِّـي س وفُوْس ن عِيْسَى لْمَسِيح. أَغَارس ثِيڒِي لْعَظَمَا ذ ڒحْكَام إِ ڒبْدَا ن ڒبْدَاث. آمِين.

1 بطرس 4:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

يوحنا 13:31

وَامِي يفّغ يَاهُوْذَا ينَّا عِيْسَى: "ڒخُّو يتْوَاسمْغَار مِّيس ن بْنَاذم، يتْوَاسمْغَار س مِّيس ؤُڒَا ذ أَربِّـي.

ڒخذايم 7:38

ذ نتَّا مُوْسَى إِي يݣُّوْرن اَك جْمَاعث ن أَيث-إِسْرَائِيل إِݣ يمُوْنن ذِي صَّحْرَا. ذ نتَّا مِيكذ ثسِّيوڒ لْمَلَائِكَا خ وذْرَار ن سِينَا ذ ڒجْذُوْذ نّغ. ذ نتَّا إي خف د هْوَان وَاوَاڒن يدَّرن حمَا اَذَانغ ثن يُوْش.

أيث-روما 11:36

أَقَا مَارَّا يُوْسَا-د يكَّا-د زَّايس، كُلْشِي نّس. أَغَارس ثِيڒِي لْعَظَمَا إِ نتَّا إِ ڒبْدَا. آمِين.

أيث-روما 12:3

فَا س لْبَرَكَا إِي ذَايِي يُوْشَا أَربِّـي قَّارغ إِ مْكُڒ يجّن زَّايْوم: وَار حسّب شَا يخف نّش كْتَار زِي مِين ثعْنِيذ. شك فكَّر س ڒَعْقڒ نّش عْلَاحْسَاب مشْحَاڒ ن لإِيمَان إِي ذَاش يُوْشَا أَربِّـي.

أيث-روما 16:27

أَربِّـي وَاحْذس إِي غَار ثدْجَا لْحِكْمَا، أَغَارس ثِيڒِي لْعَظَمَا إِ نتَّا إِ ڒبْدَا ن ڒبْدَاث س عِيْسَى لْمَسِيح! آمِين.

أيث-روما 3:2

وَاه، اَطَّاس ن نّْفَع! ذ اَمزْوَارُو، يجَّا-ٱسن-د أَربِّـي اَوَاڒ نّس ذ لْأَمَانَا.

1 أيث-كورينث 10:31

إِذن، مڒَا ثْسسّم نِغ تتّم نِغ مِين مَا تݣّم، ݣّث مَارَّا مَانَاينِّي بَاش اَذ يتْوَاسمْغَار أَربِّـي.

1 أيث-كورينث 12:4

فَا ذِنِّي لْأَنْوَاع ن لْقُدْرَاث، وَلَكِن أَرُّوْح ذ يجّن.

1 أيث-كورينث 3:10

نش عْلَاحْسَاب اَرْضَا إِي ذَايِي يُوْشَا أَربِّـي ݣِّيغ يجّن ن دْسَاس اَم يِجّن ن لمْعَلّم يفْسُوْس نتَّا. يُوْسَا-د يجّن نّغْنِي يبنَّا خ دْسَاس-أَ. وَلَكِن أُو لَابُد كُڒ يجّن اَذ يَارّ ڒْبَاڒ مَامّش غَا يبْنَا خ دْسَاس-أَ.

1 أيث-كورينث 6:20

مِينْزِي تْوَاسْغم كنِيو س يِجّن ن تَّمَن. فَلِهَاذَا، سمْغَارث أَربِّـي س دَّات نْوم.

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

22 أيث-كورينث 9:13

صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.

أيث-ؤفسوس 1:19

ذ مِين يعْنَا جّْهذ نّس يمْغَارن بْڒَا ڒقْيَاس غَار نشِّين إِي يُوْمْنن. جّْهذ-أَ اَم ونِّي إِݣ يسخْذم أَربِّـي س لْقُوَّا نّس

أيث-ؤفسوس 4:29

وَار تجَّاث شَا اَذ د يفّغ زݣ وقمُّوْم نْوم شَان وَاوَاڒ ذ اَعفَّان. لَّا، أَذ د يفّغ زَّايس غِير اَوَاڒ اَصبْحَان ونِّي يتْشجَّاعن ذ ونِّي يتْحلَّالن بَاش اَزَّايس سْنفْعن يِنِّي ذَاس يتسْڒَان.

أيث-ؤفسوس 5:20

شكَّرم ڒبْدَا أَربِّـي بَابَاثْنغ خ مَارَّا ثِمسْڒَايِين ذݣ يِيسم ن سِيذِيثْنغ عِيْسَى لْمَسِيح.

أيث-ؤفسوس 6:10

أَقَا اَوَاڒ ينُو اَنݣَّارُو: جهْذث س سِيذِي أَربِّـي أُو س لْقُوَّا نّس ثَمقّْرَانْت.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-فيليـپـي 2:11

أَذ يعْتَرف كُڒ يِيڒس اَذ يِينِي خ عِيْسَى لْمَسِيح قَا نتَّا ذ سِيذِيثْنغ اَزَّايس يسمْغَار أَربِّـي بَابَاثْنغ.

أيث-كولوس 4:6

أُو لَابُد اَوَاڒ نْوم اَذ يِيڒِي ڒبْدَا يشُّوْر س اَرْضَا يمدْجْحن س ڒمْڒح بَاش اَذ تسّْنم مَامش غَا ثَارّم خ كُڒ يجّن.

1 أيث-سلونيك 2:4

لَّا، ئِضْبع-اَنغ أَربِّـي يكلّف-اَنغ خ وَاوَاڒن-أَ يدْجَان ذِي لْإِنْجِيل. زِي مَانَايَا نسَّاوَاڒ بَاش اَخَانغ يَارْضَا أَربِّـي مَاشِي اَخَانغ اَرْضَان يِوْذَان مِينْزِي ذ نتَّا إِݣ يدْجَان ذ ونِّي يتْميَّازن مِين غَارْنغ ذݣ وُوْڒَاون نّغ.

1 تيموتاوس 1:17

اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.

1 تيموتاوس 6:16

ذ نتَّا وَاحْذس إِي وَار يتْمتِّين عمَّارْص، ئِزدّغ ذݣ يِجّن ن نُّوْر إِي وَار يزمَّر حَدّ اَغَارس د يقَارّب يعْنِي ونِّي ؤُمِي عمَّارْص وَار ث يࢲْرِي بْنَاذم وَار يزمَّر اَث يࢲر. ذ نتَّا إِي غَا يِيڒِي ؤُوقَّر ذ جّْهذ إِ ڒبْدَا. آمِين.

ثبرات غار تيتوس 2:1

أَمَّا شك، سڒْمَاذ مِين يمُوْنن اَك تَّعْلِيم نِيشَان.

ثبرات غار تيتوس 2:15

سِيوڒ خ ثْمسْڒَايِين-أَ، زيَّار خ ڒْمُوْمِنِين نهَّا-ثن س مَارَّا سُّلْطَا. وَار تجَّا حَدّ اَش يسحْقَر.

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.

يعيبرانيين 5:12

شُوْف، وَا لَابُد كنِّيو ڒخُّو اَذ تِيڒِيم ذ يمْسڒْمَاذن وَلَكِن عَاذ يتْخصَّا-يَاوم يجّن اَكنِّيو يسْغَر س ثْغُوْرِي نِّي ثَمزْوَارُوْت زݣ وَاوَاڒ ن أَربِّـي. كنِّيو تحْذَاجَام اَغِي وَاهَا، مَاشِي لْمَكْلَا ذ صَّح.

ثبرات غار يعقوب 1:19

شُوْف آي أَيثْمَا ينُو يمْعِيزّن، ئِتْخصَّا كُڒ يجّن اَذ يتْسڒَا ٱطَّاس، أَذ يفكَّر قْبڒ مَا ٱذ يسِّيوڒ، وَار يتْعَصِّيب شَا ذغْيَا.

ثبرات غار يعقوب 1:26

ونِّي يتْحَسَّابن يخف نّس غَارس دِّين وَار يحطِّي شَا يِيڒس نّس، أَتَاف يخدّع يخف نّس وَاهَا وَار غَارس بُو دِّين.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 بطرس 2:5

ؤُڒَا ذ كنِّيو عَاوذ اَم شَا ن يِزْرَا يدَّرن زَّايْوم إِي ثْبنَّا يجّن ن ثدَّارْث ن أَرُّوْح يقدّْسن. حمَا اَذ تِيڒِيم كنِّيو ذ يجّن ن جْمَاعث ن ڒْفُقَهَا صَّالِحِين، تْقدَّامم دْبِيحَاث رُّوْحِيَاث يَارْضَا خَاسنْت أَربِّـي س وفُوْس ن عِيْسَى لْمَسِيح.

1 بطرس 4:10

ئِتْخصَّا-يَاس إِ مْكُڒ يجّن اَذ يسخْذم لْقُدْرَا نِّي إِي ذَاس يمُّوْشن اَك يِوْذَان. أَذ يسخْذم نِيْشَان لْبَرَكَا ن أَربِّـي إِي زِي يتْكلَّاف كُڒ نُّوْع نّس.

1 بطرس 4:16

إِنَّمَا، مڒَا شَان يجّن يتْوَاعدَّاب ڒَاحقَّاش نتَّا ذ اَمَسِيحِي يتْخصَّا-ٱس وَار يتْسذْحِي شَا، أُو لَابُد اَذ يسمْغَار أَربِّـي ڒَاحقَّاش ييْسِي-د يسم نّس.

1 بطرس 5:11

أَغَارس يِيڒِي ڒحْكَام إِ ڒبْدَا ن ڒبْدَاث. آمِين.

ثبرات زي يهوذا 1:25

يعْنِي أَربِّـي ونِّي يدْجَان وَاحْذس يسنْجَام-اَنغ. أَغَارس ثِيڒِي لْعَظَمَا ذ ثُوْعْڒَات ذ لْقُوَّا ذ سُّلْطَا س عِيْسَى لْمَسِيح سِيذِثْنغ يعْنِي قْبڒ إِ مَارَّا زْمَانَاث إِي يعْذُوْن أُو ذ ڒخُّو أُو ذ ڒبْدَا ن ڒبْدَاث. آمِين.