1 بطرس 3:7 - ثريفيث 2020

⁷ آي يرْيَازن، أَمنِّي يتْخصَّا-يَاوم اَذ تݣّم عَاوذ، أَذ تْعِيشم اَك ثمْغَارِين نْوم س يِجّن ن ڒفْهَامث جَارَاوم. ؤُشم-اَس لْقِيمَا إِ ثمْغَارْث يدْجَان نتَّاث اَم ثْغرَّافْث يتْرزَّان ذغْيَا مِينْزِي ذ نِثنْتِي يتْوَارَّاثن اَكِذْوم لْبَرَكَا ن ثُوْذَارْث. حمَا وَار ذِنِّي تِيڒِي بُو شَان ن ڒْحَاجث اَذ ترز ثْࢲَادْجِيث نْوم.

1 بطرس 3:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:19

قَّارغ-اَوم عَاوذ: مڒَا ثْتَافْقم ثْنَاين زَّايْوم خ ثْمُوْرْث ثتَّارم شَان ڒْحَاجث إِ بَابَا يدْجَان ذݣ وجنَّا، أَتَاف اَذَاوم ت يسْتَاجب.

1 أيث-كورينث 7:3

أُو لَابُد اَرْيَاز اَذ يُوْش ڒْحَقّ ن ڒمْڒَاش إِ ثمْغَارْث نّس. أَمُّو عَاوذ أُو لَابُد ثَمْغَارْث اَذ تُوْشّ ڒْحَقّ ن ڒمْڒَاش إِ ورْيَاز نّس.

أيث-ؤفسوس 3:6

ڒْمَعْنَا-يَا ينُوْفَّرن ثَانِيتَا، مِين ثعْنَا؟ أَقَا ؤُڒَا ذ يِنِّي وَار يدْجِين شَا زِي أَيث-إِسْرَائِيل اَذ وَرْثن زِي أَربِّـي اَك أَيث-إِسْرَائِيل س لْإِنْجِيل. نِثْنِي ذ يجّن ن جْمَاعث، مَارَّا اَذ شَرْشن ذِي مِين يوْعذ أَربِّـي ذِي لْمَسِيح.

أيث-ؤفسوس 4:30

وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

أيث-ؤفسوس 6:18

مَارَّا ظُّرُوْف إِي ذِي ثدْجَام تَّارم إِ أَربِّـي خَاسن س أَرُّوْح يقدّْسن س مَارَّا لْأَنْوَاع ن ثْࢲَادْجِيث ذ دُّعَاء. سْخذْمم ڒَعْقڒ نْوم ذِي مَانَايَا، أَرّم-د ڒْبَاڒ نْوم س يِجّن ن صّْبَر، تَّارم خ مَارَّا صَّالِحِين.

أيث-كولوس 3:19

آي يرْيَازن، حِبّم ثِمْغَارِين نْوم وَار يدْجِي اَكِسنْت تْوَاقْسْحم.

1 أيث-سلونيك 4:4

ئِتْخصَّا اَذ تسّْنم مَامش غَا ثْحكْمم خ دَّات نْوم عْلَاحْسَاب مِين يدْجَان مُقدّس ذَايس اَوقَّار.

ثبرات غار تيتوس 3:7

حمَا أَ نْوَارث زَّايس، أَغَارْنغ يِيڒِي يجّن ن لْأَمَال ن ثُوْذَارْث ثنِّي وَار يفنِّين شَا لِأَنَّا نْمصْڒَاح اَك أَربِّـي س اَرْضَا نّس.

يعيبرانيين 1:14

لْمَلَائِكَاث، نِثنْتِي مِين عْنَانْت؟ نِثنْتِي ذ اَرُّوْحَاث تْوَاسّكّنْت-يد اَذ سخَّارنْت إِ يِنِّي إِي غَا يوَارْثن اَسنْجم.

1 بطرس 3:1

آ ثِمْغَارِين، أَمنِّي عَاوذ يتْخصَّا اَذ طَاعنْت إِ يرْيَازن نْكنْت. حمَا يِنِّي وَار يتݣّن شَا اَرَّاي إِ وَاوَاڒ ن أَربِّـي اَتَاف ثِمْغَارِين نْسن اَثن د اَرّنْت غَار ڒْمُوْمِنِين بْڒَا مَا ٱكِذْسن سِّيوْڒنْت س وَاوَاڒ غِير س ثِيْشْرِي نْسنْت أُو صَافِي.