1 بطرس 3:21 - ثريفيث 2020

²¹ أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.

1 بطرس 3:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

مرقس 16:16

ونِّي يُوْمْنن اَذ يتْوَاطهَّار س وَامَان اَتَاف اَذ ينْجم. ونِّي وَار يُوْمِيْنن شَا اَتَاف اَذ يتْوَاحْكم.

يوحنا 13:9

ينَّا-ٱس سِمْعَان بُطْرُس: "آ سِيذِي، وَار يدْجِي شَا اَذَايِي ثْسِيڒْذذ يضَارن ينُو وَاهَا، أَذَايِي تْسِيڒْذذ ؤُڒَا ذ يفَاسّن ينُو ذ وزدْجِيف ينُو."

ڒخذايم 16:33

ذِي ثْسَعَّات نِّي س دْجِيڒث، يُوْوِي-ثن لْحَارِس ن ڒحْبس يمْسح-اَسن يجَارِّيحن. ڒخْدّنِّي يتْوَاطهَّار س وَامَان نتَّا ذ مَارَّا ڒحْبَاب نّس.

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒخذايم 22:16

ئِي ڒخُّو مِين تْرَاجِيذ؟ كَّر اَذ تْوَاطهَّارذ س وَامَان، سِيرذ زِي ڒْمُعْصِيَاث نّش خْمِي غَا ثْڒَاغِيذ خ يِيسم نّس.

ڒخذايم 8:36

ݣُّوْرن ذݣ وبْرِيذ ؤُوْضن غَار شَان وَامَان. ينَّا-ٱس وحَبَاشِي نِّي: "أَقَاش اَمَان مُوْجُوْد، مِين ذَايِي يُوْغن نش وَار تْوَاطهَّارغ شَا س وَامَان-أَ؟"

ڒخذايم 8:37

{ينَّا-ٱس فِيلِيپَّـاس: "شك مڒَا ثُوْمْنذ س مَارَّا ؤُڒ نّش قَا ثْزمَّرذ اَذ تْوَاطهَّارذ س وَامَان-أَ." يَارَّا خَاس ينَّا-ٱس: "وَاه، نش تَامْنغ بلِّي عِيْسَى لْمَسِيح نتَّا ذ مِّيس ن أَربِّـي."}

أيث-روما 5:14

إِنَّمَا، زِي زْمَان ن آدَم اَڒ زْمَان ن مُوْسَى ثْحكّم ڒْموْث خ يِوذَان ؤُڒَا خ يِنِّي وَار يعْصِين شَا اَمشْنَاو ڒْمُعْصِيّث ن آدَم، أُو نتَّا ذ ڒْمِثَال ن بْنَاذم إِي د غَا يَاسن.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.

1 أيث-كورينث 4:6

آي اَيثْمَا قَّارغ مَانَايَا خ أَپُـوْلُّوْس ذ نش، مثّْلغ مَانَايَا حمَا اَزَّايس ثَاوِيم نّْفَع. كنِّيو اَذ تْڒمْذم زَّايْنغ مِين يعْنَا لْمِثَال نِّي يقَّارن "وَار تْبعَّاذث شَا زِي مِين يُوْرِين ذِي لْكِتَاب." أَمنِّي وَار ذِنِّي حَدّ اَذ يسشْنع شَان ورْيَاز خ ونّغْنِي.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

أيث-ݣلاطيا 3:27

لِأَنَّا كنِّيو إِݣ يتْوَاطهَّارن س وَامَان بَاش اَذ تِيڒِيم ذِي لْمَسِيح، أَقَا ثْمُوْنم كنِّيو ذ يجّن اَكِذس.

أيث-كولوس 2:12

يعْنِي ثنْضْڒم اَكِذس س طَّهَارث نْوم ذݣ وَامَان، أُو عَاوذ س طَّهَارث نْوم ذݣ وَامَان ثكَّارم-د اَكِذس زِي ڒْموْث س لْإِيمَان نْوم ذِي ثْزمَّار ن أَربِّـي ونِّي د يسكَّرن عِيْسَى زِي ڒْموْث.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

1 تيموتاوس 6:12

مْنغ اَمنْغِي نِّي اَصبْحَان ن لْإِيمَان، طّف ذِي ثُوْذَارْث نِّي وَار يفنِّين شَا اَڒ ذَاش د يڒَاغَا أَربِّـي وَامِي ثْشهْذذ شْهَاذث نِّي ثَصبْحَانْت زَّاث إِ وَاطَاس ن ڒشْهُوْذ.

يعيبرانيين 11:19

ئِحسّب بْرَاهِيم بلِّي يزمَّر أَربِّـي اَذ د يسكَّر مِّيس زݣ يمتِّينن. مَانَاينِّي ذَايس ڒمْعَانِي مِينْزِي وَاه، ممِّيس يذْوڒ-د إِ بْرَاهِيم اَم يِجّن زِي ڒْموْث.

يعيبرانيين 13:18

تَّارث إِ أَربِّـي خَانغ. أَقَا نشِّين متْأَكدِّين ضَّمِير نّغ مرْتَاح، نْرزُّو أَ نخْذم س ڒحْيَا مَارَّا ثِمسْڒَايِين.

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

يعيبرانيين 9:24

شُوْف، لْمَسِيح وَار يُوْذِيف شَا اَخَّام نِّي اَمْقدّس اَطَّاس إِي يبْنَان س يفَاسّن ن بْنَاذم يتْشَابَّاهن وَاهَا ذݣ ونِّي ن صَّح؛ لَّا، نتَّا يُوْذف ذݣ وجنَّا نِّيث اَذ يحْضَار زَّاث إِ أَربِّـي عْلَاحْسَاب نشِّين.

1 بطرس 1:3

أَذ يتْوَابَرك أَربِّـي، بَابَاس ن سِيذِيثْنغ عِيْسَى لْمَسِيح إِي ذَانغ يُوْشِين س اَرَّاحْمث نّس ثَمقّْرَانْت اَد نخْڒق ذ جْذِيذ غَار يِجّن ن لْأَمَال يدَّرن وَامِي د يسكَّر عِيْسَى لْمَسِيح زݣ يمتِّينن.

1 بطرس 3:16

ذ يِجّن ن ضَّمِير مرْتَاح. أَمُّو يِنِّي خَاوم يقَّارن ڒْبَاطڒ اَتَاف اَذ سذْحَان س ثِيْشْرِي نْوم ثَصبْحَانْت إِي خَاوم تْعيَّابن نِثْنِي.