1 بطرس 3:11 - ثريفيث 2020

¹¹ ئِتْخصَّا اَذ يݣّْوج خ شَّرّْ اَذ يݣّ ڒْخِير، أَذ يرْزُو خ سَّلَام اَث يذْفَار.

1 بطرس 3:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:45

حمَا اَذ تِيڒِيم ذ ثَارْوَا ن بَابَاثْوم إِي يدْجَان ذݣ وجنَّا. ڒَاحقَّاش يتْسُوْمُّوْر-د ثْفُوْشْت خ يِنِّي يصبْحَانن ذ يِنِّي يعفَّانن. ئِتِيشّ اَنْࢲَار إِ يِنِّي يتݣّن ڒْخِير ذ يِنِّي يتݣّن شَّرّْ.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:9

سَّعْذ نْسن إِ يِنِّي يصدْجْحن يوْذَان، أَقَا نِثْنِي اَثن سمَّان اَمشْنَاو ثَارْوَا ن أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

مرقس 14:7

ئِمسْعَان اَقَاثن اَكِذْوم ڒبْدَا. مڒْمِي مَا ثخْسم ثْزمَّرم اَذَايْسن ثݣّم ڒْخِير، نش وَار كِذْوم تْغِيمِيغ شَا إِ ڒبْدَا.

لوقا 1:79

حمَا اَذ يُوْش ثْفَاوْث إِ يِنِّي يتْعِيشن ذِي ثَادْجسْت ذِي ثِيڒِي ن ڒْموْث، حمَا اَذَانغ يسُوْيُوْر يضَارن نّغ غَار وبْرِيذ ن ڒهْنَا."

لوقا 6:35

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

لوقا 6:9

ينَّا-ٱسن عِيْسَى: "أَكنِّيو سّقْسِيغ: ذِي نْهَار ن لْعِبَادَا مَا حَلَال أَ نݣّ ڒْخِير نِغ أَ نݣّ شَّرّْ؟ أَ نْسنْجم نّفْس نِغ اَث نْنغ؟"

يوحنا 17:15

نش وَار ذَاش تتَّارغ شَا اَثن ثْسُوْفْغذ زِي دُّنشْت-أَ؛ لَّا، تتَّارغ-اَش اَثن تحْضِيذ زِي شَّرّْ.

أيث-روما 12:18

عْلَاحْسَاب كنِّيو، مڒَا مُمْكن ݣّث اَذ تِيڒِيم ذِي ڒهْنَا اَك يِوْذَان مَارَّا.

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

أيث-روما 14:19

إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

أيث-روما 5:1

إِذن فَا وَامِي ذَانغ يسمْصْڒَاح أَربِّـي اَكِذس س لْإِيمَان نّغ اَقَانغ ذِي ڒهْنَا اَك أَربِّـي خ وفُوْس ن سِيذِيثْنغ عِيْسَى لْمَسِيح.

أيث-روما 7:19

ثِمسْڒَايِين نِّي ثِصبْحَانِين إِي تخْسغ اَثنْت ݣّغ وَار ثنْت تݣّغ شَا؛ لَّا، شَّرّْ نِّي إِي وَار تخْسغ اَث ݣّغ تݣّغ-ث.

أيث-روما 7:21

فَلِهَذَا نش ؤُفِيغ ذݣ يِيخف ينُو يجّن ن طَّبِيعَا، يعْنِي خْمِي تخْسغ اَذ ݣّغ شَان ثْمسْڒَايْث ذ ثَصبْحَانْت، ؤُفِيغ ذِنِّي شَّرّْ يُوْذس.

أيث-روما 8:6

أَقَا يِنِّي يخدّْمن س ڒْخَاضَر نْسن ذِي ثْمسْڒَايِين ن طَّبِيعَا ثَعفَّانْت نْسن اَتَاف اَذ مّْثن. وَلَكِن يِنِّي يخدّْمن س ڒْخَاضَر نْسن ذِي ثْمسْڒَايِين ن اَرُّوْح اَتَاف اَذ دَّرن، أَغَارْسن يِيڒِي ڒهْنَا.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ݣلاطيا 6:10

إِذن مڒْمِي مَا نُوْفَا لْفُرْصَا، لَابُد أَ نݣّ ڒْخِير ذِي مَارَّا يوْذَان خَصَّاتَن اَك أَيثْمَاثْنغ ذِي لْإِيمَان.

أيث-كولوس 3:15

اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي.

1 تيموتاوس 6:18

تْوصَّا-ثن اَذ ݣّن ڒْخِير اَذ يڒِين ذ تْوَاجَر عْلَاحْسَاب لْحَسَانَاث اَذ يڒِين صَاخِيِين اَذ يڒِين وجْذن بَاش اَذ صدّْقن اَذ ذبَّرن.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

يعيبرانيين 13:16

أُو وَار تتُّوْث شَا اَذ تݣّم ڒْخِير اَذ تْشَرْشم اَك ينّغْنِي مِينْزِي س دْبِيحَاث-أَ اَم ثِيْنَا إِي ذَاس يتعْجِيبن إِ أَربِّـي.

ثبرات غار يعقوب 4:17

ونِّي يتْوَاڒَان شَان ن ڒْخِير اَث يݣّ، مڒَا وَار ث يݣِّي شَا يتْوَاحْسَاب-اَس ذ ڒْمُعْصِيّث.

1 بطرس 3:12

أَقَا ثِيطَّاوِين ن سِيذِي أَربِّـي خزَّرنْت صَّالِحِين، ئِمجَّان نّس نُوْرْزْمن إِ ثْࢲَادْجِيث نْسن. مَاشَا ؤُذم ن سِيذِي أَربِّـي، يَارَّا اَعْرُوْر غَار يِنِّي يتݣّن شَّرّْ.>

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.