1 بطرس 3:1 - ثريفيث 2020

¹ آ ثِمْغَارِين، أَمنِّي عَاوذ يتْخصَّا اَذ طَاعنْت إِ يرْيَازن نْكنْت. حمَا يِنِّي وَار يتݣّن شَا اَرَّاي إِ وَاوَاڒ ن أَربِّـي اَتَاف ثِمْغَارِين نْسن اَثن د اَرّنْت غَار ڒْمُوْمِنِين بْڒَا مَا ٱكِذْسن سِّيوْڒنْت س وَاوَاڒ غِير س ثِيْشْرِي نْسنْت أُو صَافِي.

1 بطرس 3:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:15

مڒَا يخْضَا اَكِذش وُوْمَاش، رُوْح غَارس نْهَا-ث غِير شك ذ نتَّا غِير س ثْنَاين إِذْوم. مڒَا يݣّ-اَش اَرَّاي، أَتَاف اَذ تِيڒِيذ مْلِيح عَاوذ اَك وُوْمَاش.

أيث-روما 10:16

لْإِنْجِيل وَلَكِن وَار ث قْبِيڒن شَا مَارَّا يوْذَان. أَقَا مِين يقَّار نَّبِي إِشَعْيَا زِي زْمَان: <آ سِيذِي أَربِّـي، وِي يُوْمْنن س مِينْزِي نتْبشَّار؟>

أيث-روما 6:17

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

أيث-روما 7:2

مَثَلَان ذِي شَّرِيعَا، ثَمْغَارْث ثمْڒش مڒَا اَرْيَاز نّس اَقَاث عَاذ يدَّر، أَقَات خ يِيرِي نّس. مڒَا اَرْيَاز نّس يمُّوْث اَقَا تْوَافكّ زِي ڒْقَانُوْن ن ڒمْڒَاش.

1 أيث-كورينث 11:3

وَلَكِن خْسغ اَكنِّيو سْفهْمغ مْلِيح قَا اَزدْجِيف ن مْكُڒ اَرْيَاز نتَّا ذ لْمَسِيح أُو ذ نتَّا إِݣ يتْرَايَان. أَزدْجِيف ن مْكُڒ ثَمْغَارْث نتَّا ذ اَرْيَاز أُو ذ نتَّا إِݣ يتْرَايَان. أَزدْجِيف ن لْمَسِيح نتَّا ذ أَربِّـي أُو ذ نتَّا إِݣ يتْرَايَان.

1 أيث-كورينث 14:34

ثِمْغَارِين ذِي ثْجُمَاع ن ڒْمُوْمِنِين لَابُد اَذ قِّيمنْت سْتُوْكَانْت. وَار ذَاسنْت يتْوَاسْمِيح شَا اَذ سِّيوْڒنْت. لَابُد اَذ تْسذْحَانْت مَامّش ثقَّار شَّرِيعَا ن مُوْسَى.

1 أيث-كورينث 7:16

شُوْف آ ثَمْغَارْث، مَانِيس ثسّْنذ شم زَعْمَا بَاش اَذ تسْنجْمذ اَرْيَاز نّم؟ ئِي شك آي اَرْيَاز، مَانِيس ثسّْنذ شك زَعْمَا بَاش اَذ تسْنجْمذ ثَمْغَارْث نّش؟

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

أيث-كولوس 3:18

آ ثِمْغَارِين، طَاعنْت إِ يرْيَازن نْكنْت مِينْزِي مَانَايَا إِݣ يدْجَان ذ لْمَعْقُوْل زِي أَربِّـي.

أيث-كولوس 4:5

عِيشث س ڒفْهَامث اَك يِنِّي يدْجَان غَار بَارَّا نْوم وَار يُوْمِينن شَا، سْتَغلَّام ڒْوقْث نْوم مْلِيح.

2 أيث-سلونيك 1:8

أَذ ينْتَاقم زݣ يِنِّي وَار يسِّينن شَا أَربِّـي ذ يِنِّي وَار يتْطِيعِين شَا إِ لْإِنْجِيل ن سِيذِيثْنغ عِيْسَى.

يعيبرانيين 11:8

س لْإِيمَان يكَّر نَّبِي بْرَاهِيم يطَاع-اَس إِ أَربِّـي وَامِي ذَاس د يڒَاغَا اَذ يرَاح غَار يِجّن ن ومْشَان إِي غَا يقْبڒ ذ لْوَارث. ئِفّغ نتَّا تُوْغَا وَار يسِّين شَا مَانِي غَا يرَاح.

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

1 بطرس 3:2

يِـيْنَا غِير اَذ ࢲرّن ثِيْشْرِي نْكنْت ثصْفَا تْسذْحَانْت زَّايْسن اَتَاف اَذ اَمْنن.

1 بطرس 3:7

آي يرْيَازن، أَمنِّي يتْخصَّا-يَاوم اَذ تݣّم عَاوذ، أَذ تْعِيشم اَك ثمْغَارِين نْوم س يِجّن ن ڒفْهَامث جَارَاوم. ؤُشم-اَس لْقِيمَا إِ ثمْغَارْث يدْجَان نتَّاث اَم ثْغرَّافْث يتْرزَّان ذغْيَا مِينْزِي ذ نِثنْتِي يتْوَارَّاثن اَكِذْوم لْبَرَكَا ن ثُوْذَارْث. حمَا وَار ذِنِّي تِيڒِي بُو شَان ن ڒْحَاجث اَذ ترز ثْࢲَادْجِيث نْوم.

1 بطرس 4:17

أَقَا ثُوْوض-د ڒْوقْث بَاش اَذ يبْذَا لْحِسَاب جَار اَيثْبَاب ن ثدَّارْث ن أَربِّـي. مڒَا اَذ يبْذَا لْحِسَاب-أَ جَارَانغ مِين غَا يوقْعن إِ يِنِّي وَار يتْطِيعِين شَا إِ لْإِنْجِيل ن أَربِّـي؟