1 بطرس 2:8 - ثريفيث 2020

⁸ أُو عَاوذ يقَّار: <ئِج ن تِّيرْشث إِي ذِي تنْقْڒَاضن يِوْذَان، ذ يجّن ن وزْرُو إِي ثن يغطّْڒن.> قَا تنْقْڒَاضن ذَايس مِينْزِي عصَّان اَوَاڒ نّس، أَمنِّي إِي خَاسن يُوْرَا.

1 بطرس 2:8 ပူးပေါင်းရင်းမြစ်များ

لوقا 2:34

ئِبَرك-يثن شِمْعُوْن ينَّا-يَاس إِ يمَّاس مَرْيَم: "أَقَا وَانِيتَا يݣِّي-ث سِيذِي أَربِّـي أَذ د يسهْوَا اَذ يسِيڒِي اَطَّاس ن يِوْذَان ذِي أَيْث-إِسْرَائِيل. نتَّا ذ يجّن ن لْعَلَامَا اَتَاف وَار ت تْخِيسن شَا،

أيث-روما 9:22

أَمنِّي إِݣ يݣَّا أَربِّـي. وَامِي يخس اَذ د يسْمظْهَار اَغْضَاب نّس اَذ د يسْبيّن جّْهذ إِي غَارس، ئِصبَّار اَطَّاس خ يِنِّي إِي خف يغْضب، يعْنِي يغرَّافن نِّي وجْذن اَذ تْوَارْزن.

1 أيث-كورينث 1:23

وَلَكِن نشِّين نتْبشَّار س لْمَسِيح يتْوَاصلّْبن. ئِسْرَائِيلِيْين تْنقْڒَاضن ذِي مَانَايَا، ذ يِنِّي وَار يدْجِين شَا زِي أَيث-إِسْرَائِيل قَّارن قَا مَانَايَا ذ ثُوْبُّوْهْڒِيَا وَاهَا.

22 أيث-كورينث 2:16

نشِّين اَم شُّوْم ن ڒْموْث غَار يِنِّي يفنَّان، ذ شُّوْم ن ثُوْذَارْث غَار يِنِّي ينجّْمن. إِيوَا وَار ذِنِّي حَدّ إِي غَا يزمَّرن إِ ڒْخذْمث-أَ!

أيث-ݣلاطيا 5:11

آي أَيثْمَا، نش مَعْلِيك عَاذ سڒْمَاذغ طَّهَارث ن مُوْسَى زَعْمَا، إِيوَا مَايمِّي عَاذ ذَايِي تْعدَّابن نِثْنِي؟ مَعْلِيك لَابُد طَّهَارث-أَ، أَتَاف صَافِي وَار يتِيڒِي بُو وحݣَّار ن صَّلِيب.

1 أيث-سلونيك 5:9

قَا وَار ذَانغ يخْضَر شَا أَربِّـي بَاش اَخَانغ يكّ وغْضَب؛ لَّا، قَا يخْضَر-اَنغ بَاش أَ ننْجم س وفُوْس ن سِيذِيثْنغ عِيْسَى لْمَسِيح.

1 بطرس 2:6

قَا مَانَايَا إِݣ يقَّار لْكِتَاب: <أَقَا خْضَرغ يج ن وزْرُو، سْرُوْسِيغ-ث خ وذْرَار ن لْقُدْس. نتَّا يسوَّا اَطَّاس، ݣِّيغ-ث ذِي ثْغمَّارْث ن دْسَاس. ونِّي إِي زَّايس غَا يَامْنن وَار يندّم شَا.>

1 بطرس 2:7

فَا اَزْرُو-يَا يسوَّا اَطَّاس إِ كنِّيو إِي يُوْمْنن، يِنِّي وَار يُوْمِينن شَا لَّا. أَقَا يُوْرَا ذِي لْكِتَاب: <أَزْرُو نِّي إِي عِيفّن ئِبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس.>

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.