1 بطرس 2:22 - ثريفيث 2020

²² نتَّا وَار يݣِّي ؤُڒَا ذ يجّن ن ڒْمُعْصِيّث، وَار ذَاس د يكِّي ؤُڒَا ذ يج وخَرِّيق زݣ وقمُّوْم نّس.

1 بطرس 2:22 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:19

وَامِي يقِّيم لْحَاكم بِيلَاطُس خ ڒْكُرْسِي ن ڒحْكَام، ثسّكّ-د غَارس ثمْغَارْث نّس ثنَّا-ٱس: "تَارك-اَس إِ ورْيَاز-أَ يصْفَان ڒَاحقَّاش عدّْبغ اَطَّاس دْجِيڒث-أَ ذِي ثِيرْجِيث خ سَّبَاب نّس."

أَسڒْمذ ن سِيذِيثْنغ عِيْسَى لْكِتَاب ن مَتَّى 27:4

ينَّا-ٱسن: "نش عْصِيغ وَامِي سلّْمغ يجّن إِ ڒْموْث نتَّا وَار يݣِّي مِينْخف!" نَّان-اَس نِثْنِي: "ونِّي ذ شّْغڒ نّش! نشِّين، مِين ذَانغ يرُوْحن؟"

لوقا 23:41

نشِّين حكّْمن خَانغ نِيشَان، نسْذَاهدْج لْحُكم-أَ عْلَاحْسَاب مِين نݣَّا. وَلَكِن اَرْيَاز-أَ وَار يݣِّي شَا مِينْخف."

لوقا 23:47

أَعَسْكَارِي نِّي اَمقّْرَان ن اَرُّوْمَانُوْس إِي يدْجَان ذِنِّي وَامِي يࢲْرَا مِين يوقْعن يبْذَا يسمْغَار أَربِّـي ينَّا: "أَثَرَّاس-أَ ذ صَّح بَرِيء إِي يدْجَا."

يوحنا 1:47

عِيْسَى يࢲْرَا نَاثْنَاهِيل يݣُّوْر-د غَارس ينَّا: "وَانِيتَا نِيشَان زِي أَيث-إِسْرَائِيل، وَار ذَايِس بُو يخَارْوِيضن."

يوحنا 8:46

مِين يعْنَا ونِّي يزمَّرن زَّايْوم اَذَايِي يطّف ڒْمُعْصِيّث؟ مڒَا قَّارغ ڒْحَقّ، مَايمِّي وَار ذَايِي تِيمْنم شَا؟

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

يعيبرانيين 4:15

شُوْف، وَار غَارْنغ بُو يجّن ن ڒفْقِي اَمقّْرَان نتَّا وَار يزمَّر شَا اَذ يحسّ زِي ضُّوْعف نّغ. وَاه، غَارْنغ يجّن ڒفْقِي كِّينْت خَاس مَارَّا ڒمْحَاين؛ نتَّا اَم نشِّين وَلَكِن وَار يݣِّي بُو ڒْمُعْصِيّث.

يعيبرانيين 9:28

أَمُّو لْمَسِيح، يتْوَاقدّم ذ دْبِيحث يجّن ن ثْوَاڒَا بَاش اَذ يَارْبُو ڒْمُعْصِيَاث ن وَاطَّاس ن يِوْذَان. ثُمَّا اَذ د يهْوَا وِيس مَرّْثَاين. مَايمِّي؟ مَاشِي عْلَاحْسَاب ڒْمُعْصِيّث ن يِوْذَان عَاوذ؛ لَّا، أَذ د يهْوَا بَاش اَذ يسنْجم يِنِّي إِي ث يتْرَاجَان.

1 يوحنا 2:1

آ يحنْجِيرن ينُو، تَارِيغ-اَوم-د ثِمسْڒَايِين-أَ حمَا وَار ثْعصِّيم شَا أَربِّـي. وَلَكِن مڒَا نعْصَا-ث اَقَا غَارْنغ يجّن ن لْوَسِيط اَك أَربِّـي بَابَاثْنغ نتَّا ذ عِيْسَى لْمَسِيح ونِّي إِݣ يدْجَان نِيْشَان.

1 يوحنا 3:5

أَقَا ثسّْنم بلِّي عِيْسَى لْمَسِيح نتَّا يمظْهَار-د بَاش اَخَانغ يكّس ڒْمُعْصِيَاث. أُو ڒْمُعْصِيّث نتَّا وَار ذَايس ثدْجِي شَا.

لواحي ن يوحنا 14:5

عمَّارْص وَار سْخرِّيقن، نِثْنِي اَقَاثن بْڒَا ڒْعِيب.