1 بطرس 2:21 - ثريفيث 2020

²¹ ئِڒَاغَا-يَاوم-د أَربِّـي غَار مَانَايَا مِينْزِي لْمَسِيح يتْوَاعدّب عْلَاحْسَاب كنِّيو؛ ئِجَّا-ٱوم-د يجّن ن لْمِثَال اَث تْذفَّرم ذݣ يسُوْرِيفن نّس.

1 بطرس 2:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:38

ونِّي يتَاݣِين اَذ ييْسِي صَّلِيب نّس اَذَايِي يذْفَار نش، أَتَاف وَار ذَايِي يسْذِيهدْج شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:29

اَرْبُوْث خَاوم ثْزَايْڒُوْت ينُو، ڒمْذث زَّايِي ڒَاحقَّاش نش ذ اَصبَّار، وَار ذَايِي بُو تَّكبُّر. ڒخْدّنِّي اَذ تَافم أَرَّاحث إِ يِيخف نْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:24

سّنِّي يسِّيوڒ عِيْسَى اَك يمحْضَارن نّس ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس اَذَايِي يذْفَار.

لوقا 24:26

تُوْغَا يتْخصَّا إِ لْمَسِيح اَذ يعدّب، سّنِّي اَذ يَاذف غَار لْعَظَمَا نّس."

يوحنا 13:15

ݣِّيغ-اَوم اَمُّو حمَا اَذ تݣّم مِين ݣِّيغ نش.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

ڒخذايم 17:3

ئِسفْهَام-يثن يسْبيَّان-اَسن دَّلِيل خ مَامّش أُو لَابُد لْمَسِيح اَذ يتْوَاعدّب اَذ د يكَّر زِي ڒْموْث. ينَّا-ٱسن قَا عِيْسَى-يَا إِي زِي كنِّيو تْبشَّارغ نتَّا س يِيخف نّس ذ لْمَسِيح.

ڒخذايم 9:16

نش اَذَاس د سظْهَارغ مشْحَاڒ إِي غَا يتْوَاعدّب أُو لَابُد خ سَّبَاب ن يِيسم ينُو نش."

أيث-روما 8:29

لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس.

1 أيث-كورينث 11:1

ذفَّارم-اَيِي-د مَامّش ذفَّارغ نش لْمَسِيح.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-فيليـپـي 2:5

أَرَّاي نْوم يتْخصَّا اَذ يِيڒِي اَم اَرَّاي ن عِيْسَى لْمَسِيح.

1 أيث-سلونيك 3:3

نسّكّ-يث حمَا ؤُڒَا ذ يجّن وَار يترْجِيجِي شَا س ڒمْحَاين-أَ نْوم؛ أَقَا ثسّْنم بلِّي مَانَايَا إِي خَانغ يُوْرِين.

1 أيث-سلونيك 4:2

شُوْف، ثسّْنم ثِمسْڒَايِين نِّي إِي زِي كنِّيو نْوصَّا س سُّلْطَا ن عِيْسَى لْمَسِيح.

2 تيموتاوس 3:12

ذ صَّح، مَارَّا ونِّي إِي يرزُّوْن اَذ يعِيش س لْإِيمَان يدْجَان ذِي عِيْسَى لْمَسِيح قَا اَذ يتْوَاعدّب.

يعيبرانيين 2:10

زِي أَربِّـي إِي تِيڒِينْت مَارَّا ثِمسْڒَايِين-أَ أُو نتَّا ؤُمِي تِيڒِينْت. ذ أَربِّـي نتَّا إِي يَارِّين عِيْسَى وَار ذَايس بُو ڒْعِيب س ڒَعْذَاب نِّي نّس إِي خَاس يعْذُوْن حمَا أَربِّـي اَذ د يَاوِي اَطَّاس ن ثَارْوَا غَار لْعَظَمَا نّس. غَارس ڒْمَعْنَا مَانَايَا ڒَاحقَّاش عِيْسَى نتَّا ذ زَّعِيم ن وسنْجم ن ثَارْوَا-يَا.

1 بطرس 1:20

أُو نتَّا يتْوَاخْضَر قْبڒ مَا د تْوَاخْڒق دُّنشْت-أَ، وَلَكِن يسْمظْهَار-يث-يذ أَربِّـي ذِي زْمَان-أَ اَنݣَّارُو خ سَّبَاب نْوم.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 بطرس 3:9

وَار تَارَّاث شَا شَّرّْ س شَّرّْ نّغْنِي نِغ ڒْعِيب س ڒْعِيب نّغْنِي. لَّا، بَرْكث ينّغْنِي، مَايمِّي؟ مِينْزِي يڒَاغَا-د خَاوم إِ مَانَايَا بَاش اَذ تْخَاڒْسم س يِجّن ن لْبَرَكَا.

1 بطرس 4:1

فَا عِيْسَى لْمَسِيح يتْوَاعدّب ذِي دَّات نّس. خ مَانَايَا عَاوذ كنِّيو اَذ تسْجهْذم يخف نْوم س اَرَّاي نِّي نّس. مَايمِّي؟ مڒَا ثتْوَاعدّْبم ذِي دَّات نْوم، صَافِي ثْبعّْذم عَاوذ خ ڒْمُعْصِيّث.

1 بطرس 4:13

لَّا، ئِتخصَّا كنِّيو اَذ تْفَرْحم وَامِي ثْشَرّْشم ذݣ وعدّب ن لْمَسِيح بَاش اَذ تْفَرْحم عَاوذ اَطَّاس خْمِي د غَا ثْمظْهَار لْعَظَمَا نّس.

1 يوحنا 2:6

يعْنِي ونِّي إِي غَا ينِين قَا نش زدّْغغ ذَايس يتْخصَّا-يَاس أُو لَابُد اَذ يݣُّوْر ذݣ وبْرِيذ نِيْشَان اَم ونِّي إِي ذِي تُوْغَا يݣُّوْر عِيْسَى.

1 يوحنا 3:16

س مِينْزِي إِي غَا نسّن ڒمْحِبّث؟ مِينْزِي سِيذِيثْنغ يصدّق خَانغ يخف نّس. أُو اَمُّو عَاوذ إِي غَا نِيڒِي نوْجذ أَ نْصدّق يخف نّغ خ أَيثْمَاثْنغ.

لواحي ن يوحنا 12:11

غڒْبن-ث اَيثْمَاثْنغ س يذَامّن ن يِزْمَار ذ شْهَاذث نْسن. ثُوْذَارْث نْسن وَار خَاسن ثْعِيزّ شَا، وجْذن اَذ مّْثن.