1 بطرس 2:19 - ثريفيث 2020

¹⁹ شُوْف، مڒَا يجّن يطَاع إِ أَربِّـي يصْبَر إِ وعدّب نتَّا وَار يسْذِيهدْج شَا تَمَارَا نِّي، مَا ذَايس شَان ن شُّكر؟ وَاه، ذَايس شُّكر.

1 بطرس 2:19 ပူးပေါင်းရင်းမြစ်များ

لوقا 6:32

مڒَا كنِّيو تخْسم غِير يِنِّي إِي كنِّيو يتخْسن، مَان لْأَجَار إِي غَارْوم؟ إِيوَا ؤُڒَا ذ يِنِّي يعصَّان تخْسن يِنِّي ثن يتخْسن.

يوحنا 15:21

نِثْنِي تݣّن-اَوم مَانَايَا مَارَّا خ سَّبَاب ن يِيسم ينُو مِينْزِي وَار سِّينن شَا ونِّي إِي ذَايِي د يسّكّن.

ڒخذايم 11:23

وَامِي د يُوْوض، يُوْفَا مَامّش ثن يبَرك أَربِّـي. ئِفَرح يبْذَا يتْشجَّاع-يثن مَارَّا بَاش اَذ قِّيمن ذݣ وبْرِيذ ن سِيذِيثْنغ س مَارَّا وُوْڒَاون نْسن.

أيث-روما 13:5

فَلِهَذَا لَابُد اَذَاس ثْطَاعذ إِ ڒْمخْزن مَاشِي عْلَاحْسَاب لعِقَاب وَاهَا، وَلَكِن عَاوذ عْلَاحْسَاب ضَّمِير نّش إِي ذَاش يتتّن.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 8:1

فَا آي أَيثْمَا، نخْس اَذ تسّْنم خ اَرْضَا نِّي إِي ذَاسنْت يُوْشَا أَربِّـي إِ ثْجُوْمَاع ن ڒْمُوْمِنِين إِݣ يدْجَان ذِي لْإِقْلِيم ن مَاسِدُوْنْيَا.

2 تيموتاوس 1:12

خ سَّبَاب-أَ نش قَا تْعدَّابغ خ مَارَّا ثِمسْڒَايِين-أَ ثِيْنَا وَلَكِن وَار تْسذْحِيغ شَا، نش سّْنغ ونِّي إِي زِي ؤُمْنغ. تيّْقغ نتَّا يزمَّر اَذ يحْضَا لْأَمَانَا نِّي إِي كِذس جِّيغ حتَّا ٱڒ نْهَار نِّي اَنݣَّارُو.

يعيبرانيين 10:2

دْبِيحَاث نِّي مَعْلِيك زمَّرنْت اَذ سِّيصْفَانْت، أَتَاف صَافِي سْبدّن-ثنْت نِغ لَّا؟ لِأَنَّا يِنِّي يعبّْذن اَتَاف اَذ قِّيمن ذ يمنْقَاوِيْين يجّن ن ثْوَاڒَا إِ ڒبْدَا، أَتَاف ضَّمِير نْسن وَار يتْعدِّيب شَا س ڒْمُعْصِيّث.

1 بطرس 2:20

وَلَكِن مڒَا ثعْصَام ثشِّيم خَاس اَعْمُوْذ ثصْبَرم خ مَانَاينِّي، مَا ذَايس شَان ن شُّكر؟ لَّا، وَالُو. مڒَا ثݣِّيم ڒْخِير ثتْوَاعدّْبم خَاس ثصْبَرم خَاس، أَتَاف مَانَايَا وَاه ذَايس يجّن ن شُّكر ذ اَمقّْرَان زَّاث إِ أَربِّـي.

1 بطرس 4:15

حْضَام اَكِذْوم يِيڒِي يجّن جَارَاوم إِݣ يتْوَاعدَّابن مِينْزِي ينْغَا بْنَاذم نِغ يُوْشَار نِغ ذ لْمُجْرِيم نِغ يتَاذف ذِي شّْغُوْڒَاث ن مِدّن.