1 بطرس 2:1 - ثريفيث 2020

¹ إِذن فَا كّْسث زݣ وُوْرَاون نْوم مَارَّا شَّرّْ ذ مَارَّا لْغذْرَان ذ نِّفَاق ذ ڒحْسذ ذ مَارَّا ڒْبَاطڒ.

1 بطرس 2:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:7

آ لْمُنَافِقِين! قَا نَّبي إِشَعْيَا ينَّا ڒْحَقّ وَامِي خَاوم يسِّيوڒ ذݣ يِجّن ن زْمَان:

أَسڒْمذ ن سِيذِيثْنغ عِيْسَى لْكِتَاب ن مَتَّى 23:28

أَمنِّي كنِّيو إِي تْمظْهَارم إِ يِوْذَان نِيشَان إِي ثدْجَام غَار بَارَّا، وَلَكِن غَار ذَاخڒ ثشُّوْرم س نِّفَاق ذ ڒْمُعْصِيَاث.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:51

أَث يقسّ ذ يوزْوِيزن اَث ينْضَر ذݣ ومْشَان ن لْمُنَافِقِين، ذِنِّي إِي غَا يڒِين يمطَّاون ذ وغࢲَّاࢲ ن ثغْمَاس.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:5

آ لْمُنَافِق، كّس ذ اَمزْوَارُو اَكشُّوْض زِي ثِيطّ نّش. عَاذ إِي غَا ثتْوَاڒِيذ مْلِيح حمَا اَذ تكّْسذ ڒُوْم زِي ثِيطّ ن وُوْمَاش.

مرقس 12:15

ئِسّن عِيْسَى يخَرْوِيضن نِّي إِي ذَايْسن ينَّا-ٱسن: "مَايمِّي ذَايِي ثْسوْجَاذم ثَخْشبْث؟ أَوِيم-اَيِي-د دِينَار نِّي ن ضَّرِيبَا حمَا اَث ࢲرغ."

لوقا 11:44

يَا ڒفْضِيحث نْوم، كنِّيو اَمشْنَاو يمضْڒَان يودَّارن ݣُّوْرن خَاسن يِوْذَان وَار د اَرِّين شَا ڒخْبَار."

لوقا 12:1

ڒخدّْنِّي مُوْنن اَطَّاس ن ؤُڒُوْفَاث ن يِوذَان اَڒ وَامِي ذوْڒن عفّْسن خ وَايَاوْيَا. ئِبْذَا عِيْسَى يقَّار-اَسن إِ يمحْضَارن نّس: "حْضَام يخف نْوم زِي نِّفَاق ن ڒْحِزب ن يفَرِّيسِيْين يدْجَان اَم ونْتُوْن.

لوقا 6:42

مَامّش تݣّذ ثْزعّْمذ اَذ تِينِيذ إِ وُوْمَاش: آي ؤُمَا، اجّ-اَيِي اَذَاش د كّْسغ ڒُوْم-أَ إِݣ يدْجَان ذِي ثِيطّ نّش، شك عَاذ تجِّيذ اَكشُّوْض ذِي ثِيطّ نّش؟ آ لْمُنَافِق، كّس ذ اَمزْوَارُو اَكشُّوْض نِّي زِي ثِيطّ نّش. عَاذ إِي غَا ثتْوَاڒِيذ مْلِيح حمَا اَذ تكّْسذ ڒُوْم إِݣ يدْجَان ذِي ثِيطّ ن وُوْمَاش!

يوحنا 1:47

عِيْسَى يࢲْرَا نَاثْنَاهِيل يݣُّوْر-د غَارس ينَّا: "وَانِيتَا نِيشَان زِي أَيث-إِسْرَائِيل، وَار ذَايِس بُو يخَارْوِيضن."

أيث-روما 1:29

نِثْنِي شُّوْرن س كُڒ نُّوْع ن ڒْمُعْصِيَاث ذ شَّرّْ ذ طّْمَع ذ ڒقْبَاحث ذ ڒحْسذ. نقّن يوْذَان تْمنْغَان. شُّوْرن س ؤُغْذَار ذ مِين وَار يحْڒِين، قَّارن نَّمِيمَا.

1 أيث-كورينث 14:20

لَّا آي اَيثْمَا، وَار تْفكَّرث شَا اَم يحنْجِيرن يمزْيَانن. إِڒِيث اَم يسيْمَان ذِي شَّرّْ؛ إِڒِيث اَم يمقّْرَانن عْلَاحْسَاب ڒَعْقڒ.

1 أيث-كورينث 5:8

خ مَانَايَا أَ نْعيّذ وَلَكِن وَار نتْعيِّيذ شَا س ونْتُوْن نِّي اَقْذِيم، يعْنِي اَنْتُوْن نِّي نتَّا ذ ڒقْبَاحث ذ شَّرّْ. لَّا، نشِّين أَ نْعيّذ س ثفْضِيرْث، يعْنِي يجّن ن ؤُغْرُوْم ذَايس لْحَقِيقَا وَار ذَايس بُو يخَرِيقّن.

22 أيث-كورينث 12:20

شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

أيث-ؤفسوس 4:31

مَارَّا لْعُقْدَا ذ وغْضَاب ذ وعصّب ذ سْذَاع ذ ڒْبَاطڒ سْبعّْذم-ثن خَاوم مَارَّا، أُو كّْسث عَاوذ كُڒ نُّوْع ن ڒقْبَاحث.

1 أيث-سلونيك 2:3

أَوَاڒ نّغ إِي زِي نتْوصَّا وَار د يتِيس شَا زݣ وغْذَار نِغ زِي مِين يخنْزن نِغ زِي ثحْرَايْمِيث.

1 تيموتاوس 3:11

أَمنِّي عَاوذ ثِمْغَارِين يتْخصَّا اَذ يڒِينْت مْوقّرِينْت وَار ذَايْسنْت تِيڒِي شَا نَّمِيمَا اَذ حكّْمنْت خ يِيخف نْسنْت اَذَايْسنْت ثِيڒِي تِّقث ذِي مَارَّا ثِمسْڒَايِين.

ثبرات غار تيتوس 2:3

ثِنِّي يمْغَارن عَاوذ اَذ عِيشّنْت عْلَاحْسَاب لْإِيمَان، وَار ذَايْسنْت تِيڒِي بُو نَّمِيمَا، وَار تبْلِيْيِينْت شَا اَطَّاس س بِينُو. أَذ سْڒمْذنْت مِين يدْجَان ذ اَصبْحَان.

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

ثبرات غار يعقوب 1:21

بعّْذث خ مَارَّا مِين يدْجَان ذ اَعفَّان ذ مِين يدْجَان ذ شَّرّْ. بْڒَا تَّكبُّر قبّْڒث اَوَاڒ نِّي ن أَربِّـي يتْوَاࢲُّوْن ذَايْوم يزمَّر اَذ يسنْجم ڒَعْمَار نْوم.

ثبرات غار يعقوب 3:14

وَلَكِن مڒَا ذَايْوم ڒحْسذ ذ اَعفَّان ذ لْأَنَانِيَا، وَار تفْتَخَارث شَا س يِيخف نْوم. يعْنِي يتْخصَّا-يَاوم كنِّيو وَار ثسْخرِّيقم شَا خ لْحَقِيقَا.

ثبرات غار يعقوب 4:11

آي أَيثْمَا، وَار قَّارث بُو ڒْبَاطڒ خ وَايَاوْيَا. مِينْزِي ونِّي يقَّارن ڒْبَاطڒ خ وُوْمَاس نِغ يتْعيَّاب-يث، أَتَاف يقَّار ڒْبَاطڒ خ شَّرِيعَا يتْعيَّاب-يت. خْمِي تْعيَّابذ شَّرِيعَا اَتَاف شك وَار زَّايس ثخدّْمذ شَا؛ لَّا، أَتَاف شك ذ ڒْقَاضِي نّس وَاهَا.

ثبرات غار يعقوب 4:5

اَوَاڒ ن لْكِتَاب يقَّار: <أَرُّوْح نِّي إِي ذَايْنغ يݣَّا أَربِّـي يْعِيزّ خَاس اَطَّاس.> مَا تْغِير-أَوم اَوَاڒ نِّي وَار غَارس بُو ڒْمَعْنَا؟

ثبرات غار يعقوب 5:9

آي أَيثْمَا، وَار سَّاوَاڒث شَا ذݣ وَايَاوْيَا حمَا وَار تْوَاعِيقِيبم شَا؛ قَا ونِّي يتحْكَامن يبدّ-د غَار ثوَّارْث.

1 بطرس 2:16

عِيْشث اَم يِوْذَان إِي غَار ثدْجَا لْحُرِّيَا وَلَكِن وَار سْتعْمَالث شَا لْحُرِّيَا-يَا نْوم بَاش اَذ تسْنُوْفَّرم شَّرّْ نْوم؛ لَّا، ئِتْخصَّا اَذ تْعِيْشم اَم يخدَّامن ن أَربِّـي.

1 بطرس 2:22

نتَّا وَار يݣِّي ؤُڒَا ذ يجّن ن ڒْمُعْصِيّث، وَار ذَاس د يكِّي ؤُڒَا ذ يج وخَرِّيق زݣ وقمُّوْم نّس.

1 بطرس 3:10

لِأَنَّا يقَّار: <ونِّي يرزُّوْن اَذ يحِبّ ثُوْذَارْث نّس، نِغ يخس عَاوذ اَذ يࢲر ؤُسَّان ذ يصبْحَانن، أَو لَابُد اَذ يحْضَا يڒس نّس زِي شَّرّْ، ذ ؤُقمُّوْم نّس زݣ وَاوَاڒ ن ثحْڒَايْمِيث.

1 بطرس 4:2

خ مَانَايَا نْهُوْرَاث نِّي إِي ذَاوم يتْغِيمَان ذِي دَّات نْوم مَاشِي اَثن ثْسعْذُوْم عْلَاحْسَاب شّهَاوَاث ن بْنَاذم؛ لَّا، سعْذُوْم-ثن عْلَاحْسَاب ڒْخَاضَر ن أَربِّـي.

1 بطرس 4:4

تْعجِّيبن نِثْنِي يعْنِي مڒَا كنِّيو وَار كِذْسن تِيْذْفم شَا ذِي لْفَيَضَان ن ؤُفلّس-أَ اَذ قِّيمن عَاوذ تْزَوَّارن-كنِّيو.

لواحي ن يوحنا 14:5

عمَّارْص وَار سْخرِّيقن، نِثْنِي اَقَاثن بْڒَا ڒْعِيب.