1 بطرس 1:25 - ثريفيث 2020

²⁵ مَاشَا اَوَاڒ ن أَربِّـي يتْغِيمَا إِ ڒبْدَا.> أَوَاڒ-أَ نتَّا ذ لْإِنْجِيل إِي ذَاوم د يتْوَابشَّرن.

1 بطرس 1:25 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:18

أَقَا تسْڒَام ڒْحَقّ: وَار يتكّس يجّن ن ڒْحَرْف نِغ ذ يجّن ن ثْنقِّيط زِي شَّرِيعَا اَڒ غَا يتْوَاكّس وجنَّا ذ ثْمُوْرْث أَڒ غَا يتْوَاكمّڒ كُڒْشِي.

لوقا 16:17

إِنَّمَا، ئِسْهڒ اَذ يتْوَاكّس وجنَّا ذ ثْمُوْرْث قْبڒ إِي غَا تتْوَاكّس يجّن ن ثْنقِّيط زِي شَّرِيعَا.

يوحنا 1:1

ذݣ ومزْوَارُو يدْجَا وَاوَاڒ. أَوَاڒ نِّي يدْجَا اَك أَربِّـي. أَوَاڒ نِّي ذ نتَّا إِݣ يدْجَان ذ أَربِّـي.

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

1 أيث-كورينث 2:2

وَامِي تُوْغَا دْجِيغ اَكِذْوم، ݣِّيغ اَذ سْشنْعغ غِير عِيْسَى لْمَسِيح أُو ذ نتَّا يتْوَاصلّْبن ذِي صَّلِيب.

أيث-ؤفسوس 2:17

أَقَا يُوْسَا-د عِيْسَى يتْبشَّار نتَّا س لْإِنْجِيل يُوْوِي-اَوم-د ڒهْنَا إِ كنِّيو تُوْغَا يدْجَان ثبعّْذم خ أَربِّـي أُو ذ يِنِّي إِي د يُوْذْسن غَار أَربِّـي.

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

ثبرات غار تيتوس 1:3

أُو ذِي لْوقْت نِّي إِݣ يخْضَر نتَّا يسْمظْهَار-د لْوَاعد-أَ س تّبْشِير نِّي إِي زِي ذَايِي يتْوَاكلّف س لْأَمَر ن أَربِّـي ونِّي إِي ذَانغ يسْنجْمن.

يعيبرانيين 6:5

ذُوْقن عَاوذ زِي لْبَرَكَا ن وَاوَاڒ ن أَربِّـي ذ لْقُدُوْرَاث ن زْمَان إِي د غَا يَاسن.

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.

1 بطرس 1:23

أَقَا تْوَاخڒْقم-د ذ جْذِيذ مَاشِي زݣ يِجّن ن زَّرِّيعث يفنَّان؛ لَّا، ثنِّي وَار يفنِّين شَا عمَّارْص، س وَاوَاڒ ن أَربِّـي يدَّرن يتْدُوْمَّان.

1 بطرس 2:2

إِڒِيث اَم يحْضِيضن، سْغُوْيِوث خ ؤُغِي نِّي يصْفَان ن أَرُّوْح يقدّْسن بَاش اَزَّايس ثمْغَرم ذِي لْإِيمَان نْوم إِݣ يسنْجَامن.

2 بطرس 1:19

نشِّين ڒخُّو غَارْنغ اَوَاڒن ن لْأَنْبِيَا تْوَاضمّْنن كْتَار زِي مِين نفْهم قْبڒ. أَذ تݣّم مْلِيح مڒَا تݣّم ذَايْسن اَرَّاي نْوم اَم إِ يِجّن ن نُّوْر يتْشعْشِيعن ذݣ يِجّن ن ثَادْجسْت اَڒ د غَا يصْبح نْهَار نِّي اَذ د يݣَعّذ يِيْثْرِي ن ڒفْجَر ذݣ وُوْڒَاون نْوم.

1 يوحنا 1:1

مِين تُوْغَا ذِنِّي زݣ ومزْوَارُو، نتْسْڒَا-يَاس نࢲّر-يث س ثِيطَّاوِين نّغ، نخزَّر ذَايس نتْحَاذَا-ث س يفَاسّن نّغ يعْنِي ذ اَوَاڒ ن ثُوْذَارْث.

1 يوحنا 1:3

مِين نࢲْرَا ذ مِين نتْسْڒَا نتْبشَّار-يكنِّيو زَّايس حمَا ؤُڒَا ذ كنِّيو اَذ تمْعَاشَرم اَكِذْنغ. مَارَّا نشِّين ثَمْعَاشَرْث نّغ اَقَات اَك بَابَاثْنغ ذ مِّيس عِيْسَى لْمَسِيح.

لواحي ن يوحنا 14:6

ࢲْرِيغ يجّن ن لْمَلَائِكَا نّغْنِي ثطَّاو ذِي ڒْوسْط ن وجنَّا. غَارس لْإِنْجِيل وَار يفنِّين اَذ تْبشَّر زَّايس يمزْذَاغ ن ثْمُوْرْث زِي مْكُڒ ڒْݣنْس ذ ڒْقُوْم ذ لُّغَا ذ شَّعْب.