1 بطرس 1:23 - ثريفيث 2020

²³ أَقَا تْوَاخڒْقم-د ذ جْذِيذ مَاشِي زݣ يِجّن ن زَّرِّيعث يفنَّان؛ لَّا، ثنِّي وَار يفنِّين شَا عمَّارْص، س وَاوَاڒ ن أَربِّـي يدَّرن يتْدُوْمَّان.

1 بطرس 1:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:35

أَذ يفْنَا وجنَّا ذ ثْمُوْرْث، وَلَكِن اَوَاڒن ينُو وَار فنِّين شَا عمَّارْص.

لوقا 8:11

ڒْمَعْنَا-يَا يخس اَذ يِينِي: زَّرِّيعث نِّي نتَّاث ذ اَوَاڒ ن أَربِّـي.

يوحنا 1:13

يِيْنَا وَار د خْڒِيقن شَا عْلَاحْسَاب دُّوْرِّيث ؤُڒَا عْلَاحْسَاب مِين تخْس دَّات ؤُڒَا عْلَاحْسَاب ڒْخَاضَر ن ورْيَاز؛ لَّا، ذ أَربِّـي إِي ثن د يجِّين.

يوحنا 1:3

زَّايس إِي د يخْڒق أَربِّـي مَارَّا، أُو بْڒَا اَوَاڒ نِّي وَار تِيڒِي ؤُڒَا ذ يجّن ن ثْمسْڒَايْث زِي مِين د يخْڒق.

يوحنا 3:3

ئِنْدق-د عِيْسَى ينَّا-ٱس: "أَقَا تسْڒِيذ ڒْحَقّ: وَار يزمَّر ؤُڒَا ذ يجّن اَذ يࢲر ڒْمُلْك ن أَربِّـي إِلَّا مڒَا يخْڒق-د ذ جْذِيذ."

يوحنا 3:5

ينَّا-ٱس عِيْسَى: "أَقَا تسْڒِيذ ڒْحَقّ: مڒَا شَان يِجّن وَار د يخْڒِيق شَا س وَامَان ذ أَرُّوح ن أَربِّـي، وَار يزمَّر اَذ يَاذف ذِي ڒْمُلْك ن أَربِّـي.

يوحنا 6:63

أَرُّوْح ن أَربِّـي ذ نتَّا يسّدَّرن. مِين يدْجَان ذ بنَاذم وَار ينفّع إِ وَالُو. أَوَاڒن إِي ذَاوم نِّيغ، ذَايسن أَرُّوْح ذ ثُوْذَارْث.

أيث-روما 1:23

بدّْڒن لْعَظَمَا ن أَربِّـي يدَّرن إِ ڒبْدَا س لْأَصْنَام يتْشَابَّاهن ذݣ يِوْذَان إِي غَا يفْنَان، ذ لْأَصْنَام يتْشَابَّاهن ذݣ يِجْضَاض ذ لْحَيَوَانَاث ذ مِين يتنْحُوْرُوْذن.

يعيبرانيين 4:12

أَقَا اَوَاڒ ن أَربِّـي يدَّر نتَّا يفْسُوْس، ئِقْضع اَطَّاس كْتَار زِي سِّيف ن ثْنَاين ن جِّهَاث. ئِتَاذف اَڒ ذَاخڒ يفرّق بُوْحْبڒ ذ اَرُّوْح ذ مَانِي تْمُوْنن ڒمْفَاسڒ، ئِتَاذف غَار وَاذُوْف. ئِتْميَّاز جَار لْأَفْكَار ذ لْأَغْرَاض ن وُوْڒ.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

1 بطرس 1:25

مَاشَا اَوَاڒ ن أَربِّـي يتْغِيمَا إِ ڒبْدَا.> أَوَاڒ-أَ نتَّا ذ لْإِنْجِيل إِي ذَاوم د يتْوَابشَّرن.

1 بطرس 1:3

أَذ يتْوَابَرك أَربِّـي، بَابَاس ن سِيذِيثْنغ عِيْسَى لْمَسِيح إِي ذَانغ يُوْشِين س اَرَّاحْمث نّس ثَمقّْرَانْت اَد نخْڒق ذ جْذِيذ غَار يِجّن ن لْأَمَال يدَّرن وَامِي د يسكَّر عِيْسَى لْمَسِيح زݣ يمتِّينن.

1 يوحنا 3:9

ونِّي د يخڒْقن زِي أَربِّـي وَار يقِّيم شَا يسْخدَّام ڒْمُعْصِيَاث ڒَاحقَّاش ثَقُّوْشْت ن أَربِّـي ثْزدّغ ذَايس. وَار يزمَّر شَا اَذ يقِّيم ذِي ڒْمُعْصِيَاث ڒَاحقَّاش يخْڒق-د زِي أَربِّـي.

1 يوحنا 5:18

نشِّين نسّن بلِّي مَارَّا ونِّي د يخڒْقن زِي أَربِّـي وَار يقِّيم شَا يسْخدَّام ڒْمُعْصِيَاث. مِّيس إِي د يخڒْقن زِي أَربِّـي يحطَّا-ث، وَار ث يتْضَرِّي شَا لْمُفْسِيد.