1 بطرس 1:2 - ثريفيث 2020

² أَربِّـي بَابَاثْنغ يخْضَر-يكنِّيو عْلَاحْسَاب مَامّش تُوْغَا يسّن نتَّا زِي قْبڒ، ئِسِّيصْفَا-كنِّيو س يِجّن ن ڒْخذْمث ن أَرُّوْح يقدّْسن حمَا اَذ تْطَاعم إِ عِيْسَى لْمَسِيح اَذ تْوَارُوْشّم س يذَامّن نّس إِي يُوْزّْڒن. أَذَايْوم يمَارْنِي اَرْضَا ذ ڒهْنَا س وَاطَّاس.

1 بطرس 1:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:22

مَعْلِيك سِيذِي أَربِّـي وَار يسنْقِيس شَا ذِي ڒِيَّام نِّي ن تَمَارَا-يَا إِي د غَا يَاسن، أَتَاف وَار ينجّم ؤُڒَا ذ يجّن. خ سَّبَاب ن يِنِّي يخْضَر أَربِّـي، أَتَاف اَذ يسنْقس ڒِيَّام نِّي إِي د غَا يَاسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:31

أَذ يصُوْض يجّن ن زَّمَّار ذ اَمقّْرَان، أَذ د يسّكّ لْمَلَائِكَاث نّس غَار اَرْبعَا ن يمُوْشَان ن ثْمُوْرْث مَانِيس د يتكّ اَرِّيح: زِي شَّرْق ذ لْغَرْب ذ لْجَنُوْب ذ شَّمَال. أَذ يسْمُوْن يِنِّي يخْضَر زِي ڒَاحدّ ن وجنَّا اَڒ ڒَاحدّ نّس نّغْنِي.

مرقس 13:20

مَعْلِيك سِيذِي أَربِّـي وَار يسنْقِيس شَا ذِي ڒِيَّام نِّي ن تَمَارَا-يَا إِي د غَا يَاسن، أَتَاف وَار ينجّم ؤُڒَا ذ يجّن. خ سَّبَاب ن يِنِّي يخْضَر أَربِّـي، أَتَاف اَذ يسنْقس ڒِيَّام نِّي إِي د غَا يَاسن.

مرقس 13:22

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن إِڒِي خذْعن ؤُڒَا ذ يِنِّي يخْضَر أَربِّـي.

مرقس 13:27

أَذ د يسّكّ لْمَلَائِكَاث نّس غَار اَرْبعَا ن يمُوْشَان ن ثْمُورْث مَانِيس د يتكّ اَرِّيح: زِي شَّرْق ذ لْغَرْب ذ لْجَنُوب ذ شَّمَال. أَذ د يسْمُوْن يِنِّي يخْضَر زِي ڒَاحدّ ن دُّنشْت-أَ اَڒ ڒَاحدّ ن وجنَّا.

لوقا 18:7

أَربِّـي، مَا وَار ذَاسن يتِيشّ ڒْحَقّ إِ يِوْذَان نّس إِي ث يتتَّارن دْجِيڒث ذ نْهَار؟ مَا اَخَاسن يعطَّڒ وَار ذَاسن يسْتِيجِيب شَا؟

ڒخذايم 2:23

ئِي كنِّيو مِين ذَاس ثݣِّيم؟ وَامِي يتْوَاسلّم عْلَاحْسَاب مَامّش يخس أَربِّـي ذ مَامّش تُوْغَا يسّن نتَّا، كنِّيو ثْصلّْبم-ث ثنْغِيم-ث س يفَاسّن ن لْكُفَّار.

ڒخذايم 20:32

آي اَيثْمَا، ڒخُّو اَخَاوم ودِّيغ، إِڒِيث اَݣ أَربِّـي ذ وَاوَاڒن ن أَرْضَا نّس. أَوَاڒن-أَ ذَايْسن ثِزمَّار اَذَاوم ؤُشن جّْهذ اَذَاوم ؤُشن ڒْوَاڒث اَك مَارَّا ڒْمُوْمِنِين صَّالِحِين.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 1:7

تَارِيغ إِ مَارَّا يمْعِيزّن ن أَربِّـي إِي يدْجَان ذِي ثنْدِينْت ن رُوْمَا يخْضَر-يكنِّيو اَذ تِيڒِيم ذ ڒْمُوْمِنِين صَّالِحِين. أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

أيث-روما 11:2

أَربِّـي وَار ينْكَر شَا شَّعْب نّس تُوْغَا يسّن-يثن زِي قْبڒ. مَا وَار ثسِّينم شَا كنِّيو مِين يقَّار لْكِتَاب خ نَّبِي إِلْيَاس؟ وَامِي يشثْشَا غَار أَربِّـي زِي أَيث-إِسْرَائِيل ينَّا-ٱس:

أيث-روما 11:28

س سَّبَاب ن لْإِنْجِيل، ئِسْرَائِيلِيْين ذ ڒَعْذُو عْلَاحْسَاب كنِّيو. وَلَكِن س سَّبَاب مِينْزِي تْوَاخْضَرن، نِثْنِي ذ يمْعِيزّن عْلَاحْسَاب سَّلَاف صَّلِيحِين.

أيث-روما 16:19

كنِّيو، سْڒِين خَاوم يوْذَان مَارَّا خ طَّاعَا نْوم، نش فَرْحغ زَّايْوم خ مَانَاينِّي. وَلَكِن خْسغ كنِّيو اَذ تِيڒِيم ذ يفْطَانن خ مِين يدْجَان ذ اَصبْحَان، أَذ تْغفْڒم خ مِين يدْجَان ذ شَّرّْ.

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-روما 8:13

لِأَنَّا كنِّيو مڒَا تݣّم اَرَّاي إِ طَّبِيعَا ثَعفَّانْت نْوم، أَذ تمّْثم. مڒَا ثْنقّم ڒفْعَاير ن دَّات نْوم س اَرُّوْح ن أَربِّـي، أَذ تدَّرم.

أيث-روما 8:33

وِي يزمَّرن اَذ يتَاهم يِنِّي إِي يخْضَر أَربِّـي؟ ؤُڒَا ذ يجّن! أَربِّـي س يِيخف نّس نتَّا إِݣ يسمْصْڒَاحن اَكِذس يوْذَان.

1 أيث-كورينث 1:30

أُو نتَّا ذ سَّبَاب إِي زِي ثدْجَام كنِّيو ذِي عِيْسَى لْمَسِيح. ئِݣِّي-ث أَربِّـي نتَّا ذ ڒفْهَامث نّغ، يعْنِي نتَّا ذَايس صُّلْح نّغ ذ وصفِّي نّغ ذ وفكِّي نّغ.

1 أيث-كورينث 6:11

أَمُّو إِي تُوْغَا تݣّن ڒبْعَاض زَّايْوم، وَلَكِن ڒخُّو تْوَاسِيرْذم، تْوَاسِّيصْفَام، تْوَاسمْصْڒَاحم اَك أَربِّـي س يِيسم ن سِيذِيثْنغ عِيْسَى لْمَسِيح أُو س اَرُّوْح ن أَربِّـي نّغ.

22 أيث-كورينث 10:5

نتْرزَّا اَوَاڒن ذ كُڒ اَرَّاي إِي ذِي يدْجَا تَّكبُّر إِݣ يتْعَارَّاضن إِ مِين نسّن خ أَربِّـي. نْحبّس كُڒ لْفِكْرَا حمَا اَتَاف اَذ تْطَاع إِ لْمَسِيح.

22 أيث-كورينث 13:14

أَرْضَا ن سِيذِيثْنغ عِيْسَى لْمَسِيح ذ ڒمْحِبّث ن أَربِّـي ذ ومْعَشَار ن أَرُّوْح يقدّْسن اَكِذْوم يِيڒِي مَارَّا. آمِين.

أيث-كولوس 3:12

إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر.

2 أيث-سلونيك 2:13

فَا آي أَيثْمَا إِي خف يعِيزّ سِيذِيثْنغ، لَابُد أَ نْشكَّر أَربِّـي خَاوم مِينْزِي يخْضَر-يكنِّيو ذ يمزْوُوْرَا نِّي يعْنِي ذ يِنِّي إِي تْوَاسْنجْمن س ڒْخذْمث نِّي يسِّيصْفَان ن أَرُّوْح يقدّْسن ذ يِجّن تِّقث نْوم ذِي لْحَقِيقَا.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

يعيبرانيين 11:28

س لْإِيمَان يكَّر نتَّا يݣَّا ڒْعِيذ اَمقّْرَان يرُوْشّ ثِوُّوْرَا س يذَامّن ن ڒْعِيذ حمَا عَزْڒَاين وَار ينقّ شَا يمنْزَا ن أَيثْ-إِسْرَائِيل.

يعيبرانيين 12:24

ثْقَارّْبم-د غَار عِيْسَى ونِّي يتْشَفَاعن ذَايْنغ س يِجّن ن ڒْعَهذ ذ جْذِيذ. ثْقَارّْبم-د كنِّيو غَار يذَامّن نّس يتْوَارُوْشّن إِي قَّارن يجّن ن وَاوَاڒ حْسن زݣ ونِّي ن نَّبِي هَابِيل.

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.

1 بطرس 1:14

إِڒِيم اَم ثَارْوَا يتْطَاعَان، وَار ذفَّارث شَا شّهَاوَاث نِّي ثِعفَّانِين ثِنِّي إِي ذِي تُوْغَا تْعِيشم ذِي ڒقْفَاڒث نْوم يعْذُوْن.

1 بطرس 1:19

لَّا، ئِسُّوْفغ-يكنِّيو-د س يذَامّن نِّي إِي يغْڒَان س وَاطَّاس ن لْمَسِيح يعْنِي يزْمَار نِّي يدْجَان بْڒَا ڒْعِيب بْڒَا ڒوْسخ.

1 بطرس 1:20

أُو نتَّا يتْوَاخْضَر قْبڒ مَا د تْوَاخْڒق دُّنشْت-أَ، وَلَكِن يسْمظْهَار-يث-يذ أَربِّـي ذِي زْمَان-أَ اَنݣَّارُو خ سَّبَاب نْوم.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

2 بطرس 1:2

أَذَايْوم يمَارْنِي اَرْضَا ذ ڒهْنَا س وَاطَّاس مِينْزِي ثسّْنم أَربِّـي ذ سِيذِيثْنغ عِيْسَى.

2 يوحنا 1:1

نش ذ اَمْغَار، تَارِيغ ثَبْرَات-أَ إِ ثمْغَارْث يتْوَاخْضَرن ذ ثَارْوَا نّس إِي تخْسغ ذِي لْحَقِيقَا. مَاشِي ذ نش وَاهَا إِي ثن يتخْسن؛ لَّا، تخْسن-ثن قَاع يِنِّي يسّْنن لْحَقِيقَا.

2 يوحنا 1:13

تْسَاوَّاضن-اَوم-د سْڒَام ثَارْوَا ن وُوْتْشْمَام يتْوَاخْضَرن.

ثبرات زي يهوذا 1:2

أَذَايْوم ثْمَارْنِي اَرَّاحْمث ذ ڒهْنَا ذ ڒمْحِبّث س وَاطَّاس.