1 بطرس 1:18 - ثريفيث 2020

¹⁸ أَقَا ثسّْنم كنِّيو س يِجّن ن لْفِدْيَا أَربِّـي يسُّوْفغ-يكنِّيو-د زݣ يِجّن ن ثُوْذَارْث ثخْوَا إِي ذَاوم يمُّوْشن زِي ڒجْذُوْذ نْوم، وَلَكِن لْفِدْيَا-يَا إِي خَاوم يخدْجس مَاشِي ذ شَان ن ڒْحَاجث اَم دّْهب نِغ اَم نُّقَارْث إِݣ يفنَّان.

1 بطرس 1:18 ပူးပေါင်းရင်းမြစ်များ

مرقس 8:37

شُوْف، بْنَاذم وَار يزمَّر اَذ يبدّڒ وَالُو ذݣ ومْشَان ن ڒَعْمَر نّس.

أيث-روما 1:21

وَاخَّا نِثْنِي تُوْغَا سّْنن أَربِّـي، وَلَكِن وَار ث حمِّيذن شَا وَار ث ثْشكَّرن شَا مَامّش يتْخصَّا اَذ ݣّن اَك أَربِّـي. لْأَفْكَار نْسن ذوْڒنْت خْوَانْت، ؤُڒَاون نْسن ذ يبُوْهَاڒِيْين ذوْڒن ذ ثَادْجسْت.

1 أيث-كورينث 3:20

ئِقَّار عَاوذ: <سِيذِي أَربِّـي يسّن لْأَفْكَار ن يمِيغِيسن وَار نفّْعنْت شَا.>

1 أيث-كورينث 6:20

مِينْزِي تْوَاسْغم كنِيو س يِجّن ن تَّمَن. فَلِهَاذَا، سمْغَارث أَربِّـي س دَّات نْوم.

1 أيث-كورينث 7:23

صَافِي، يسْغِي-كنِّيو س يِجّن ن تَّمَن، وَار تَارَّام شَا يخف نْوم ذ يسمْغَان ن بْنَاذم.

أيث-ݣلاطيا 1:4

لْمَسِيح يصدّق يخف نّس خ ڒْمُعْصِيّث نّغ س ڒْخَاضَر ن أَربِّـي بَابَاثْنغ حمَا اَذَانغ يسنْجم زِي زْمَان-أَ اَعفَّان إِي ذِي ندْجَا.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 9:12

يُوْذف يجّن ن ثْوَاڒَا أُو صَافِي غَار وخَّام اَمْقدّس اَطَّاس. نتَّا وَار يُوْذِيف شَا س يذَامّن ن يغَايْذن نِغ ذ ئِينْدُوْزن؛ لَّا، يُوْذف س يذَامّن نّس نِّيث يخدْجس خَانغ لْفِدْيَا بَاش أَ ننْجم إِ ڒبْدَا.

1 بطرس 1:7

ڒمْحَاين-أَ ؤُسِينْت-يد بَاش اَذ د سْمظْهَارنْت إِلَّا لْإِيمَان نْوم نتَّا اَقَاث ذ صَّح؛ نتَّا يسوَّا كْتَار زِي دّْهب إِݣ يفنَّان وَاخَّا يتْوَاسِّيصْفَا ذِي ثْمسِّي. حمَا لْإِيمَان نْوم اَث شكَّرن اَذَايس يِيڒِي شَّان ذ لْقِيمَا خْمِي د غَا يمظْهَار عِيْسَى لْمَسِيح.

1 بطرس 4:3

إِيوَا صَافِي، ثجِّيْوْنم زِي مِين تُوْغَا تْعِيشم عْلَاحْسَاب مِين رزُّوْن اَذ ݣّن لْكُفَّار يعْنِي ڒقْبَاحث ذ شّهَاوَاث ثِعفَّانِين ذ وَاطَّاس ن شّْرب ذ لْفَسَاد ذ زّْهُو ذ لْعِبَادَا ن لْأَصْنَام يعِيفّن.

1 يوحنا 3:5

أَقَا ثسّْنم بلِّي عِيْسَى لْمَسِيح نتَّا يمظْهَار-د بَاش اَخَانغ يكّس ڒْمُعْصِيَاث. أُو ڒْمُعْصِيّث نتَّا وَار ذَايس ثدْجِي شَا.