1 بطرس 1:15 - ثريفيث 2020

¹⁵ لَّا، ئِتْخصَّا اَذ تِيڒِيم ثصْفَام ذِي مَارَّا مِين تݣّم اَم مَامّش يصْفَا أَربِّـي ونِّي إِي ذَاوم د يڒَاغَان.

1 بطرس 1:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:48

إِڒِيث نِيشَان قَاع، أَمشْنَاو مَامش يدْجَا بَابَاثْوم ذݣ وجنَّا.

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 3:14

تْحَاوَاڒغ خ مَانَاينِّي إِي خف رزُّوْغ بَاش اَذ ربْحغ لْجَائِزَا نِّي إِي زِي ذَايِي د يڒَاغَا أَربِّـي غَارس غَار وجنَّا س عِيْسَى لْمَسِيح.

أيث-فيليـپـي 3:20

نشِّين لَّا، لْجِنْسِيَا نّغ اَقَات ذݣ وجنَّا. سّنِّي إِي د غَا يَاس ونِّي إِي نتْرَاجَا إِي ذَانغ غَا يسْنجْمن يعْنِي سِيذِيثْنغ عِيْسَى لْمَسِيح.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

1 تيموتاوس 4:12

وَار تجَّا حَدّ اَش يسحْقَر عْلَاحْسَاب ثمْࢲِي نّش. لَّا، شك لَابُد اَذَاسن تِيڒِيذ إِ ڒْمُوْمِنِين ذ لْمِثَال عْلَاحْسَاب اَوَاڒن نّش ذ ثِيشْرِي نّش ذ ڒمْحِبّث نّش ذ لْإِيمَان ذ ڒصْفِيّث.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

ثبرات غار تيتوس 3:14

ئِوْذَان نّغ يتْخصَّا وَار تْعِيشن شَا بْڒَا نّْفَع، ئِتْخصَّا اَذ طوّْعن يخف نْسن س لْحَسَانَاث حمَا اَذ دبَّرن إِ يِيْنَا يتحْذَاجَان.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

يعيبرانيين 13:5

أَذ تْعِيشم بْڒَا مَا ٱذ تْحِبّم تْمنْيَاث، أَذ تْقنْعم س مِين غَارْوم. أَربِّـي س يِيخف نّس ينَّا قَا عمَّارْص اَش جّغ، عمَّارْص اَذَايك سمْحغ.

ثبرات غار يعقوب 3:13

مَا ٱكِذْوم ونِّي إِي ذِي ثدْجَا ڒفْهَامث ذ ثُوْسْنَا؟ ئِتْخصَّا-يَاس اَذ د يسْمظْهَار مَانَايَا س مَامّش يتْعِيش س لْمَعْقُوْل ذ لْحَسَانَاث نّس إِݣ يتݣّ اَك يِجّن ن تَّوَاضُع إِي د يتَاسن س ڒفْهَامث.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

1 بطرس 3:16

ذ يِجّن ن ضَّمِير مرْتَاح. أَمُّو يِنِّي خَاوم يقَّارن ڒْبَاطڒ اَتَاف اَذ سذْحَان س ثِيْشْرِي نْوم ثَصبْحَانْت إِي خَاوم تْعيَّابن نِثْنِي.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

1 يوحنا 3:3

أُو مَارَّا ونِّي غَار يدْجَا لْأَمَال-أَ اَذ يسِّيصْفَا يخف نّس اَم مَامّش يدْجَا نتَّا يصْفَا.

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش:

لواحي ن يوحنا 4:8

كُڒ يجّن زِي لْمخْلُوقَاث-أَ غَارس ستَّا ن وَافْرِيون، كُڒ اَفْرِيو يشُّوْر س ثِيطَّاوِين خ جِّهتَاين. قَّارن دْجِيڒث ذ نْهَار بْڒَا مَا ٱذ بدّن: "مشْحَاڒ عَظِيم، عَظِيم، عَظِيم، سِيذِي أَربِّـي يزمَّرن إِ كُڒْشِي. نتَّا ذ ونِّي إِي تُوْغَا يدْجَان، ذ ونِّي إِي يدْجَان، ذ ونِّي عَاذ إِي د غَا يَاسن."

لواحي ن يوحنا 6:10

سْنكَّرن ثْغُويِّيث س جّْهذ نَّان: "يَا مَوْلَانَا يَا ونِّي عَظِيم يدْجَان ذ ڒْحَقّ، مشْحَاڒ غَا ثكّذ وَار تْحِيْسِيْبذ يمزْذَاغ ن دُّنشْت-أَ، أَثن ثْعَاقْبذ خ يذَامّن نّغ؟"