1 بطرس 1:13 - ثريفيث 2020

¹³ إِذن، سْوجْذم ڒَعْقُوْرَاث نْوم بَاش اَذ تْخذْمم. أَرّم-د ڒْبَاڒ نْوم. ݣّم لْأَمَال نْوم غِير ذِي اَرْضَا ن وسنْجم نِّي إِي ذَاوم د غَا يمُّوْشن خْمِي د غَا يمظْهَار عِيْسَى لْمَسِيح.

1 بطرس 1:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:4

ينَّا-ٱسن: رُوْحم ؤُڒَا ذ كنِّيو غَار ومَرْجع ينُو، أَتَاف اَذَاوم خدْجْسغ مِين ثسْذَاهدْجم.

لوقا 12:35

إِڒِيم ثوْجْذم ݣفّْضم، أَذ يڒِين ڒقْنَاذڒ نْوم شَعّْڒن.

لوقا 17:30

أَمنِّي إِي غَا يوقْعن ذِي نْهَار نِّي إِي ذِي د غَا يمظْهَار مِّيس ن بْنَاذم.

لوقا 17:8

لَّا، أَذَاس ثِينِيذ سوْجذ-اَيِي-د مِين غَا شّغ. ݣفّض، سخَّار خَافِي اَڒ غَا شّغ اَذ سْوغ. عَاذ ڒخْدّنِّي إِي غَا ثشّذ شك اَذ تسْوذ.

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

أيث-روما 8:19

أَقَا مَارَّا مِين د يتْوَاخڒْقن ذَايْسن مزْڒِي ذ اَمقّْرَان تْرَاجَان اَذ ࢲرن ثْسَعَّات نِّي إِي ذِي د غَا بَانن ثَارْوَا ن أَربِّـي.

1 أيث-كورينث 1:7

س مَانَايَا وَار ذَاوم ثْنقِّيص ؤُڒَا ذ يجّن ن لْقُدْرَا رُوْحِيَا خْمِي تْرَاجَام اَذ د يمظْهَار سِيذِيثْنغ عِيْسَى لْمَسِيح.

1 أيث-كورينث 13:13

أَقَاثن ڒخُّو قِّيمن ثْڒَاثَا-يَا: لْإِيمَان ذ لْأَمَال ذ ڒمْحِبّث يِيْنَا. مَاشَا زِي يِيْنَا ڒمْحِبّث ثُوْعْڒَا.

أيث-ؤفسوس 6:14

بدّم بَعْدَا نِيشَان، حزّْمم اَحزَّام نِّي ن لْحَقِيقَا إِي تݣّم ذِي نّصّ. ݣّم عَاوذ ثْجِيلِيت نِّي ن ڒحْذِيذ ن ڒْحَقّ.

أيث-كولوس 3:4

خْمِي د غَا يمظْهَار لْمَسِيح يعْنِي ونِّي يدْجَان ذ ثُوْذَارْث نْوم، ڒخْدّنِّي اَكِذس تْمظْهَارم ؤُڒَا ذ كنِّيو ذِي لْعَظَمَا.

2 أيث-سلونيك 1:7

أَذَاوم يُوْش اَرَّاحث اَكِذْنغ كنِّيو يتْوَامحَّانن. مَانَايَا اَذ يِيڒِي خْمِي د غَا يمظْهَار سِيذِيثْنغ عِيْسَى زݣ وجنَّا ذݣ يِجّن ن ثْمسِّي ثْحدّق، أَكِذس د مظْهَارنْت لْمَلَائِكَاث نّس يجهْذن.

2 تيموتاوس 4:5

شك اَرّ-د ڒْبَاڒ نّش ذِي مَارَّا ثِمسْڒَايِين، صْبَر إِ تَمَارَا، اݣّ ڒْخذْمث اَم ونِّي يتْبشَّارن، اݣّ لْوَاجِب ن ڒْخذْمث نّش.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

يعيبرانيين 10:35

إِذن ٱجّث تِّقث نْوم، نتَّاث اَذَاوم د ثَاوِي يجّن ن لْأَجَر يمْغَر.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

يعيبرانيين 6:19

لْأَمَال-أَ يتِيڒِي غَارْنغ اَم يِجّن ن ؤُڒِيزِيم ن وغَرَّابُو ن ڒَعْمَار نّغ، يرْسق س جّْهذ وَار يضدْجق. يُوْذف لْأَمَال-أَ يعْذُو غَار ذفَّار ن اَرّْوَاق ن وخَّام اَمْقدّس اَطَّاس.

يعيبرانيين 9:28

أَمُّو لْمَسِيح، يتْوَاقدّم ذ دْبِيحث يجّن ن ثْوَاڒَا بَاش اَذ يَارْبُو ڒْمُعْصِيَاث ن وَاطَّاس ن يِوْذَان. ثُمَّا اَذ د يهْوَا وِيس مَرّْثَاين. مَايمِّي؟ مَاشِي عْلَاحْسَاب ڒْمُعْصِيّث ن يِوْذَان عَاوذ؛ لَّا، أَذ د يهْوَا بَاش اَذ يسنْجم يِنِّي إِي ث يتْرَاجَان.

1 بطرس 1:10

خ وسنْجم-أَ وَانِيتَا سِّيوْڒن خَاس لْأَنْبِيَا، يعْنِي اَرْضَا نِّي إِي تُوْغَا ذَاوم د غَا يمظْهَارن. نِثْنِي رزُّوْن خَاس مْلِيح تْفتَّاشن خَاس اَطَّاس.

1 بطرس 3:15

لَّا، سمْغَارث لْمَسِيح ذݣ وُوْڒَاون نْوم اَرّم-ث ذ سِيذِيثْوم. إِڒِيث ڒبْدَا ثْوجْذم بَاش اَذ تْدَافْعم خ يِيخف نْوم اَذ تْجَاوْبم ونِّي يرزُّوْن خ سَّبَاب ن لْأَمَال إِي ذَايْوم. وَلَكِن جَاوْبم-ث س يِجّن ن تَّوَاضُع ذ لْإِحْتِرَام

1 بطرس 4:7

أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.

1 بطرس 5:12

ؤُرِيغ-اَوم-د ثَبْرَات-أَ ثَمزْيَانْت خ ؤُفُوْس ن سِيْلْوَان حسّْبغ-ث نش اَم ؤُمَاثْنغ ذَايس تِّقث. تْشجَّاعغ-كنِّيو، شهّْذغ مِين قَّارغ مَانَايَا ذ اَرْضَا ن أَربِّـي ذ صَّح. بدّم ذَايس نِيْشَان.

1 بطرس 5:8

أَرّم-د ڒْبَاڒ نْوم، إِڒِيث عْلَابَال. ڒَعْذُو نْوم إِبْڒِيس قَا يتْقيَّاذ-كنِّيو اَم سّْبَاع يتْهِيرِّيو يرزُّو خ ونِّي إِي غَا يسغْڒِي.

1 يوحنا 3:3

أُو مَارَّا ونِّي غَار يدْجَا لْأَمَال-أَ اَذ يسِّيصْفَا يخف نّس اَم مَامّش يدْجَا نتَّا يصْفَا.