1 يوحنا 5:18 - ثريفيث 2020

¹⁸ نشِّين نسّن بلِّي مَارَّا ونِّي د يخڒْقن زِي أَربِّـي وَار يقِّيم شَا يسْخدَّام ڒْمُعْصِيَاث. مِّيس إِي د يخڒْقن زِي أَربِّـي يحطَّا-ث، وَار ث يتْضَرِّي شَا لْمُفْسِيد.

1 يوحنا 5:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:37

أَذ يِيڒِي وَاوَاڒ نْوم: وَاه نِغ لَّا. مَارَّا مِين غَا ثِينِيم ذ زّْيَادَا، أَتَاف اَࢲْور نّس زِي شِّيطَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

يوحنا 1:13

يِيْنَا وَار د خْڒِيقن شَا عْلَاحْسَاب دُّوْرِّيث ؤُڒَا عْلَاحْسَاب مِين تخْس دَّات ؤُڒَا عْلَاحْسَاب ڒْخَاضَر ن ورْيَاز؛ لَّا، ذ أَربِّـي إِي ثن د يجِّين.

يوحنا 14:30

وَار كِذْوم سِّيوِيرغ شَا نش عَاذ اَطَّاس مِينْزِي لْمُفْسِيد نِّي اَمقّْرَان ن دُّنشْت-أَ يتَاس-د. وَار غَارس بُو ثْزمَّار خَافِي.

يوحنا 15:4

قِّيمث ذَايِي، نش اَذ قِّيمغ ذَايْوم. أَمشْنَاو اَكشُّوْض نِّي وَار يزمَّر اَذ يَارو يزكُّوْنن زݣ يِيخف نّس إِلَّا مڒَا يقِّيم ذِي ثْزَايَارْث، ؤُڒَا ذ كنِّيو وَار ثْزمَّرم شَا إِلَّا مڒَا ثقِّيمم ذَايِي.

يوحنا 15:7

مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

يوحنا 15:9

نش تْحِبِّيغ-كنِّيو اَمشْنَاو مَامش ذَايِي يتْحِبَّا بَابَا. إِڒِيث ذِي ڒمْحِبّث ينُو.

ڒخذايم 11:23

وَامِي د يُوْوض، يُوْفَا مَامّش ثن يبَرك أَربِّـي. ئِفَرح يبْذَا يتْشجَّاع-يثن مَارَّا بَاش اَذ قِّيمن ذݣ وبْرِيذ ن سِيذِيثْنغ س مَارَّا وُوْڒَاون نْسن.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

ثبرات غار يعقوب 1:27

دِّين يصْفَان إِي ينْقَان غَار أَربِّـي بَابَاثْنغ مِين يعْنَا؟ يعْنِي بْنَاذم يتْرَاح غَار يُوْجِيڒن ذ ثَاجَّاڒِين اَثن يعَاون ذݣ وزيَّار نْسن، أَذ يحْضَا يخف نّس حمَا وَار ث تْوسِّيخ شَا دُّنشْت-أَ.

1 بطرس 1:23

أَقَا تْوَاخڒْقم-د ذ جْذِيذ مَاشِي زݣ يِجّن ن زَّرِّيعث يفنَّان؛ لَّا، ثنِّي وَار يفنِّين شَا عمَّارْص، س وَاوَاڒ ن أَربِّـي يدَّرن يتْدُوْمَّان.

1 يوحنا 2:29

خْمِي غَا ثسّْنم بلِّي نتَّا نِيْشَان إِݣ يدْجَا، أَتَاف اَذَايْوم ثِيڒِي تِّقث بلِّي بْنَاذم إِݣ يسْخدَّامن مِين يدْجَان نِيْشَان نتَّا يخْڒق-د زَّايس.

1 يوحنا 3:12

مَاشِي أَ نِيڒِي اَم قَبِيل يدْجَان زِي لْمُفْسِيد نِّي يرُوْح ينْغَا ؤُمَاس. مَايمِّي إِي ث ينْغَا؟ ڒَاحقَّاش ڒخْذَايم نّس نتَّا ذ ثِعفَّانِين، ڒخْذَايم ن وُوْمَاس ذ ثِصبْحَانِين.

1 يوحنا 3:3

أُو مَارَّا ونِّي غَار يدْجَا لْأَمَال-أَ اَذ يسِّيصْفَا يخف نّس اَم مَامّش يدْجَا نتَّا يصْفَا.

1 يوحنا 3:9

ونِّي د يخڒْقن زِي أَربِّـي وَار يقِّيم شَا يسْخدَّام ڒْمُعْصِيَاث ڒَاحقَّاش ثَقُّوْشْت ن أَربِّـي ثْزدّغ ذَايس. وَار يزمَّر شَا اَذ يقِّيم ذِي ڒْمُعْصِيَاث ڒَاحقَّاش يخْڒق-د زِي أَربِّـي.

1 يوحنا 4:6

نشِّين زِي أَربِّـي إِي ندْجَا. ونِّي يسّْنن أَربِّـي يتْصنَّاط-اَنغ. ونِّي وَار يدْجِين شَا زِي أَربِّـي وَار ذَانغ يتْصنِّيط شَا. س مَانَايَا إِي غَا نسّن أَرُّوْح ن لْحَقِيقَا ذ اَرُّوْح ن يخَرِّيقن.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.

1 يوحنا 5:15

مڒَا نشِّين نسّن بلِّي يتْسْڒَا غَارْنغ قَاع ثِمسْڒَايِين نِّي إِي ذَاس نْتتَّار اَتَاف أَ نسّن بلِّي مِين ذَاس غَا نتَّار اَذَانغ ث يُوْش.

1 يوحنا 5:19

نسّن إِلَّا نشِّين زِي أَربِّـي، نسّن عَاوذ مَارَّا دُّنشْت-أَ اَقَات سْوَادَّاي إِ ثْزمَّار ن لْمُفْسِيد.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

1 يوحنا 5:21

آ يحنْجِيرن، حْضَام يخف نْوم زِي لْأَصْنَام.

1 يوحنا 5:4

أَقَا مَارَّا ونِّي إِي د يخڒْقن زِي أَربِّـي اَذ يغْڒب خ دُّنشْت-أَ. ذ وَا ذ اَغْڒَاب إِي زِي نغْڒب خ دُّنشْت-أَ يعْنِي لْإِيمَان نّغ.

ثبرات زي يهوذا 1:21

ئِتْخصَّا اَذ تقِّيمم ذِي ڒمْحِبّث ن أَربِّـي اَذ تْرَاجَام اَرَّاحْمث نِّي ن سِيذِيثْنغ عِيْسَى لْمَسِيح ثنِّي إِي كنِّيو يتَاوِين غَار ثُوْذَارْث نِّي وَار يفنِّين شَا عمَّارْص.

ثبرات زي يهوذا 1:24

فَا ونِّي يزمَّرن اَكنِّيو يحْضَا بَاش وَار تنْذْڒِيفم شَا، ئِزمَّر عَاوذ اَكنِّيو يقدّم غَار زَّاث نّس لْعَظِيم اَذ تِيڒِيم بْڒَا ڒْعِيب اَغَارْوم ثِيڒِي يجّن ن ڒفْرَاحث ذ ثَمقّْرَانْت،

لواحي ن يوحنا 2:13

نش سّْنغ مَانِي ثْزدّْغذ، ذِنِّي لْعَرْش ن شِّيطَان. شك تطّْفذ ذݣ يِيسم ينُو. وَار ثنْكَرذ شَا لْإِيْمَان إِي زَّايِي ثݣِّيذ، وَاخَّا ذݣ وُوْسَّان نِّي إِي ذِي نْغِين يجّن ن شَّهِيذ ينُو ذَايس ڒَامَان قَّارن-اَس أَنْتِپَـاس. نْغِين-ث زَّاثْوم مَانِي يزدّغ شِّيطَان.