1 يوحنا 5:11 - ثريفيث 2020

¹¹ ذ ثَانِيتَا ذ شْهَاذث-أَ يعْنِي أَربِّـي يُوْشَا-ٱنغ-د ثُوْذَارْث ن ڒبْدَا، ثُوْذَارْث-أَ اَقَات ذِي مِّيس.

1 يوحنا 5:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

يوحنا 1:19

ذ ثَا ذ شْهَاذث ن يَحْيَى وَامِي غَارس د سّكّن يسْرَائِيلِيْين شَان ن ڒْفُقَهَا ذ شَان ن شُّرْفَا ن أَيْث-لَاوِي زِي ثنْدِينْت ن لْقُدْس حمَا اَث سّقْسَان نَّان-اَس مِين ثعْنِيذ شك؟

يوحنا 1:4

ذَايس إِي ثدْجَا ثُوْذَارْث، أُو ثُوْذَارْث نِّي نتَّاث ذ نُّوْر إِ يِوْذَان.

يوحنا 10:28

تِيشّغ-اَسن ثُوْذَارْث ن ڒبْدَا عمَّارْص وَار فنِّين شَا، وَار ثن يخطّف ؤُڒَا ذ يجّن زݣ وفُوْس ينُو.

يوحنا 12:50

سّْنغ ڒُوْصِيّث نّس نتَّاث ذ ثُوْذَارْث ن ڒبْدَا. مِين سَّاوَاڒغ نش، سَّاوَاڒغ-ث عْلَاحْسَاب مَامّش إِي ذَايِي ينَّا بَابَا."

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 19:35

ونِّي يࢲْرِين مَانَاينِّي يشْهذ خَاس، أُو مِين يشْهذ نِيشَان إِي يدْجَا. ئِسّن بلِّي مِين يقَّار ذ لْحَقِيقَا أُو يشهّذ بَاش اَزَّايس ثَامْنم ؤُڒَا ذ كنِّيو.

يوحنا 3:36

ونِّي يتَامْنن زِي مِّيس اَتَاف غَارس ثُوْذَارْث ن ڒبْدَا. ونِّي وَار يتْطِيعِين شَا إِ مِّيس، أَتَاف وَار غَارس بُو ثُوْذَارْث اَخَاس يغْضب أَربِّـي."

يوحنا 4:36

ونِّي يمجَّارن اَذ ييْسِي تخْڒِيسث نّس يجمّع ثَفدْجَاحْث إِ ثُوذَارْث ن ڒبْدَا، حمَا اَذ مُوْنن ذِي ڒفْرَاحث نْسن يِنِّي يزَرّْعن ذ يِنِّي يمجَّارن.

يوحنا 4:4

ئِتْخصَّا-يَاس إِ نتَّا اَذ يكّ خ ثْمُوْرْث ن سَمَارْيَا.

يوحنا 5:21

مَامّش د يسْنكَّر بَابَاس يِنِّي يمُّوْثن يتِيشّ-اَسن ثُوْذَارْث، ؤُڒَا ذ مِّيس يتِيشّ-اَسن ثُوْذَارْث إِ يِنِّي يخس.

يوحنا 5:26

أَم بَابَاس غَارس ثُوْذَارْث ذݣ يِيخف نّس، أَمُّو إِي ذَاس يُوْشَا إِ مِّيس اَغَارس ثِيڒِي ثُوْذَارْث ذݣ يِيخف نّس.

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

يوحنا 6:47

أَقَا تسْڒَام ڒْحَقّ: ونِّي إِي غَا يَامْنن اَغَارس ثِيڒِي ثُوْذَارْث ن ڒبْدَا.

يوحنا 6:68

ينَّا-ٱس سِمْعَان بُطْرُس: "آ سِيذِي، مِين يعْنَا ونِّي مَانِي غَا نْرَاح؟ شك غَارك اَوَاڒن ن ثُوْذَارْث ن ڒبْدَا.

أيث-روما 5:21

أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

1 تيموتاوس 1:16

وَامِي نش ذ لْعَاصِي ذ اَمقّْرَان خَاسن مَارَّا يسظْهَار-اَيِي-د أَربِّـي اَرَّحْمث نّس بَاش عِيْسَى لْمَسِيح اَزَّايِي د يسْمظْهَار مَارَّا صْبَار نّس اَذ يِيڒِي مَانَايَا ذ يجّن ن لْمِثَال إِ يِنِّي إِي زَّايس غَا يَامْنن اَغَارْسن ثِيڒِي ثُوْذَارْث ن ڒبْدَا.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

1 يوحنا 2:25

مِينْزِي ذَانغ يوْعذ؟ ئِوْعذ-اَنغ س ثُوْذَارْث ن ڒبْدَا ن ڒبْدَاث.

1 يوحنا 4:10

س مَانَاينِّي مِينْزِي ذَاس قَّارن ڒمْحِبّث. مَاشِي ذ نشِّين إِي يخْسن أَربِّـي، ذ نتَّا إِي ذَانغ يخْسن وَامِي د يسّكّ مِّيس اَذ يِيڒِي ذ لْفِدْيَا خ ڒْمُعْصِيَاث نّغ.

1 يوحنا 4:9

أَمُّو إِي د ثْمظْهَار ڒمْحِبّث ن أَربِّـي جَارَانغ وَامِي د يسّكّ مِّيس اَوحْذَانِي غَار دُّنشْت-أَ حمَا اَزَّايس ندَّر.

1 يوحنا 5:10

ونِّي غَا يَامْنن زِي مِّيس ن أَربِّـي اَتَاف اَغَارس ثِيڒِي شْهَاذث-أَ ذݣ وُوْڒ نّس. ونِّي وَار يُوْمِينن شَا زِي شْهَاذث-أَ ن أَربِّـي اَتَاف اَث يَارّ ذ بُو-يخَرِّيقن وَاهَا ڒَاحقَّاش نتَّا وَار يُوْمِين شَا زِي شْهَاذث-أَ إِݣ يشْهذ عْلَاحْسَاب مِّيس.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

1 يوحنا 5:7

أَقَا ذِنِّي ثْڒَاثَا إِݣ يشهّْذن، ثْڒَاثَا-يَا ذ أَرُّوْح ذ وَامَان ذ يذَامّن. ثْڒَاثَا-يَا ذ يجّن.

3 يوحنا 1:12

أَمَّا دِيمِيتْرِيُوْس شهّْذن خَاس مْلِيح قَاع يوْذَان وَاخَّا ؤُڒَا ذ لْحَقِيقَا ثْشهّذ خَاس س يِيخف نّس. أَخَاس نَرْنِي وَاخَّا ذ شْهَاذث نّغ أُو كنِّيو ثسّْنم بلِّي شْهَاذث نّغ نشِّين ذ صَّح.

ثبرات زي يهوذا 1:21

ئِتْخصَّا اَذ تقِّيمم ذِي ڒمْحِبّث ن أَربِّـي اَذ تْرَاجَام اَرَّاحْمث نِّي ن سِيذِيثْنغ عِيْسَى لْمَسِيح ثنِّي إِي كنِّيو يتَاوِين غَار ثُوْذَارْث نِّي وَار يفنِّين شَا عمَّارْص.

لواحي ن يوحنا 1:2

أُو نتَّا ذ شَّاهد خ مَارَّا مِين يࢲْرَا، يعْنِي خ وَاوَاڒ ن أَربِّـي ذ مِين خف يشْهذ عِيْسَى لْمَسِيح.

لواحي ن يوحنا 22:1

ئِسْمظْهَار-اَيي-د لْمَلَاك نِّي يغْزَار ن وَامَان ن ثُوْذَارْث صْفَان اَم جَّاج، ئِتفّغ-د زِي لْعَرْش ن أَربِّـي ذ يِزْمَار