1 يوحنا 5:10 - ثريفيث 2020

¹⁰ ونِّي غَا يَامْنن زِي مِّيس ن أَربِّـي اَتَاف اَغَارس ثِيڒِي شْهَاذث-أَ ذݣ وُوْڒ نّس. ونِّي وَار يُوْمِينن شَا زِي شْهَاذث-أَ ن أَربِّـي اَتَاف اَث يَارّ ذ بُو-يخَرِّيقن وَاهَا ڒَاحقَّاش نتَّا وَار يُوْمِين شَا زِي شْهَاذث-أَ إِݣ يشْهذ عْلَاحْسَاب مِّيس.

1 يوحنا 5:10 ပူးပေါင်းရင်းမြစ်များ

يوحنا 3:16

وَامِي يحِبّ أَربِّـي دُّنشْت-أَ، ئِهْذَا-يَاس مِّيس أَوحْذَانِي حمَا ونِّي زَّايس غَا يَامْنن وَار يفنِّي شَا اَغَارس ثِيڒِي ثُوْذَارْث ن ڒبْدَا.

يوحنا 3:18

ونِّي زَّايس يتَامْنن اَتَاف وَار يتْوَاحَاسِيب شَا. ونِّي وَار زَّايس يتِيمْنن شَا اَقَا يتْوَاحَاسَاب مِينْزِي نتَّا وَار يُوْمِين شَا زݣ يِيسم ن مِّيس ن أَربِّـي اَوحْذَانِي.

يوحنا 3:33

ونِّي يقبّْڒن شْهَاذث نّس، أَتَاف يتْحَقّق بلِّي أَربِّـي ذ لْحَقِيقَا إِݣ يدْجَا.

يوحنا 5:38

أَوَاڒ نّس وَار ذَايوم يتْغِيمِي شَا مِينْزِي ونِّي إِي ثِيد يسّكّن وَار زَّايس تِيمْنم شَا.

ڒخذايم 8:37

{ينَّا-ٱس فِيلِيپَّـاس: "شك مڒَا ثُوْمْنذ س مَارَّا ؤُڒ نّش قَا ثْزمَّرذ اَذ تْوَاطهَّارذ س وَامَان-أَ." يَارَّا خَاس ينَّا-ٱس: "وَاه، نش تَامْنغ بلِّي عِيْسَى لْمَسِيح نتَّا ذ مِّيس ن أَربِّـي."}

أيث-روما 8:16

يعْنِي اَرُّوْح ن أَربِّـي س يِيخف نّس إِݣ يصَّاحن ذِي اَرُّوْح نّغ بلِّي نشِّين ذ ثَارْوَا ن أَربِّـي.

أيث-ݣلاطيا 4:1

إِيوَا، مِين خْسغ اَذَاوم ينِيغ؟ ونِّي إِي غَا يوَارْثن شَان ثْمسْڒَايْث نتَّا عَاذ ذ اَمزْيَان، ئِتْوَاحْسَاب نتَّا اَم يجّن ن يِسْمغ وَاخَّا اَتَاف نتَّا ذ بَاب ن كُڒْشِي.

أيث-ݣلاطيا 4:6

وَامِي ثْذوْڒم كنِّيو ذ ثَارْوَا ن أَربِّـي، ئِسّكّ-د أَرُّوْح ن مِّيس يُوْذف ذݣ وُوْڒَاون نّغ غَار ذَاخڒ يتْڒَاغَا يقَّار، آ بَابَا آ بَابَا ينُو!

أيث-كولوس 3:3

مِينْزِي زَعْمَا كنِّيو ثمُّوْثم، ثُوْذَارْث نْوم اَقَا ثْنُوْفَّر اَك لْمَسِيح ذِي أَربِّـي.

يعيبرانيين 3:12

آي اَيثْمَا، حْضَام يخف نْوم بَاش ؤُڒَا ذ يجّن زَّايْوم وَار غَارس يتِيڒِي وُوْڒ ذ اَبرْشَان نِغ وَار ذَايس يتِيڒِي بُو لْإِيمَان بَاش وَار يتْبعِّيذ شَا نتَّا خ أَربِّـي يدَّرن.

2 بطرس 1:19

نشِّين ڒخُّو غَارْنغ اَوَاڒن ن لْأَنْبِيَا تْوَاضمّْنن كْتَار زِي مِين نفْهم قْبڒ. أَذ تݣّم مْلِيح مڒَا تݣّم ذَايْسن اَرَّاي نْوم اَم إِ يِجّن ن نُّوْر يتْشعْشِيعن ذݣ يِجّن ن ثَادْجسْت اَڒ د غَا يصْبح نْهَار نِّي اَذ د يݣَعّذ يِيْثْرِي ن ڒفْجَر ذݣ وُوْڒَاون نْوم.

1 يوحنا 1:10

مڒَا نقَّار قَا نشِّين وَار نعْصِي شَا أَربِّـي، أَتَاف نتَّا نْتَارَّا-ث ذ بُو-يخَرِّيقن، أَتَاف اَوَاڒ نّس وَار ذَايْنغ يزدّغ شَا.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.

لواحي ن يوحنا 12:17

ئِغْضب بُو-سبْعَا-يزدْجِيفن خ ثمْغَارْث نِّي يرُوْح اَذ يحَارب س مِين يقِّيمن زِي دُّوْرِّيث نّس، يعْنِي يِنِّي يتݣّن اَرَّاي س ڒُوْصِيَاث ن أَربِّـي تطّْفن خ مِينْخف يشْهذ عِيْسَى.

لواحي ن يوحنا 2:17

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، أَذَاس ؤُشغ اَذ يشّ اَغْرُوْم ن لْمَنَّا ونِّي يتْوَاسْنُوْفّرن. أَذَاس ؤُشغ اَزْرُو ذ اَشمْڒَاڒ يُوْرَا ذَايس يجّن ن يِيسم ذ جْذِيذ وَار ث يسِّين حَدّ إِلَّا ونِّي إِي ث غَا يقبْڒن.

لواحي ن يوحنا 2:28

أَذَاس ؤُشغ يثْرِي ن ڒفْجَر.