1 يوحنا 4:9 - ثريفيث 2020

⁹ أَمُّو إِي د ثْمظْهَار ڒمْحِبّث ن أَربِّـي جَارَانغ وَامِي د يسّكّ مِّيس اَوحْذَانِي غَار دُّنشْت-أَ حمَا اَزَّايس ندَّر.

1 يوحنا 4:9 ပူးပေါင်းရင်းမြစ်များ

مرقس 12:6

ئِقِّيم-اَس ممِّيس يعِيزّن وَاحْذس. غَار ونݣَّارُو يسّكّ-يث غَارْسن ينَّا: أَقَا اَذ ݣّْوْذن ممِّي.

لوقا 4:18

<أَقَا أَرُّوْح ن سِيذِي أَربِّـي اَقَاث خَافِي، ئِخْضَر-اَيِي حمَا اَذ بشَّرغ ڒْمُسَاكِين. ئِسّكّ-اَيِي-د اَذ خْبَرغ لْحُرِّيَا إِ يمحْبَاس، يِنِّي يتْوَاضَرْغْڒن اَثن اَرّغ تْوَاڒَان، يِنِّي يتْوَاضڒْمن اَذَاسن د رْخُوْغ.

يوحنا 10:10

نتَّا اَشفَّار يتَاس-د غِير اَذ يَاشَار اَذ ينغ اَذ يهْذم. نش ؤُسِيغ-د حمَا اَغَارْسن ثِيڒِي ثُوْذَارْث نِّي ن ثُوذَارْث بْڒَا ڒقْيَاس.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 3:16

وَامِي يحِبّ أَربِّـي دُّنشْت-أَ، ئِهْذَا-يَاس مِّيس أَوحْذَانِي حمَا ونِّي زَّايس غَا يَامْنن وَار يفنِّي شَا اَغَارس ثِيڒِي ثُوْذَارْث ن ڒبْدَا.

يوحنا 3:18

ونِّي زَّايس يتَامْنن اَتَاف وَار يتْوَاحَاسِيب شَا. ونِّي وَار زَّايس يتِيمْنن شَا اَقَا يتْوَاحَاسَاب مِينْزِي نتَّا وَار يُوْمِين شَا زݣ يِيسم ن مِّيس ن أَربِّـي اَوحْذَانِي.

يوحنا 5:23

حمَا مَارَّا اَذ كَرْمن مِّيس اَمش تْكَرَّامن بَابَاس. ونِّي وَار يتْكَرِّيمن شَا مِّيس وَار يتْكَرِّيم شَا ؤُڒَا ذ بَابَاس إِي ثِيذ يسّكّن.

يوحنا 6:29

ينَّا-ٱسن عِيْسَى: "ذ ثَا ذ ڒْخذْمث ن أَربِّـي: أَذ تَامْنم زِي ونِّي إِي د يسّكّ نتَّا."

يوحنا 6:51

أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

يوحنا 6:57

مَامّش إِي ذَايِي د يسّكّ بَابَا يدَّرن أُو نش دَّرغ زِي بَابَا، أَمنِّي ونِّي ذَايِي غَا يشّن اَزَّايِي إِي يدَّر.

يوحنا 8:29

ونِّي ذَايِي د يسّكّن اَقَاث اَكِذِي وَار ذَايِي يجِّي بُو وَاحْذِي مِينْزِي نش خدّْمغ ڒبْدَا مِين ذَاس يتعْجِيبن."

يوحنا 8:42

ينَّا-ٱسن عِيْسَى: "لَّا، مَعْلِيك بَابَاثْوم ذ أَربِّـي، أَتَاف تحِبِّيم-اَيِي مِينْزِي نش فّْغغ-د زِي أَربِّـي ؤُسِيغ-د. وَار د ؤُسِيغ شَا زݣ يِيخف ينُو؛ لَّا، ذ بَابَا إِي ذَايِي د يسّكّن.

يوحنا 9:3

ينَّا-ٱسن عِيْسَى: "وَار يعْصِي وَانِيتَا ؤُڒَا ذ لْوَالِدِين نّس. ئِخْڒق-د ذ اَضَرْغَاڒ بَاش مَارَّا اَذ ࢲرن مِين يزمَّر أَربِّـي اَذَايس يخْذم.

أيث-روما 8:32

سِيذِي أَربِّـي وَار يسْعِيزّ شَا مِّيس خَانغ، ئِقدّم-يث إِ ڒْموْث خَانغ مَارَّا. مَا اَذ تقِّيم شَان ڒْحَاجث وَار ذَانغ-ت يتِيشّ شَا اَكِذس؟

يعيبرانيين 1:5

أَربِّـي عَمَّارْص وَار ذَاس ينِّي إِ شَان ن لْمَلَاك زِي لْمَلَائِكَاث اَقَا شك ذ مِّي، نْهَارَا نش ذوْڒغ ذ بَابَاش. عمَّارْص وَار ينِّي خ شَان ن لْمَلَاك قَا نش اَذ يڒِيغ ذ بَابَاس، نتَّا اَذ يِيڒِي ذ مِّي.

1 يوحنا 3:16

س مِينْزِي إِي غَا نسّن ڒمْحِبّث؟ مِينْزِي سِيذِيثْنغ يصدّق خَانغ يخف نّس. أُو اَمُّو عَاوذ إِي غَا نِيڒِي نوْجذ أَ نْصدّق يخف نّغ خ أَيثْمَاثْنغ.

1 يوحنا 4:10

س مَانَاينِّي مِينْزِي ذَاس قَّارن ڒمْحِبّث. مَاشِي ذ نشِّين إِي يخْسن أَربِّـي، ذ نتَّا إِي ذَانغ يخْسن وَامِي د يسّكّ مِّيس اَذ يِيڒِي ذ لْفِدْيَا خ ڒْمُعْصِيَاث نّغ.

1 يوحنا 4:16

أَمُّو إِي د نُوْوض أَ نسّن ڒمْحِبّث ن أَربِّـي أَ نَامن زِي ثنِّي إِي ذَانغ د يُوْشَا إِ نشِّين. أَربِّـي ذ ڒمْحِبّث إِݣ يدْجَا. ونِّي يقِّيمن ذِي ڒمْحِبّث نتَّا يقِّيم ذِي أَربِّـي، أَربِّـي يقِّيم ذَايس.

1 يوحنا 5:11

ذ ثَانِيتَا ذ شْهَاذث-أَ يعْنِي أَربِّـي يُوْشَا-ٱنغ-د ثُوْذَارْث ن ڒبْدَا، ثُوْذَارْث-أَ اَقَات ذِي مِّيس.

1 يوحنا 5:13

نش ؤُرِيغ-اَوم-د ثِمسْڒَايِين-أَ إِ كنِّيو إِي يُوْمْنن س يِيْسم ن مِّيس ن أَربِّـي حمَا اَذ تسّْنم إِلَّا غَارْوم ثُوْذَارْث ن ڒبْدَا ن ڒبْدَاث.