1 يوحنا 4:8 - ثريفيث 2020

⁸ ونِّي وَار يتخْسن شَا وَار يسِّين شَا أَربِّـي ڒَاحقَّاش أَربِّـي ذ ڒمْحِبّث إِݣ يدْجَا.

1 يوحنا 4:8 ပူးပေါင်းရင်းမြစ်များ

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

أيث-ؤفسوس 2:4

وَلَكِن أَربِّـي س ڒمْحِبّث نّس إِي يݣَّا إِ نشِّين ذ اَرَّحْمث نّس ثَمقّْرَانْت اَطَّاس، مِين ذَانغ يݣَّا نتَّا؟

يعيبرانيين 12:29

مِينْزِي أَربِّـي نّغ نتَّا ذ يجّن ن ثْمسِّي يسْحَرَّاقن.

1 يوحنا 1:5

ذ وَا ذ اَوَاڒ إِي زَّايس نتْسْڒَا نتْبشَّار-يكنِّيو زَّايس يعْنِي أَربِّـي ذ نُّوْر وَار ذَايس بُو ثَادْجسْت.

1 يوحنا 2:4

ونِّي إِي غَا ينِين قَا نش سّْنغ-ث وَار يتْطِيعِي شَا إِ ڒُوْصِيَاث نّس اَتَاف نتَّا ذ بُو-يخَرِّيقن وَاهَا، أَتَاف لْحَقِيقَا وَار ذَايس ثْزدّغ شَا.

1 يوحنا 2:9

ونِّي يقَّارن نش اَقَايِـي ذِي نُّوْر نتَّا يتْعِيفَّا ؤُمَاس، أَتَاف نتَّا يدْجَا عَاذ ذِي ثَادْجسْت.

1 يوحنا 3:10

مَامّش غَا نݣّ أَ نسْفرق ثَارْوَا ن أَربِّـي ذ ثَارْوَا ن إِبْڒِيس؟ قَا يِنِّي وَار يقِّيمن شَا سْخدَّامن مِين يدْجَان نِيْشَان وَار دْجِين شَا زِي أَربِّـي. عَاوذ ونِّي وَار يتخْسن شَا ؤُمَاس وَار يدْجِي شَا زِي أَربِّـي.

1 يوحنا 3:6

ؤُڒَا ذ يجّن إِݣ يتْعِيشن ذَايس وَار يقِّيم شَا يسْخدَّام ڒْمُعْصِيَاث. ونِّي إِݣ يقِّيمن يسْخدَّام ڒْمُعْصِيَاث نتَّا وَار ث يࢲْرِي شَا وَار ث يسِّين شَا.

1 يوحنا 4:16

أَمُّو إِي د نُوْوض أَ نسّن ڒمْحِبّث ن أَربِّـي أَ نَامن زِي ثنِّي إِي ذَانغ د يُوْشَا إِ نشِّين. أَربِّـي ذ ڒمْحِبّث إِݣ يدْجَا. ونِّي يقِّيمن ذِي ڒمْحِبّث نتَّا يقِّيم ذِي أَربِّـي، أَربِّـي يقِّيم ذَايس.

1 يوحنا 4:7

آي يمْعِيزّن ينُو، أُو لَّابُد أَ نْتخْس اَيَوْيَا ڒَاحقَّاش ڒمْحِبّث تكَّا-د زِي أَربِّـي. ونِّي يتخْسن نتَّا يخْڒق-د زِي أَربِّـي يسّن أَربِّـي.