1 يوحنا 4:15 - ثريفيث 2020

¹⁵ ونِّي غَا يشهْذن عِيْسَى ذ مِّيس ن أَربِّـي، أَتَاف أَربِّـي يقِّيم ذَايس اَتَاف نتَّا يقِّيم ذِي أَربِّـي.

1 يوحنا 4:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:32

ونِّي زَّايِي غَا يشهْذن نش زَّاث إِ يِوْذَان، أَتَاف اَزَّايس شهْذغ نش زَّاث إِ بَابَا يدْجَان ذݣ وجنَّا.

لوقا 12:8

أَذَاوم ينِيغ: ونِّي زَّايِي غَا يشهْذن نش زَّاث إِ يِوْذَان، أَتَاف اَزَّايس شهْذغ نش مِّيس ن بْنَاذم زَّاث إِ لْمَلَائِكَاث ن أَربِّـي.

يوحنا 6:56

مَارَّا ونِّي غَا يشّن دَّات ينُو اَذ يسو يذَامّن ينُو، أَتَاف اَذ يقِّيم ذَايِي، نش ذَايس.

ڒخذايم 8:37

{ينَّا-ٱس فِيلِيپَّـاس: "شك مڒَا ثُوْمْنذ س مَارَّا ؤُڒ نّش قَا ثْزمَّرذ اَذ تْوَاطهَّارذ س وَامَان-أَ." يَارَّا خَاس ينَّا-ٱس: "وَاه، نش تَامْنغ بلِّي عِيْسَى لْمَسِيح نتَّا ذ مِّيس ن أَربِّـي."}

أيث-روما 10:9

قَا مڒَا ثْشهْذذ س وقمُّوْم نّش إِلَّا عِيْسَى ذ سِيذِيش، مڒَا ثُوْمْنذ س وُوْڒ نّش إِلَّا أَربِّـي يسكَّر-يث-يذ زِي ڒْموْث، أَتَاف اَذ تْنجْمذ.

أيث-فيليـپـي 2:11

أَذ يعْتَرف كُڒ يِيڒس اَذ يِينِي خ عِيْسَى لْمَسِيح قَا نتَّا ذ سِيذِيثْنغ اَزَّايس يسمْغَار أَربِّـي بَابَاثْنغ.

1 يوحنا 2:23

ونِّي غَا ينْكَرن مِّيس اَتَاف وَار غَارس يتِيڒِي شَا بَابَاس. ونِّي إِي غَا يقبْڒن مِّيس اَتَاف اَغَارس يِيڒِي بَابَاس.

1 يوحنا 2:24

إِيوَا اَرّم-د ڒْبَاڒ نْوم بَاش اَذَايْوم يقِّيم مِين ثسْڒِيم زݣ ومزْوَارُو. مڒَا يقِّيم ذَايْوم اَوَاڒ نِّي إِي ثسْڒِيم زݣ ومزْوَارُو، أَتَاف ؤُڒَا ذ كنِّيو اَذ تقِّيمم ذِي مِّيس اَك أَربِّـي بَابَاس.

1 يوحنا 3:23

أَقَا ثَانِيتَا ذ ڒُوْصِيّث نّس أَ نَامن زݣ يِيْسم ن مِّيس عِيْسَى لْمَسِيح، أَ نْتخْس اَيَاوْيَا اَم مَامّش إِي ذَانغ د يوصَّا نتَّا.

1 يوحنا 3:24

ونِّي إِݣ يسْخدَّامن ڒُوْصِيَاث نّس اَتَاف اَذ يعِيش ذِي أَربِّـي، أَربِّـي يزدّغ ذَايس. مَامّش غَا نݣّ نشِّين أَ نسّن بلِّي يزدّغ ذَايْنغ؟ نسّن-يث س أَرُّوْح نِّي إِي ذَانغ د يُوْشَا.

1 يوحنا 4:12

وَار ذِنِّي حَدّ عمَّارْص يࢲْرَا أَربِّـي. وَلَكِن نشِّين مڒَا نتْخس اَيَاوْيَا اَتَاف أَربِّـي يزدّغ ذَايْنغ، ڒمْحِبّث نّس ثجِّيون زَّايْنغ.

1 يوحنا 4:2

مَامّش غَا نݣّ أَ نسّن أَرُّوْح نِّي إِي د يتَاسن زِي أَربِّـي؟ كُڒ أَرُّوْح إِي د يتَاسن زَّايس أُو لَابُد اَذ يشْهذ بلِّي عِيْسَى لْمَسِيح نتَّا يُوْسَا-د س دَّات ن بْنَاذم.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.

1 يوحنا 5:5

مِين يعْنَا ونِّي يغلّْبن خ دُّنشْت-أَ؟ ونِّي يغلّْبن ذ ونِّي يُوْمْنن إِلَّا عِيْسَى ذ مِّيس ن أَربِّـي.

2 يوحنا 1:7

أَقَا اَطَّاس ن يثَرَّاسن نِثْنِي ذ يغدَّارن فّْغن-د غَار دُّنشْت-أَ، نكَّرن بلِّي عِيْسَى لْمَسِيح يمظْهَار-د س دَّات ن بْنَاذم. أَثَرَّاس-أَ إِي يدْجَان اَمُّو نتَّا ذ اَغدَّار وَاهَا ذ دّجَّال إِي يدْجَا.