1 يوحنا 4:11 - ثريفيث 2020

¹¹ آي يمْعِيزّن ينُو، مڒَا اَنشْتُوْيَا إِي ذَانغ يخس أَربِّـي، ئِتْخصَّا ؤُڒَا ذ نشِّين أَ نخْس اَيَاوْيَا.

1 يوحنا 4:11 ပူးပေါင်းရင်းမြစ်များ

لوقا 10:37

ينَّا-ٱس ونِّي يتْشرَّاحن شَّرِيعَا قَا ذ اَثَرَّاس نِّي إِي ذَايس يݣِّين ڒْخِير." ينَّا-ٱس عِيْسَى: "رُوْح، اݣّ مَانَاينِّي ؤُڒَا ذ شك."

يوحنا 13:34

ڒخُّو تِيشّغ-اَوم يجّن ن ڒُوْصِيّث ذ جْذِيذ: حِبّث اَيَاوْيَا. أُو حِبّث اَيَاوْيَا مَامّش كنِّيو حِبّغ نش.

أيث-ؤفسوس 4:31

مَارَّا لْعُقْدَا ذ وغْضَاب ذ وعصّب ذ سْذَاع ذ ڒْبَاطڒ سْبعّْذم-ثن خَاوم مَارَّا، أُو كّْسث عَاوذ كُڒ نُّوْع ن ڒقْبَاحث.

أيث-كولوس 3:13

صْبَارث اَك وَايَاوْيَا. مڒَا شَان يِجّن زَّايْوم غَارس شَان لْمُشْكِل إِي زَّايس غَا يشثْشَا خ ونّغْنِي، ئِتْخصَّا يجّن اَذ يسْمح إِ ونّغْنِي. مَامّش ذَاوم يغْفَر أَربِّـي إِ كنِّيو، أَمنِّي إِي غَا ثْسمْحم إِ يِوْذَان.

1 يوحنا 2:7

آي يمْعِيزّن ينُو، وَار ذَاوم د تَارِيغ شَا يجّن ن ڒُوْصِيّث ذ جْذِيذ؛ لَّا، نتَّاث ذ يجّن ن ڒُوْصِيّث ذ ثَقْذِينْت تُوْغَا ثدْجَا غَارْوم زݣ ومزْوَارُو. ڒُوْصِيّث-أَ ثَقْذِينْت نتَّاث ذ اَوَاڒ نِّي إِي تُوْغَا ثسْڒِيم.

1 يوحنا 3:11

ذ وَا ذ اَوَاڒ إِي تسْڒَام زݣ ومزْوَارُو يعْنِي يتْخصَّا وَا لَابُد أَ نْتخْس اَيَاوْيَا.

1 يوحنا 3:23

أَقَا ثَانِيتَا ذ ڒُوْصِيّث نّس أَ نَامن زݣ يِيْسم ن مِّيس عِيْسَى لْمَسِيح، أَ نْتخْس اَيَاوْيَا اَم مَامّش إِي ذَانغ د يوصَّا نتَّا.

1 يوحنا 4:7

آي يمْعِيزّن ينُو، أُو لَّابُد أَ نْتخْس اَيَوْيَا ڒَاحقَّاش ڒمْحِبّث تكَّا-د زِي أَربِّـي. ونِّي يتخْسن نتَّا يخْڒق-د زِي أَربِّـي يسّن أَربِّـي.

2 يوحنا 1:5

آ ثَمْغَارْث يتْوَاعِيزّن، ڒخُّو تتَّارغ زَّايم أَ نْتخْس اَيَاوْيَا. وَار ذَام د تَارِيغ بُو شَان ن ڒُوْصِيّث ذ جْذِيذ؛ لَّا، نتَّاث ذ ثنِّي تُوْغَا غَارْنغ زݣ ومزْوَارُو.