1 يوحنا 2:7 - ثريفيث 2020

⁷ آي يمْعِيزّن ينُو، وَار ذَاوم د تَارِيغ شَا يجّن ن ڒُوْصِيّث ذ جْذِيذ؛ لَّا، نتَّاث ذ يجّن ن ڒُوْصِيّث ذ ثَقْذِينْت تُوْغَا ثدْجَا غَارْوم زݣ ومزْوَارُو. ڒُوْصِيّث-أَ ثَقْذِينْت نتَّاث ذ اَوَاڒ نِّي إِي تُوْغَا ثسْڒِيم.

1 يوحنا 2:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:43

أَقَا ثسْڒِيم ذِي لْكِتَاب مِين يتْوَانَّان ذݣ يِجّن ن زْمَان: أَذ تخْسذ اَجَّار نّش، أَذ تْعِيفّذ ڒَعْذُو نّش.

يوحنا 13:34

ڒخُّو تِيشّغ-اَوم يجّن ن ڒُوْصِيّث ذ جْذِيذ: حِبّث اَيَاوْيَا. أُو حِبّث اَيَاوْيَا مَامّش كنِّيو حِبّغ نش.

ڒخذايم 17:19

ؤُوِين بُوْلُس ندْهن-ث غَار لْمَجْلِس نْسن ؤُمِي قَّارن أَرْيُوْبَاݣُوْس نَّان-اَس: "نْرزُّو أَ نسّن تَّعْلِيم-أَ ن جْذِيذ إِي زِي ثْسڒْمَاذذ شك.

يعيبرانيين 6:9

آي يمْعِيزّن ينُو، وَاخَّا نسَّاوَاڒ اَمُّو نشِّين متْأَكدِّين زَّايْوم يعْنِي خ ثْمسْڒَايِين ثِصبْحَانِين إِي زِي غَا تْنجْمم.

1 يوحنا 2:24

إِيوَا اَرّم-د ڒْبَاڒ نْوم بَاش اَذَايْوم يقِّيم مِين ثسْڒِيم زݣ ومزْوَارُو. مڒَا يقِّيم ذَايْوم اَوَاڒ نِّي إِي ثسْڒِيم زݣ ومزْوَارُو، أَتَاف ؤُڒَا ذ كنِّيو اَذ تقِّيمم ذِي مِّيس اَك أَربِّـي بَابَاس.

1 يوحنا 3:11

ذ وَا ذ اَوَاڒ إِي تسْڒَام زݣ ومزْوَارُو يعْنِي يتْخصَّا وَا لَابُد أَ نْتخْس اَيَاوْيَا.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.

1 يوحنا 3:21

آي يمْعِيزّن ينُو، مڒَا وَار ذَانغ تْعَاقِيبن شَا وُوْڒَاون نّغ اَتَاف اَغَارْنغ ثِيڒِي يجّن ن زْعَامث زَّاث إِ أَربِّـي،

1 يوحنا 3:23

أَقَا ثَانِيتَا ذ ڒُوْصِيّث نّس أَ نَامن زݣ يِيْسم ن مِّيس عِيْسَى لْمَسِيح، أَ نْتخْس اَيَاوْيَا اَم مَامّش إِي ذَانغ د يوصَّا نتَّا.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.

1 يوحنا 4:11

آي يمْعِيزّن ينُو، مڒَا اَنشْتُوْيَا إِي ذَانغ يخس أَربِّـي، ئِتْخصَّا ؤُڒَا ذ نشِّين أَ نخْس اَيَاوْيَا.

1 يوحنا 4:21

إِيوَا اَقَا ڒُوْصِيّث إِي ذَانغ يجَّا لْمَسِيح يعْنِي ونِّي يتخْسن أَربِّـي يتْخصَّا-ث اَذ يخس ؤُڒَا ذ ؤُمَاس.

1 يوحنا 4:7

آي يمْعِيزّن ينُو، أُو لَّابُد أَ نْتخْس اَيَوْيَا ڒَاحقَّاش ڒمْحِبّث تكَّا-د زِي أَربِّـي. ونِّي يتخْسن نتَّا يخْڒق-د زِي أَربِّـي يسّن أَربِّـي.