1 يوحنا 2:6 - ثريفيث 2020

⁶ يعْنِي ونِّي إِي غَا ينِين قَا نش زدّْغغ ذَايس يتْخصَّا-يَاس أُو لَابُد اَذ يݣُّوْر ذݣ وبْرِيذ نِيْشَان اَم ونِّي إِي ذِي تُوْغَا يݣُّوْر عِيْسَى.

1 يوحنا 2:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:29

اَرْبُوْث خَاوم ثْزَايْڒُوْت ينُو، ڒمْذث زَّايِي ڒَاحقَّاش نش ذ اَصبَّار، وَار ذَايِي بُو تَّكبُّر. ڒخْدّنِّي اَذ تَافم أَرَّاحث إِ يِيخف نْوم.

يوحنا 13:15

ݣِّيغ-اَوم اَمُّو حمَا اَذ تݣّم مِين ݣِّيغ نش.

يوحنا 15:10

مڒَا ثخدّْمم زِي ڒُوْصِيَاث ينُو، أَتَاف اَذ تِيڒِيم ذِي ڒمْحِبّث ينُو اَمشْنَاو مَامش ݣِّيغ نش زِي ڒُوْصِيَاث ن بَابَا اَقَايِي ذِي ڒمْحِبّث نّس.

1 أيث-كورينث 11:1

ذفَّارم-اَيِي-د مَامّش ذفَّارغ نش لْمَسِيح.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

1 بطرس 2:21

ئِڒَاغَا-يَاوم-د أَربِّـي غَار مَانَايَا مِينْزِي لْمَسِيح يتْوَاعدّب عْلَاحْسَاب كنِّيو؛ ئِجَّا-ٱوم-د يجّن ن لْمِثَال اَث تْذفَّرم ذݣ يسُوْرِيفن نّس.

1 يوحنا 2:28

آ يحنْجِيرن، ڒخُّو عِيشث ذَايس حمَا اَغَارْنغ ثِيڒِي يجّن ن تِّقث وَار زَّايس نَروّڒ شَا س وسذْحِي خْمِي د غَا يَاس اَذَانغ د يمظْهَار.

1 يوحنا 2:4

ونِّي إِي غَا ينِين قَا نش سّْنغ-ث وَار يتْطِيعِي شَا إِ ڒُوْصِيَاث نّس اَتَاف نتَّا ذ بُو-يخَرِّيقن وَاهَا، أَتَاف لْحَقِيقَا وَار ذَايس ثْزدّغ شَا.

1 يوحنا 3:24

ونِّي إِݣ يسْخدَّامن ڒُوْصِيَاث نّس اَتَاف اَذ يعِيش ذِي أَربِّـي، أَربِّـي يزدّغ ذَايس. مَامّش غَا نݣّ نشِّين أَ نسّن بلِّي يزدّغ ذَايْنغ؟ نسّن-يث س أَرُّوْح نِّي إِي ذَانغ د يُوْشَا.

1 يوحنا 3:6

ؤُڒَا ذ يجّن إِݣ يتْعِيشن ذَايس وَار يقِّيم شَا يسْخدَّام ڒْمُعْصِيَاث. ونِّي إِݣ يقِّيمن يسْخدَّام ڒْمُعْصِيَاث نتَّا وَار ث يࢲْرِي شَا وَار ث يسِّين شَا.

1 يوحنا 4:17

أَمُّو إِي ثجِّيون زَّايْنغ ڒمْحِبّث نّس حمَا اَغَارْنغ ثِيڒِي يجّن ن زْعَامث ذِي يُوْم لْحِسَاب ذ لْعِقَاب. ڒَاحقَّاش ذِي دُّنشْت-أَ اَم عِيْسَى اَم نشِّين.