1 يوحنا 2:5 - ثريفيث 2020

⁵ وَلَكِن ونِّي إِݣ يتْطَاعَان إِ وَاوَاڒ نّس، أَقَا وَانِيتَا ذ صَّح ثجِّيون زَّايس ڒمْحِبّث ن أَربِّـي. مَامّش غَا نݣّ نشِّين أَ نسّن إِلَّا نْزدّغ ذَايس؟

1 يوحنا 2:5 ပူးပေါင်းရင်းမြစ်များ

لوقا 11:28

وَلَكِن نتَّا ينَّا: "لَّا، سَّعْذ ن يِنِّي يتْسْڒَان إِ وَاوَاڒ ن أَربِّـي، تْطَاعَان-اَس."

يوحنا 14:21

ونِّي غَار دْجَانْت ڒُوْصِيَاث ينُو يخدّم زَّايْسنْت، أَتَاف يتْحِبَّا-اَيِي. ونِّي ذَايي يتْحِبَّان، أَتَاف اَث يحِبّ ؤُڒَا ذ بَابَا. أَث حِبّغ ؤُڒَا ذ نش، أَذَاس د سْمظْهَارغ يخف ينُو."

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 15:5

نش ذ ثْزَايَارْث وضِيڒ، كنِّيو ذ يكشُّوْضن. ونِّي يتْغِيمَان ذَايي أُو نش تْغِيمِيغ ذَايس، أَتَاف نتَّا اَذ يَارو يزكُّوْنن ن وضِيڒ اَطَّاس ڒَاحقَّاش كنِّيو بْڒَا زَّايي وَار ثْزمَّرم اَذ تݣّم وَالُو.

يوحنا 6:56

مَارَّا ونِّي غَا يشّن دَّات ينُو اَذ يسو يذَامّن ينُو، أَتَاف اَذ يقِّيم ذَايِي، نش ذَايس.

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

1 أيث-كورينث 1:30

أُو نتَّا ذ سَّبَاب إِي زِي ثدْجَام كنِّيو ذِي عِيْسَى لْمَسِيح. ئِݣِّي-ث أَربِّـي نتَّا ذ ڒفْهَامث نّغ، يعْنِي نتَّا ذَايس صُّلْح نّغ ذ وصفِّي نّغ ذ وفكِّي نّغ.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

ثبرات غار يعقوب 2:22

أَقَا تْوَاڒِيذ لْإِيمَان ن بْرَاهِيم يخدّم اَك ڒخْذَايم نّس، أُوْشَا لْإِيمَان نّس يذْوڒ يكْمَاڒ س ڒخْذَايم-أَ إِي يݣَّا.

1 يوحنا 3:24

ونِّي إِݣ يسْخدَّامن ڒُوْصِيَاث نّس اَتَاف اَذ يعِيش ذِي أَربِّـي، أَربِّـي يزدّغ ذَايس. مَامّش غَا نݣّ نشِّين أَ نسّن بلِّي يزدّغ ذَايْنغ؟ نسّن-يث س أَرُّوْح نِّي إِي ذَانغ د يُوْشَا.

1 يوحنا 4:17

أَمُّو إِي ثجِّيون زَّايْنغ ڒمْحِبّث نّس حمَا اَغَارْنغ ثِيڒِي يجّن ن زْعَامث ذِي يُوْم لْحِسَاب ذ لْعِقَاب. ڒَاحقَّاش ذِي دُّنشْت-أَ اَم عِيْسَى اَم نشِّين.

1 يوحنا 4:18

يعْنِي ڒمْحِبّث وَار ثسِّين شَا ثِيݣّْوْذِي. ڒمْحِبّث إِي يدْجَان ثكْمَاڒ اَذ تَازّڒ خ ثِيݣّْوْذِي، مَايمِّي؟ ڒَاحقَّاش ثِيݣّْوْذِي تَاس-د زِي ڒْخُف ن لْعِقَاب. ونِّي يتݣّْوْذن، نتَّا ڒمْحِبّث نّس عَاذ وَار زَّايس ثجِّيون شَا.

1 يوحنا 5:2

مَامّش غَا نݣّ نشِّين أَ نسّن إِلَّا نْتخْس ثَارْوَا ن أَربِّـي؟ نْتسّن-يث مڒَا نْتخْس أَربِّـي نتْطَاعَا-ٱسنْت إِ ڒُوْصِيَاث نّس.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

2 يوحنا 1:6

إِيوَا اَمُّو إِي ثدْجَا ڒمْحِبّث يعْنِي أَ نݣُّوْر عْلَاحْسَاب ڒُوْصِيَاث نّس. ڒُوْصِيّث-أَ نتَّاث ذ ثنِّي تُوْغَا ثسْڒِيم زݣ ومزْوَارُو. وَا اَمُّو يتْخصَّا اَذَايس ثݣُّوْرم.

لواحي ن يوحنا 12:17

ئِغْضب بُو-سبْعَا-يزدْجِيفن خ ثمْغَارْث نِّي يرُوْح اَذ يحَارب س مِين يقِّيمن زِي دُّوْرِّيث نّس، يعْنِي يِنِّي يتݣّن اَرَّاي س ڒُوْصِيَاث ن أَربِّـي تطّْفن خ مِينْخف يشْهذ عِيْسَى.

لواحي ن يوحنا 14:12

ذِي لْحَالَا نِّي يتْخصَّا-يَاسن إِ ڒْمُوْمِنِين صَّالِحِين اَذ صْبَرن اَذ ݣّن اَرَّاي س ڒُوْصِيَاث ن أَربِّـي اَذ اَمْنن زِي عِيْسَى.