1 يوحنا 2:14 - ثريفيث 2020

¹⁴ آ يبَابَاثن، نش ؤُرِيغ-اَوم-د ڒَاحقَّاش كنِّيو ثسّْنم ونِّي إِي يدْجَان زݣ ومزْوَارُو. آ يعْزْرِيْين، نش ؤُرِيغ-اَوم-د ڒَاحقَّاش كنِّيو ثْجهْذم، أَوَاڒ ن أَربِّـي يزدّغ ذَايْوم، كنِّيو ثْغڒْبم خ لْمُفْسِيد نِّي.

1 يوحنا 2:14 ပူးပေါင်းရင်းမြစ်များ

يوحنا 15:7

مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

يوحنا 5:38

أَوَاڒ نّس وَار ذَايوم يتْغِيمِي شَا مِينْزِي ونِّي إِي ثِيد يسّكّن وَار زَّايس تِيمْنم شَا.

يوحنا 8:31

ينَّا-ٱسن عِيْسَى إِ يسْرَائِيلِيْن يِنِّي زَّايس يُوْمْنن: "مڒَا ثقِّيمم ذݣ وَاوَاڒ ينُو، أَذ تِيڒِيم ذ صَّح ذ يمحْضَارن ينُو.

يوحنا 8:37

نش سّْنغ قَا كنِّيو ذ دُّوْرِّيث ن بْرَاهِيم. إِنَّمَا، كنِّيو ثْرزُّوْم اَذَايِي ثنْغم مِينْزِي اَوَاڒ ينُو وَار ث ثقْبِيڒم شَا.

أيث-ؤفسوس 6:10

أَقَا اَوَاڒ ينُو اَنݣَّارُو: جهْذث س سِيذِي أَربِّـي أُو س لْقُوَّا نّس ثَمقّْرَانْت.

أيث-فيليـپـي 4:13

قَاع ثِمسْڒَايِين زمَّرغ-اَسنْت س ونِّي إِي ذَايِي يتشّن جّْهذ.

أيث-كولوس 1:11

نْتتَّار إِ أَربِّـي اَذ تْجهْذم ذِي مَارَّا ثِزمَّار نْوم عْلَاحْسَاب لْقُوَّا نّس يدْجَان عَظِيمَا بَاش اَذ تْبدّم اَذ تصْبَارم مْلِيح س ڒفْرَاحث،

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

2 تيموتاوس 2:1

إِذن فَا شك آ مِّي، سْجهّذ يخف نّش ذِي اَرْضَا نِّي يدْجَان ذِي عِيْسَى لْمَسِيح.

يعيبرانيين 8:10

ذ وَانِيتَا ذ ڒْعَهذ إِي غَا ݣّغ اَك أَيث-إِسْرَائِيل منْبَعْد إِ ڒْوقْث نِّي، يقَّار-يث سِيذِي أَربِّـي. أَذَاسن سِيذْفغ ڒُوْصِيَاث ينُو ذِي ڒَعْقُوْڒَاث نْسن، أَغَارْسن يڒِينْت ذ ثِيْرَا خ وُوْڒَاون نْسن. أَذ يڒِيغ ذ أَربِّـي نْسن اَذ يڒِين ذ شَّعْب ينُو.

1 يوحنا 1:1

مِين تُوْغَا ذِنِّي زݣ ومزْوَارُو، نتْسْڒَا-يَاس نࢲّر-يث س ثِيطَّاوِين نّغ، نخزَّر ذَايس نتْحَاذَا-ث س يفَاسّن نّغ يعْنِي ذ اَوَاڒ ن ثُوْذَارْث.

1 يوحنا 1:10

مڒَا نقَّار قَا نشِّين وَار نعْصِي شَا أَربِّـي، أَتَاف نتَّا نْتَارَّا-ث ذ بُو-يخَرِّيقن، أَتَاف اَوَاڒ نّس وَار ذَايْنغ يزدّغ شَا.

1 يوحنا 2:13

آ يبَابَاثن، نش ؤُرِيغ-اَوم-د ڒَاحقَّاش كنِّيو ثسّْنم ونِّي إِي يدْجَان زݣ ومزْوَارُو. آ يعْزْرِيْين، نش ؤُرِيغ-اَوم-د ڒَاحقَّاش كنِّيو ثْغڒْبم خ لْمُفْسِد نِّي. آ يحنْجِيرن، نش ؤُرِيغ-اَوم-د ڒَاحقَّاش كنِّيو ثسّْنم بَابَاثْنغ.

2 يوحنا 1:2

مَانَايَا عْلَاحْسَاب لْحَقِيقَا إِݣ يزدّْغن ذَايْنغ اَذ تِيڒِي اَكِذْنغ إِ ڒبْدَا.

3 يوحنا 1:3

مِينْزِي نش فَرْحغ اَطَّاس وَامِي د ؤُسِين ڒبْعَاض ن وَاوْمَاثن شهْذن خَاك خ لْحَقِيقَا إِي ذَايش ذ مَامّش شك عَاذ ثݣُّوْرذ نِيْشَان ذِي لْحَقِيقَا.

لواحي ن يوحنا 2:3

ثصْبَرذ، ثيْسِيذ تَمَارَا عْلَاحْسَاب يسم ينُو بْڒَا مَا ٱذ تَاحْرذ.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.