1 يوحنا 2:12 - ثريفيث 2020

¹² آ يحنْجِيرن، نش ؤُرِيغ-اَوم-د ڒَاحقَّاش ڒْمُعْصِيَاث نْوم تْوَاغْفَرنْت-اَوم س يِيْسم نّس.

1 يوحنا 2:12 ပူးပေါင်းရင်းမြစ်များ

لوقا 24:47

أَذ بشَّرن مَارَّا ڒݣْنُوْس حمَا اَذ تُوْبن اَذ تْوَاغْفَرنْت ڒْمُعْصِيَاث نْسن س يِيسم ن لْمَسِيح. أَذ يبْذَا مَانَايَا ذِي لْقُدْس.

لوقا 5:20

نتَّا وَامِي يࢲْرَا لْإِيمَان نْسن ينَّا-ٱس إِ ونشْرُوف نِّي: "آي اَرْيَاز، تْوَاغْفَرنْت-اَش ڒْمُعْصِيَاث نّش."

ڒخذايم 10:43

مَارَّا لْأَنْبِيَا شهّْذن خَاس نَّان قَا مَارَّا يِنِّي زَّايس غَا يَامْنن اَذ تْوَاغْفَرنْت ڒْمُعْصِيَاث نْسن س يِيسم نّس."

ڒخذايم 13:38

إِذن آي اَيثْمَا، رزُّوْغ اَذ تسّْنم س وَاوَاڒ-أَ بلِّي س عِيْسَى-يَا إِي زِي غَا تْوَاغْفَرنْت ڒْمُعْصِيَاث. مَارَّا ونِّي زَّايس غَا يَامْنن اَس تْوَاغْفَرنْت مَارَّا ڒْمُعْصِيَاث نّس؛ لْغُفْرَان-أَ وَانِيتَا وَار يزمَّر شَا اَذ يِيڒِي س شَّرِيعَا ن مُوْسَى.

ڒخذايم 4:12

وَار يزمَّر حَدّ اَذ ينْجم بْڒَا زَّايس نتَّا. لِأَنَّا وَار ذِنِّي ؤُڒَا ذ يجّن ن يِيسم نّغْنِي جَار إِ يرْيَازن ذِي دُّنشْت-أَ اَزَّايس نتْوَاسنْجم إِلَّا نتَّا."

1 أيث-كورينث 6:11

أَمُّو إِي تُوْغَا تݣّن ڒبْعَاض زَّايْوم، وَلَكِن ڒخُّو تْوَاسِيرْذم، تْوَاسِّيصْفَام، تْوَاسمْصْڒَاحم اَك أَربِّـي س يِيسم ن سِيذِيثْنغ عِيْسَى لْمَسِيح أُو س اَرُّوْح ن أَربِّـي نّغ.

أيث-ؤفسوس 1:7

ئِفكّ-اَنغ-د سِيذِي أَربِّـي س لْفِدْيَا نِّي ن مِّيس يعْنِي س يذَامّن نّس بَاش اَذ تْوَاغْفَرنْت ڒْمُعْصِيَاث نّغ عْلَاحْسَاب اَݣْڒَا ن اَرْضَا نّس.

أيث-ؤفسوس 4:32

تݣّث ڒْخِير اَك وَايَاوْيَا، تْحِنَّام خ وَايَاوْيَا. سمّْحم إِ وَايَاوْيَا مَامّش ذَاوم يغْفَر أَربِّـي ذِي لْمَسِيح.

أيث-كولوس 1:14

زَّايس نتَّا يسنْجم-اَنغ يعْنِي يغْفَر-اَنغ ڒْمُعْصِيَاث نّغ.

1 يوحنا 1:4

نْتَارِي-يَاوم-د ثِمسْڒَاِين-أَ حمَا ڒفْرَاحث نّغ اَذ تجَّاون.

1 يوحنا 1:7

وَلَكِن مڒَا نݣُّوْر ذِي نُّوْر مَامّش يدْجَا نتَّا ذِي نُّوْر، أَتَاف نْتمْعَاشَر اَك وَايَاوْيَا اَتَاف يذَامّن ن مِّيس عِيْسَى سِّيصْفَان-اَنغ زِي مَارَّا ڒْمُعْصِيَاث.

1 يوحنا 1:9

وَلَكِن مڒَا نعْتَرف س ڒْمُعْصِيَاث نّغ إِ أَربِّـي، نتَّا اَقَاث نِيشَان ذَايس تِّقث، أَذَانغ يغْفَر ڒْمُعْصِيَاث نّغ اَذَانغ يسِّيصْفَا زِي مَارَّا شَّرّْ.

1 يوحنا 2:1

آ يحنْجِيرن ينُو، تَارِيغ-اَوم-د ثِمسْڒَايِين-أَ حمَا وَار ثْعصِّيم شَا أَربِّـي. وَلَكِن مڒَا نعْصَا-ث اَقَا غَارْنغ يجّن ن لْوَسِيط اَك أَربِّـي بَابَاثْنغ نتَّا ذ عِيْسَى لْمَسِيح ونِّي إِݣ يدْجَان نِيْشَان.

1 يوحنا 2:21

تَارِيغ-اَوم-د ڒَاحقَّاش ثسّْنم لْحَقِيقَا مَاشِي وَار ت ثسِّينم شَا. أُو عَاوذ وَار يدْجِي بُو شَان وخَرِّيق إِي د يُوْسِين زِي لْحَقِيقَا.

1 يوحنا 2:7

آي يمْعِيزّن ينُو، وَار ذَاوم د تَارِيغ شَا يجّن ن ڒُوْصِيّث ذ جْذِيذ؛ لَّا، نتَّاث ذ يجّن ن ڒُوْصِيّث ذ ثَقْذِينْت تُوْغَا ثدْجَا غَارْوم زݣ ومزْوَارُو. ڒُوْصِيّث-أَ ثَقْذِينْت نتَّاث ذ اَوَاڒ نِّي إِي تُوْغَا ثسْڒِيم.