1 يوحنا 1:5 - ثريفيث 2020

⁵ ذ وَا ذ اَوَاڒ إِي زَّايس نتْسْڒَا نتْبشَّار-يكنِّيو زَّايس يعْنِي أَربِّـي ذ نُّوْر وَار ذَايس بُو ثَادْجسْت.

1 يوحنا 1:5 ပူးပေါင်းရင်းမြစ်များ

يوحنا 1:19

ذ ثَا ذ شْهَاذث ن يَحْيَى وَامِي غَارس د سّكّن يسْرَائِيلِيْين شَان ن ڒْفُقَهَا ذ شَان ن شُّرْفَا ن أَيْث-لَاوِي زِي ثنْدِينْت ن لْقُدْس حمَا اَث سّقْسَان نَّان-اَس مِين ثعْنِيذ شك؟

يوحنا 1:4

ذَايس إِي ثدْجَا ثُوْذَارْث، أُو ثُوْذَارْث نِّي نتَّاث ذ نُّوْر إِ يِوْذَان.

يوحنا 1:9

يعْنِي نُّوْر نِّي نِيشَان تُوْغَا د يتَاسن غَار دُّنشْت-أَ اَذ يشعْشع خ كُڒ بْنَاذم.

يوحنا 8:12

ئِسِّيوڒ غَارْسن عَاوذ عِيْسَى ينَّا-ٱسن: "نش ذ نُّوْر ن دُّنشْت. ونِّي ذَايِي غَا يذْفَارن عمَّارْص اَذ يُوْيُوْر ذِي ثَادْجسْت، أَغَارس يِيڒِي نُّوْر ن ثُوْذَارْث."

يوحنا 9:5

مَدَامَا عَاذ دْجِيغ ذِي دُّنشْت، نش ذ نُّوْر ن دُّنشْت."

1 أيث-كورينث 11:23

شُوْف، نش اَقَا مِين ذَايِي يُوْشَا سِيذِيثْنغ أُو ذ مَانَايَا إِي ذَاوم د سِّيوْضغ يعْنِي ذِي دْجِيڒْث نِّي إِي ذِي يمّنْز سِيذِيثْنغ عِيْسَى ييْسِي-د نتَّا اَغْرُوْم،

1 تيموتاوس 6:16

ذ نتَّا وَاحْذس إِي وَار يتْمتِّين عمَّارْص، ئِزدّغ ذݣ يِجّن ن نُّوْر إِي وَار يزمَّر حَدّ اَغَارس د يقَارّب يعْنِي ونِّي ؤُمِي عمَّارْص وَار ث يࢲْرِي بْنَاذم وَار يزمَّر اَث يࢲر. ذ نتَّا إِي غَا يِيڒِي ؤُوقَّر ذ جّْهذ إِ ڒبْدَا. آمِين.

ثبرات غار يعقوب 1:17

مَارَّا ثِمُوْشَا ثِيصبْحَانِين ذ لْهَدِيَاث يكمْڒن تكّنْت-يد زݣ وجنَّا، تَاسنْت-يد زِي أَربِّـي بَابَاس ن نُّوْر. نتَّا وَار يتْبدِّيڒ شَا اَم ثِيڒِي نِّي إِݣ يݣُّوْرن.

1 يوحنا 3:11

ذ وَا ذ اَوَاڒ إِي تسْڒَام زݣ ومزْوَارُو يعْنِي يتْخصَّا وَا لَابُد أَ نْتخْس اَيَاوْيَا.

لواحي ن يوحنا 21:23

ثَنْدِينْت-أَ وَار تحْذِيجِي شَا ثْفَاوْث ن ثْفُوْشْت نِغ ن ثْزِيرِي ڒَاحقَّاش لْعَظَمَا ن أَربِّـي نتَّاث إِي يتݣّن ذِنِّي ثْفَاوْث، ئِزْمَار ذ نتَّا ذ ڒفْنَار نّس.

لواحي ن يوحنا 22:5

زِي سّنِّي اَڒ ثْسَاونْت وَار ذِنِّي تِيڒِي بُو دْجِيڒث، وَار تحْذِيجِين شَا ثْفَاوْث ن ڒفْنَار نِغ ذ ثْفَاوْث ن ثْفُوْشْت ڒَاحقَّاش سِيذِي أَربِّـي نتَّا اَخَاسن يݣّ ثْفَاوْث نّس. أَذ حكْمن إِ ڒبْدَا ن ڒبْدَاث.