1 يوحنا 1:3 - ثريفيث 2020

³ مِين نࢲْرَا ذ مِين نتْسْڒَا نتْبشَّار-يكنِّيو زَّايس حمَا ؤُڒَا ذ كنِّيو اَذ تمْعَاشَرم اَكِذْنغ. مَارَّا نشِّين ثَمْعَاشَرْث نّغ اَقَات اَك بَابَاثْنغ ذ مِّيس عِيْسَى لْمَسِيح.

1 يوحنا 1:3 ပူးပေါင်းရင်းမြစ်များ

يوحنا 17:11

وَار تْغِيمِيغ شَا نش ذِي دُّنشْت، أَذ قِّيمن نِثْنِي ذَايس أُو نش ݣُّوْرغ-د غَارش. آ بَابَا اَمْقدّس، حْضَا-ثن س يِيسم نّش إِي ذَايِي ثُوْشِيذ حمَا اَذ يڒِين ذ يجّن اَم نشِّين.

يوحنا 17:21

حمَا اَذ يڒِين مَارَّا ذ يجّن آ بَابَا، أَم شك اَقَاش ذَايِي نش اَقَايِي ذَايك. حمَا اَذ يڒِين نِثْنِي عَاوذ ذ يجّن ذَايْنغ. حمَا اَذ اَمْنن يِوْذَان قَا ذ شك إِي ذَايِي د يسّكّن.

يوحنا 17:25

آ بَابَا يدْجَان نِيشَان، دُّنشْت وَار ش ثسِّين شَا وَلَكِن نش قَا سّْنغ-ش. يِيْنَا اَكِذِي سّْنن قَا ثسّكّذ-اَيِي-د شك.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

يوحنا 19:35

ونِّي يࢲْرِين مَانَاينِّي يشْهذ خَاس، أُو مِين يشْهذ نِيشَان إِي يدْجَا. ئِسّن بلِّي مِين يقَّار ذ لْحَقِيقَا أُو يشهّذ بَاش اَزَّايس ثَامْنم ؤُڒَا ذ كنِّيو.

ڒخذايم 13:32

فَا نشِّين نتْبشَّار-يكنِّيو س مَانَايَا. يعْنِي أَربِّـي وَامِي د يسكَّر عِيْسَى زِي ڒْموْث صَافِي يكمّڒ مِين زِي تُوْغَا يوْعذ ڒجْذُوْذ نّغ، ئِكمّڒ-يث اَكِذْنغ نشِّين يدْجَان ذ ثَارْوَا نْسن. أَقَا يُوْرَا ذِي لْكِتَاب ن زَّابُوْر ذݣ يِزْڒِي وِيس ثْنَاين: أَقَا شك ذ مِّي، نْهَارَا نش ذوْڒغ ذ بَابَاش.

ڒخذايم 13:41

خْزَارث آ يِنِّي يتْبُوْصَارن، تْعجّْبث فْنَاث. ذِي ڒِيَّام نْوم اَذ ݣّغ شَان ثْمسْڒَايِين وَاخَّا يخبَّر-يكنِّيو حَدّ زَّايْسنْت، وَار ث تِيمْنم شَا."

ڒخذايم 2:42

ڒْمُوْمِنِين ڒبْدَا تسْڒَان إِ تَّعْلِيم ن اَرُّسُل، تْمُوْنن اَݣ وَايَاوْيَا اَم وَاوْمَاثن، تتّن اَغْرُوْم اَݣ وَايَاوْيَا، تْࢲَادْجَان.

ڒخذايم 20:27

لِأَنَّا نش وَار زَّايْوم سْنُوْفَّرغ وَالُو زِي مَارَّا مِين ينوَّا أَربِّـي اَث يݣّ.

ڒخذايم 4:20

وَار نْزمَّر شَا أَ نجّ خ مِين نࢲْرَا نِغ خ مِين نسْڒَا."

أيث-روما 15:27

أَقَا نِثْنِي تخْسن اَذ ݣّن مَانَايَا، مَانَايَا ذ صَّح ذ يجّن ن لْوَاجِب اَقَاث خَاسن. مَايمِّي؟ لِأَنَّا يِنِّي وَار يدْجِين شَا زِي أَيث-إِسْرَائِيل مڒَا يْسِين زِي لْبَرَكَا رُوْحِيَا ن يسْرَائِيلِيْين، ئِتْخصَّا-يَاسن لَابُد يِنِّي وَار يدْجِين شَا زِي أَيث-إِسْرَائِيل اَذ عَاوْنن يسْرَائِيلِيْين س وَاݣْرَا نْسن.

1 أيث-كورينث 1:30

أُو نتَّا ذ سَّبَاب إِي زِي ثدْجَام كنِّيو ذِي عِيْسَى لْمَسِيح. ئِݣِّي-ث أَربِّـي نتَّا ذ ڒفْهَامث نّغ، يعْنِي نتَّا ذَايس صُّلْح نّغ ذ وصفِّي نّغ ذ وفكِّي نّغ.

1 أيث-كورينث 1:9

أَربِّـي ذَايس تِّقث، زَّايس إِي ذَانغ د يُوْسَا ؤُڒَاغِي أَ نْعَاشَر ممِّيس يعْنِي سِيذِيثْنغ عِيْسَى لْمسِيح.

1 أيث-كورينث 15:1

فَا آي أَيثْمَا اَكنِّيو سْفكَّرغ خ لْإِنْجِيل إِي زِي كنِّيو بشَّرغ، يعْنِي نتَّا ثْقبْڒم-ث أُو مْتبْثِين خَاس.

22 أيث-كورينث 13:14

أَرْضَا ن سِيذِيثْنغ عِيْسَى لْمَسِيح ذ ڒمْحِبّث ن أَربِّـي ذ ومْعَشَار ن أَرُّوْح يقدّْسن اَكِذْوم يِيڒِي مَارَّا. آمِين.

أيث-ؤفسوس 3:6

ڒْمَعْنَا-يَا ينُوْفَّرن ثَانِيتَا، مِين ثعْنَا؟ أَقَا ؤُڒَا ذ يِنِّي وَار يدْجِين شَا زِي أَيث-إِسْرَائِيل اَذ وَرْثن زِي أَربِّـي اَك أَيث-إِسْرَائِيل س لْإِنْجِيل. نِثْنِي ذ يجّن ن جْمَاعث، مَارَّا اَذ شَرْشن ذِي مِين يوْعذ أَربِّـي ذِي لْمَسِيح.

أيث-فيليـپـي 1:7

غَارِي ڒْحَقّ اَذَايْوم فكَّرغ اَمنِّي ڒَاحقَّاش اَقَا كنِّيو غَارِي ذݣ وُوْڒ ينُو. أَقَا مَارَّا ثْشَرّْشم اَكِذِي ذِي اَرْضَا ن ڒْخذْمث-أَ وَاخَّا اَقَايِي ذِي ڒحْبس نِغ تْذَفَاعغ خ لْإِنْجِيل ذ ڒْحَقّ إِي ذَايس.

أيث-فيليـپـي 2:1

مڒَا كنِّيو تْوَاشجّْعم س لْمَسِيح نِغ ثتْهِلَّام ذِي ڒمْحِبّث نّس نِغ ثْشَرّْشم اَك أَرُّوْح نّس، نِغ ثُوْفِيم ذَايس اَرَّحْمث ذ لْحَنَانَا،

أيث-فيليـپـي 3:10

رزُّوْغ اَذ سّْنغ لْمَسِيح ذ جّْهذ نّس وَامِي د يكَّر زِي ڒْموْث. أَذ سّْنغ عَاوذ ثَمْعَشَارْث نِّي خْمِي غَا نْشَرش اَكِذس س وعدّب نِّي إِي خَاس يكِّين نتَّا، أَ نذْوڒ اَمشْنَاو نتَّا س ڒْموْث نّس.

أيث-كولوس 1:13

ئِسفْڒث-اَنغ زِي ڒحْكَام ن ثَادْجسْت يسِّيوض-اَنغ غَار ڒْمُلْك ن مِّيس يعِيزّن.

1 أيث-سلونيك 1:10

حمَا اَذ تْرَاجَام مِّيس إِي د غَا يَاسن زݣ وجنَّا ونِّي إِي د يسكَّر أَربِّـي زݣ يمتِّينن يعْنِي عِيْسَى إِي ذَانغ يسنْجَامن زݣ وغْضَاب نِّي إِي د غَا يَاسن.

1 تيموتاوس 6:2

ئِسمْغَان ؤُمِي غَار يدْجَا اَيثْبَاب نْسن ذ ڒْمُوْمِنِين وَا لَابُد اَذَاسن تْصنَّاطن إِ اَيثْبَاب نْسن مَاشِي اَذَاسن اَݣِين اَذَاسن ينِين لَّا قَا نشِّين ذ اَوْمَاثن. لَّا، أَذَاسن خذْمن كْتَار لِأَنَّا اَيثْبَاب نْسن ذ نِثْنِي إِي غَا يربْحن زِي ڒْخذْمث نِّي أُو نِثْنِي تَامْنن تْوَاعِيزّن. ثِمسْڒَايِين-أَ سڒْمَاذ-يثنْت شك، زيَّار خَاسنْت.

يعيبرانيين 2:12

لَّا، يقَّار-اَس إِ أَربِّـي: <أَذ سِّيوْڒغ خ يِيسم نّش اَك أَيثْمَا، ذِي ڒْوسْط ن جْمَاعث اَش حمْذغ س يغنِّيجن.>

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

1 بطرس 5:1

فَا نش تْڒَاغِيغ-د خ يمقّْرَانن يدْجَان جَار ن ثْجُمَاع، نش إِي يدْجَان ذ يجّن ن ومقّْرَان اَم كنِّيو ذ يِجّن ن شَّاهذ خ مِين خف يتْوَاعدّب لْمَسِيح، نش ذ يِجّن عَاوذ إِي غَا يشَرْشن ذِي لْعَظَمَا إِي د غَا يمظْهَارن.

2 بطرس 1:16

وَا شُوْف، نشِّين تُوْغَا وَار نْذفَّار شَا ثِحُوْجَا نِّي إِي تْوَاݣّنْت س ڒفْطَانث ن بْنَاذم وَامِي إِي كنِّيو نْسفْهَام خ جّْهذ نّس ذ نْهَار نِّي إِي ذِي د غَا يَاس سِيذِيثْنغ عِيْسَى لْمَسِيح؛ لَّا، نشِّين نࢲْرَا س ثِيطَّاوِين نّغ مشْحَاڒ ثمْغَر ثُوْعْڒَات نّس.

1 يوحنا 1:1

مِين تُوْغَا ذِنِّي زݣ ومزْوَارُو، نتْسْڒَا-يَاس نࢲّر-يث س ثِيطَّاوِين نّغ، نخزَّر ذَايس نتْحَاذَا-ث س يفَاسّن نّغ يعْنِي ذ اَوَاڒ ن ثُوْذَارْث.

1 يوحنا 1:5

ذ وَا ذ اَوَاڒ إِي زَّايس نتْسْڒَا نتْبشَّار-يكنِّيو زَّايس يعْنِي أَربِّـي ذ نُّوْر وَار ذَايس بُو ثَادْجسْت.

1 يوحنا 1:7

وَلَكِن مڒَا نݣُّوْر ذِي نُّوْر مَامّش يدْجَا نتَّا ذِي نُّوْر، أَتَاف نْتمْعَاشَر اَك وَايَاوْيَا اَتَاف يذَامّن ن مِّيس عِيْسَى سِّيصْفَان-اَنغ زِي مَارَّا ڒْمُعْصِيَاث.