1 يوحنا 1:2 - ثريفيث 2020

² ثُوْسَا-د ثُوْذَارْث ثْمظْهَار-د، نشِّين نْࢲر-يت نشْهذ خَاس. نتْبشَّار-يكنِّيو س ثُوْذَارْث-أَ وَار يفنِّين شَا عمَّارْص. تُوْغَا ثدْجَا ذِنِّي اَك بَابَاس سّنِّي ثْمظْهَار-اَنغ-د.

1 يوحنا 1:2 ပူးပေါင်းရင်းမြစ်များ

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 1:4

ذَايس إِي ثدْجَا ثُوْذَارْث، أُو ثُوْذَارْث نِّي نتَّاث ذ نُّوْر إِ يِوْذَان.

يوحنا 10:28

تِيشّغ-اَسن ثُوْذَارْث ن ڒبْدَا عمَّارْص وَار فنِّين شَا، وَار ثن يخطّف ؤُڒَا ذ يجّن زݣ وفُوْس ينُو.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 15:27

أَذ تْشهْذم ؤُڒَا ذ كنِّيو عَاوذ مِينْزِي اَقَا كنِّيو اَكِذِي زݣ ومزْوَارُو."

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 19:35

ونِّي يࢲْرِين مَانَاينِّي يشْهذ خَاس، أُو مِين يشْهذ نِيشَان إِي يدْجَا. ئِسّن بلِّي مِين يقَّار ذ لْحَقِيقَا أُو يشهّذ بَاش اَزَّايس ثَامْنم ؤُڒَا ذ كنِّيو.

يوحنا 21:14

ثَانِيتَا ذ وِيس ثڒْت مَرَّاث إِي ذِي يتْمظْهَار-د عِيْسَى إِ يمحْضَارن نّس زݣ وَامِي إِي د يكَّر زِي ڒْموْث.

يوحنا 3:13

ؤُڒَا ذ يجّن مَا يُوڒِي غَار وجنَّا إِلَّا ونِّي د يهْوَان زݣ وجنَّا، نتَّا ذ مِّيس ن بْنَاذم.

يوحنا 7:29

نش سّْنغ-ث مِينْزِي نش زَّايس أُو ذ نتَّا إِي ذَايِي د يسّكّن."

يوحنا 8:38

نش سَّاوَاڒغ س مِين ࢲْرِيغ غَار بَابَا. ڒَا ذ كنِّيو تݣّم س مِين ثسْڒِيم زِي بَابَاثْوم."

ڒخذايم 1:22

يعْنِي زݣ وَامِي إِي ث يطهَّار يَحْيَى س وَامَان اَڒ وَامِي يتْوَارْفع خَانغ غَار وجنَّا. أَرْيَاز-أَ يتْخصَّا اَكِذْنغ يشْهذ قَا عِيْسَى يكَّر-د زِي ڒْموْث."

ڒخذايم 10:41

مَاشِي يسْمظْهَار-يث-يذ أَربِّـي إِ مَارَّا شَّعْب؛ لَّا، ئِسْمظْهَار-يث-يذ إِ ڒشْهُوْذ إِي يخْضَر زِي قْبڒ يعْنِي نشِّين إِي كِذس يشِّين إِي كِذس يسْوِين وَامِي د يكَّر زِي ڒْموْث.

ڒخذايم 2:32

عِيْسَى-يَا وَانِيتَا يسكَّر-يث-يذ أَربِّـي زِي ڒْموْث، أَقَا نشِّين مَارَّا نْشهّذ خ مَانَايَا.

ڒخذايم 3:15

ثنْغِيم ونِّي يدْجَان ذ لْأَصل ن ثُوْذَارْث، وَلَكِن أَربِّـي يسكَّر-يث-يذ زِي ڒْموْث، نشِّين نشْهذ خَاس.

ڒخذايم 5:32

خ ثْمسْڒَايِين-أَ نْشهّذ خَاسنْت نشِّين ذ أَرُّوْح يقدّْسن، أَرُّوْح-أَ يُوْشِي-ث أَربِّـي إِ يِنِّي ذَاس يتْطَاعَان."

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

أيث-ݣلاطيا 4:4

وَلَكِن وَامِي د ثُوْوض ڒْوقْث إِݣ يزمّم أَربِّـي، ئِكَّر نتَّا يسّكّ-د مِّيس يتْوَاخْڒق-د زݣ يِجّن ن ثمْغَارْث، يتْوَاخْڒق-د ثْحكّْم خَاس شَّرِيعَا ن مُوْسَى.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

2 تيموتاوس 1:10

أَرْضَا-يَا قَا يمظْهَار-د ڒخُّو وَامِي د يمظْهَار عِيْسَى لْمَسِيح ونِّي إِي ذَانغ يسنْجَامن ونِّي يسْبطّْڒن ڒْموْث. ڒخُّو س وفُوْس ن لْإِنْجِيل يُوْوِي-د ثُوْذَارْث غَار نُّوْر ذ ثنِّي وَار يفنِّين شَا.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

1 بطرس 5:1

فَا نش تْڒَاغِيغ-د خ يمقّْرَانن يدْجَان جَار ن ثْجُمَاع، نش إِي يدْجَان ذ يجّن ن ومقّْرَان اَم كنِّيو ذ يِجّن ن شَّاهذ خ مِين خف يتْوَاعدّب لْمَسِيح، نش ذ يِجّن عَاوذ إِي غَا يشَرْشن ذِي لْعَظَمَا إِي د غَا يمظْهَارن.

1 يوحنا 1:1

مِين تُوْغَا ذِنِّي زݣ ومزْوَارُو، نتْسْڒَا-يَاس نࢲّر-يث س ثِيطَّاوِين نّغ، نخزَّر ذَايس نتْحَاذَا-ث س يفَاسّن نّغ يعْنِي ذ اَوَاڒ ن ثُوْذَارْث.

1 يوحنا 2:25

مِينْزِي ذَانغ يوْعذ؟ ئِوْعذ-اَنغ س ثُوْذَارْث ن ڒبْدَا ن ڒبْدَاث.

1 يوحنا 3:5

أَقَا ثسّْنم بلِّي عِيْسَى لْمَسِيح نتَّا يمظْهَار-د بَاش اَخَانغ يكّس ڒْمُعْصِيَاث. أُو ڒْمُعْصِيّث نتَّا وَار ذَايس ثدْجِي شَا.

1 يوحنا 3:8

ونِّي إِݣ يقِّيمن يسْخدَّام ڒْمُعْصِيَاث نتَّا زݣ إِبْڒِيس ڒَاحقَّاش إِبْڒِيس يقِّيم يعصَّا زݣ ومزْوَارُو. مَايمِّي د يمظْهَار مِّيس ن أَربِّـي؟ ئِمظْهَار-د بَاش اَذ يرز ڒفْعَايڒ ن إِبْڒِيس.

1 يوحنا 4:14

إِيوَا نشِّين نࢲْرَا نْشهّذ بلِّي بَابَاثْنغ يسّكّ-د مِّيس حمَا اَذ يسنْجم دُّنشْت-أَ.

1 يوحنا 4:2

مَامّش غَا نݣّ أَ نسّن أَرُّوْح نِّي إِي د يتَاسن زِي أَربِّـي؟ كُڒ أَرُّوْح إِي د يتَاسن زَّايس أُو لَابُد اَذ يشْهذ بلِّي عِيْسَى لْمَسِيح نتَّا يُوْسَا-د س دَّات ن بْنَاذم.

1 يوحنا 5:11

ذ ثَانِيتَا ذ شْهَاذث-أَ يعْنِي أَربِّـي يُوْشَا-ٱنغ-د ثُوْذَارْث ن ڒبْدَا، ثُوْذَارْث-أَ اَقَات ذِي مِّيس.

1 يوحنا 5:13

نش ؤُرِيغ-اَوم-د ثِمسْڒَايِين-أَ إِ كنِّيو إِي يُوْمْنن س يِيْسم ن مِّيس ن أَربِّـي حمَا اَذ تسّْنم إِلَّا غَارْوم ثُوْذَارْث ن ڒبْدَا ن ڒبْدَاث.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.