1 أيث-كورينث 9:15 - ثريفيث 2020

¹⁵ وَلَكِن نش وَار كْسِيغ شَا ؤُڒَا ذ يجّن زِي ڒْحُقُوْق نِّي. عَاوذ نش وَار تَارِيغ شَا ثَبْرَات-أَ ڒخُّو حمَا اَتَاف كنِّيو اَذَايِي ثُوْشم ڒْحُقُوْق نِّي؛ لَّا، نش حْسن مڒَا مُّوْثغ قْبڒ مَا ٱذَايِي يكّس حَدّ مَانَايَا مِينْزِي غَا فْتَخْرغ.

1 أيث-كورينث 9:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:6

ونِّي إِي غَا يَاوِين يجّن زݣ يمزْيَانن-أَ إِي زَّايي يتَامْنن غَار ڒْمُعْصِيّث، حْسن إِ نتَّا اَذَاس شدّن يجّن ن وزْرُو ن ثْسِيرْث س وسْغُوْن غَار يِيري نّس اَذ يتْوَاغْرق ذِي ڒَادْجغ ن ڒبْحَر.

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

ڒخذايم 20:33

نش عمَّارص وَار ضْمِيْعغ إِ يِيخف ينُو شَان ن دّْهب نِغ ذ نُّقَارْث نِغ ذ اَرُّوْض ن شَان حَدّ.

ڒخذايم 20:34

كنِّيو ثسّْنم نش تُوْغَا خذْمغ س يفَاسّن ينُو بَاش اَغَارِي يِيڒِي مِين حْذَاجغ نش ذ مِين حْذَاجن يِنِّي اَكِذِي.

ڒخذايم 8:3

شَاوُل نتَّا يرزُّو اَذ يقْضَا خ جْمَاعث ن ڒْمُوْمِنِين، يتَاذف زِي ثدَّارث غَار ثدَّارْث يسُوْفُوْغ-د يرْيَازن ذ ثمْغَارِين يتݣّ-يثن ذِي ڒحْبس.

1 أيث-كورينث 4:12

نشَّاث تَمَارَا، نْخدّم س يفَاسّن نّغ. مڒَا نِثْنِي تْزبَّاڒن ذَايْنغ، نشِّين نتْبَرَّاك-يثن. مڒَا نِثْنِي تْعدَّابن-اَنغ، نشِّين نْصبَّر.

1 أيث-كورينث 9:12

مڒَا يوْذَان نّغْنِي غَارْسن ڒْحَقّ نِّي ن شَّارْض اَذَاسن ثُوْشم، يَاك نشِّين غَارْنغ ڒْحَقّ-أَ كْتَار نِغ لَّا؟ وَلَكِن نشِّين نُوْݣِي أَ نْكسِّي ڒْحَقّ-أَ وَانِيتَا. نْصبَّر اَطَّاس إِ ثْمسْڒَايِين بَاش وَار نتْبلَّاع شَا ثَوَّارْث إِ لِإِنْجِيل.

1 أيث-كورينث 9:18

إِذن، مِين يعْنَا شَّارْض ينُو؟ شَّارْض ينُو ذ وَا: خْمِي تْبشَّارغ س لْإِنْجِيل تْقدَّامغ-ث بَاطڒ يعْنِي مَاشِي عْلَاحْسَاب ڒْحَقّ ن شَّارْض-أَ إِي غَارِي ذِي لْإِنْجِيل.

1 أيث-سلونيك 2:9

آي أَيثْمَا، أَقَا ثْعقْڒم خ ڒْخذْمث نّغ قَا نشِّين نُوْوْثَا خَاس تَمَارَا. وَامِي كنِّيو نتْبشَّار س لْإِنْجِيل ن أَربِّـي، قَا نْخدّم دْجِيڒث ذ نْهَار بَاش وَار نتْبسِّيڒ شَا خ شَان حَدّ زَّايْوم.

2 أيث-سلونيك 3:8

وَار نشِّي بُو وغْرُوْم اَك حَدّ بَاطڒ. لَّا، نْخدّم دْجِيڒث ذ نْهَار، نشَّاث تَمَارَا نْربّڒ بَاش وَار نتْبسِّيڒ خ حَدّ زَّايْوم.