1 أيث-كورينث 8:1 - ثريفيث 2020

¹ فَا لْمَكْلَا يتْقدَّامن إِ لْأَصْنَام. نشِّين مَارَّا إِذْنغ غَارْنغ ثُوْسْنَا، يعْنِي نسّن ثِمسْڒَايِين. ثُوْسْنَا-يَا إِي نسّن تْسُوْفَّا يوْذَان س تَّكبُّر، وَلَكِن ڒمْحِبّث تَرْنِي ذَايْنغ جّْهذ.

1 أيث-كورينث 8:1 ပူးပေါင်းရင်းမြစ်များ

ڒخذايم 15:10

ڒخُّو كنِّيو مَايمِّي ثْزَعْمم اَذ تࢲرم أَربِّـي مِين غَا يݣّ، تݣّم دْقڒ ن ثْزَايْڒُوْت خ يِيرِي ن يمحْضَارن؟ دْقڒ نِّي تُوْغَا وَار نْزمَّر اَث نيْسِي لَّا نشِّين ؤُڒَا ذ ڒجْذُوْذ نّغ.

ڒخذايم 15:29

يعْنِي اَذ تْبعّْذم خ لْمَكْلَا يتْوَاقدّْمن إِ لْأَصْنَام، ذ يذَامّن، ذ مِين يتْوَاجيّْفن، ذ لْفَسَاد. مڒَا ثْبعّْذم خ ثْمسْڒَايِين-أَ وَا اَتَاف ثݣِّيم مْلِيح. اَكنِّيو يعَاون أَربِّـي."

ڒخذايم 21:25

وَلَكِن عْلَاحْسَاب ڒْمُوْمِنْين نِّي وَار يدْجِين شَا زِي أَيث-إِسْرَائِيل، نُوْرَا-يَاسن ثَبْرَات نُوْمَر-يثن اَذ بعّْذن خ لْمَكْلَا يتْوَاقدّْمن إِ لْأَصْنَام، ذ يذَامّن، ذ مِين يتْوَاجيّْفن، ذ لْفَسَاد."

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-روما 12:16

عِيشث اَݣ وَايَاوْيَا ذِي ڒهْنَا. وَار سمْغَارث شَا يخف نْوم، مْعَشَارث اَݣ يپُـوْبْرِيثن. وَار تَارَّاث شَا يخف نْوم ذ يمِيغِيسن.

أيث-روما 14:10

إِيوَا شك مَايمِّي تْعيَّابذ ؤُمَاش؟ شك مَايمِّي ثْسحْقَرذ ؤُمَاش؟ نشِّين مَارَّا أَ نْبدّ زَّاث إِ لْعَرْش ن أَربِّـي مَانِي إِي غَا نتْوَاحْكم.

أيث-روما 14:14

نش سّْنغ أُو مْتيّْقن ذِي سِيذِيثْنغ عِيْسَى اَقَا مِين نتّت وَار ذَايس بُو شَان ڒْحَاجث حْرَام. وَلَكِن يتِيڒِي حْرَام خ ونِّي إِي ت يتْوَاڒَان حْرَام.

أيث-روما 14:19

إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

أيث-روما 14:22

مِين مَا ثُوْمْنذ خ ثْمسْڒَايِين-أَ، اجّ-يثنْت جَارَاش-د ذ أَربِّـي. سَّعْذ ن ونِّي وَار د يتِيوِين لْحِسَاب ذ لْعِقَاب إِ يِيخف نّس خ مِين يتْوَاڒَا حَلَال.

أيث-روما 14:3

ونِّي يتْوَاڒَان مَارَّا لْمَكْلَا حَلَال يتْخصَّا-يَاس وَار يسحْقِير شَا ونِّي وَار يتتّن شَا. عَاوذ ونِّي وَار يتتّن شَا يتْخصَّا-يَاس وَار يتْعيِّيب شَا خ ونِّي يتْوَاڒَان لْمَكْلَا مَارَّا حَلَال لِأَنَّا أَربِّـي يقْبڒ-يث.

أيث-روما 15:14

آي اَيثْمَا، نش مْتيّْقن بلِّي كنِّيو ثشُّوْرم س ڒْخِير ذ مَارَّا ثُوْسْنَا، ثْزمَّرم اَذ تسْڒمْذم اَيَاوْيَا.

1 أيث-كورينث 1:5

زِي نتَّا، يتْوَارْنِي-يَاوم ڒْخِير ذِي كُڒْشِي، يعْنِي ذِي مَارَّا اَوَاڒن ذ ثُوْسْنَا.

1 أيث-كورينث 10:15

سَّاوَاڒغ اَكِذْوم غَارْوم ڒَعْقڒ نْوم، ميّْزث مِين قَّارغ مَا ذ صَّح مَا لَّا.

1 أيث-كورينث 10:28

وَلَكِن مڒَا ينَّا-ٱوم حَدّ قَا مَانَايَا قدّْمن-ث ذ دْبِيحث إِ لْأَصْنَام، وَار ت تتّم شَا. مَانَايَا عْلَاحْسَاب ونِّي إِي ذَاوم ث يقَّارن أُو عْلَاحْسَاب ضَّمِير.

1 أيث-كورينث 14:20

لَّا آي اَيثْمَا، وَار تْفكَّرث شَا اَم يحنْجِيرن يمزْيَانن. إِڒِيث اَم يسيْمَان ذِي شَّرّْ؛ إِڒِيث اَم يمقّْرَانن عْلَاحْسَاب ڒَعْقڒ.

1 أيث-كورينث 15:34

أَرّم-د ڒْبَاڒ نْوم، وَار عصَّاث شَا. قَّارغ-اَوم مَانَايَا بَاش اَذ تْسذْحَام مِينْزِي ڒبْعَاض زَّايْوم ذَايْسن ڒقْفَاڒث خ أَربِّـي.

1 أيث-كورينث 4:10

نشِّين ذ يبُوْهَاڒِيْين زَعْمَا عْلَاحْسَاب لْمَسِيح، ئِي كنِّيو مَا ذ يمِيغِيسن ذِي لْمَسِيح؟ نشِّين نضْعف، ئِي كنِّيو مَا ثْجهْذم؟ كَرّْمن-كنِّيو، نشِّين سْبهْدَاڒن-اَنغ.

1 أيث-كورينث 4:18

فَا ڒبْعَاض زَّايْوم ذَايْسن تَّكبُّر، تْغِير-اَسن نش وَار غَارْوم د تِيسغ شَا.

1 أيث-كورينث 4:6

آي اَيثْمَا قَّارغ مَانَايَا خ أَپُـوْلُّوْس ذ نش، مثّْلغ مَانَايَا حمَا اَزَّايس ثَاوِيم نّْفَع. كنِّيو اَذ تْڒمْذم زَّايْنغ مِين يعْنَا لْمِثَال نِّي يقَّارن "وَار تْبعَّاذث شَا زِي مِين يُوْرِين ذِي لْكِتَاب." أَمنِّي وَار ذِنِّي حَدّ اَذ يسشْنع شَان ورْيَاز خ ونّغْنِي.

1 أيث-كورينث 5:2

ئِي كنِّيو، مَا ذَايْوم تَّكبُّر؟! لَّا، كنِّيو يتْخصَّا اَذ تْخيّْقم. ئِتْخصَّا اَذ تْسُوْفْغم ونِّي يݣِّين مَانَايَا زِي جْمَاعث نْوم.

1 أيث-كورينث 5:6

مَاشِي مْلِيح وَامِي تفْتَخَارم. وَار ثسِّينم شَا إِلَّا غِير ذْرُوْس ن ونْتُوْن إِي د يسْݣَعَّاذن مَارَّا ڒْعَاجْنث ن ورشْثِي؟

1 أيث-كورينث 8:2

ئِجّن مڒَا يتْغِير-اَس يسّن، لَّا وَار يسِّين شَا. عَاذ يتْخصَّا-يَاس اَذ يسّن.

1 أيث-كورينث 8:4

أَمَّا لْمَكْلَا يتْقدَّامن إِ لْأَصْنَام، نسّن لْأَصْنَام دْجَان ذِي دُّنشْت-أَ وَلَكِن ذ يخَرِّيقن وَاهَا. نسّن نشِّين يجّن ن أَربِّـي إِݣ يدْجَان، وَاحْذس.

1 أيث-كورينث 8:7

وَلَكِن مَاشِي يوْذَان قَاع سّْنن مَانَايَا. ڒبْعَاض ن يِوْذَان تُوْغَا غَارْسن لْأَصْنَام ذ دِّين نْسن يجْهذ. مڒَا تتّن لْمَكْلَا-يَا يتْقدَّامن إِ لْأَصْنَام اَتَاف يتْغِير-اَسن مَانَايَا ذ صَّح، ضَّمِير نْسن يضعْفن اَتَاف اَذ يخْنز.

أيث-ؤفسوس 4:16

زَّايس زِي لْمَسِيح دَّات ثكْمَاڒ ن جْمَاعث ثْمُوْن اَقَات ذ يشْتن س قَاع ڒمْفَاسڒ نِّي إِي ذَايس. أُو كُڒ طَّارْف نّس مڒَا يخدّم نِيشَان اَتَاف اَذ يسمْغَار دَّات-أَ أُو س يِيخف نّس اَذ تبْنَا س ڒمْحِبّث.

أيث-كولوس 2:18

وَار تجَّام ؤُڒَا ذ يجّن ن بْنَاذم اَكنِّيو يسْبطّڒ خ لْجَائِزَا. نتَّا بْنَاذم نِّي ذ ونِّي إِݣ يسمْغَارن مِين يقسْحن ذِي دِّين، ئِسمْغَار عَاوذ لْعِبَادَا نِّي إِي زِي عبّْذن لْمَلَائِكَاث. ئِسَّاوَاڒ اَطَّاس ثَا س ثَا خ مِين يࢲْرَا زَعْمَا ذِي شَا ن لْوَاحِي نّس. ڒْعَقڒ نّس يُوْفّ يمْغَر س تَّكبُّر. وَار ذِنِّي بُو أَرُّوْح يقدّْسن، ذِنِّي لْأَفْكَار نّس يخْوَان وَاهَا.

لواحي ن يوحنا 2:14

وَلَكِن عيّْبغ خَاش شَان ثْمسْڒَايِين وَامِي اَكِذش شَان يوْذَان إِي تْبَاعن تَّعْلِيم ن بَلْعَام. نتَّا تُوْغَا يسْڒمَاذ-اَس إ بَارَاك مَامّش غا يݣّ ثَخْشبْث إِ اَيث-إِسْرَائِيل بَاش اَذ شّن دْبِيحث يتْقدَّامن إِ لْأَصْنَام اَذ فسْذن.

لواحي ن يوحنا 2:20

وَلَكِن عيّْبغ خَاش وَامِي ثجِّيذ إِزَابِيل ثَمْغَارْث تَارَّا يخف نّس ذ نَّبِـيَا. ثْخدّع لْعِبَاد ينُو، ثْسڒْمَاذ-يثن اَذ فسْذن، أَذ شّن زِي دْبِيحث يتْقدَّامن إِ لأَصْنَام.