1 أيث-كورينث 7:32 - ثريفيث 2020

³² فَا رزُّوْغ اَذ تِيڒِيم بْڒَا اَمْنُوْس. ونِّي وَار يمْڒِيشن شَا غَارس يجّن ن لْمُهِيمَا إِ شّْغڒ ن سِيذِيثْنغ، مَامّش غَا يݣّ اَخَاس يَارْضَا سِيذِيثْنغ.

1 أيث-كورينث 7:32 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:22

زَّرِّيعث نِّي إِݣ يوْضَان جَار يسنَّانن نتَّاث اَم يِجّن ن بْنَاذم إِي يتْسْڒَان إِ وَاوَاڒ ن أَربِّـي ذَايس اَمْنُوْس ن دُّنشْت، يشمّث-يث طّْمَع ن وَاݣْڒَا، سّنِّي يتْوَاجيّف وَاوَاڒ ن أَربِّـي وَار ينفّع شَا.

مرقس 4:19

ذَايْسن اَمْنُوْس ن دُّنشْت، يشمّث-يثن طّْمَع ن وَاݣْڒَا، ذَايْسن شّهَاوَاث ن ثْمسْڒَايِين نّغْنِي، سّنِّي يتْوَاجيّف وَاوَاڒ ن أَربِّـي وَار ينفّع شَا.

يوحنا 10:13

أَخدَّام اَذ يَرْوڒ مِينْزِي نتَّا ذ اَخدَّام وَاهَا، وَار ث تْهِيمِّين شَا يحُوْڒِيْين.

1 أيث-كورينث 7:33

وَلَكِن اَرْيَاز يمڒْشن غَارس يجّن ن لْمُهِيمَا إِ شّْغڒ ن دُّنشْت-أَ، مَامّش غَا يݣّ اَخَاس ثَارْضَا ثمْغَارْث نّس. نتَّا لْمُهِيمَاث نّس فَرّْقنْت خ ثْنَاين. ثَمْغَارْث وَار يمْڒِيشن شَا ذ ثنِّي إِݣ يدْجَان ذ ثَعْزْرِيث غَارْسنْت يجّن ن لْمُهِيمَا إِ شّْغڒ ن سِيذِيثْنغ، مَامّش غَا ݣّنْت اَذ عبْذنْت سِيذِيثْنغ س دَّات نْسنْت ذ وُوْڒ نْسنْت. ثَمْغَارْث يمڒْشن غَارس يجّن ن لْمُهِيمَا إِ شّْغڒ ن دُّنشْت-أَ، مَامّش غَا ثݣّ اَخَاس يَارْضَا ورْيَاز نّس.

أيث-فيليـپـي 4:6

وَار كسِّيم بُو ومْنُوْس خ وَالُو. س ثْࢲَادْجِيث نْوم ذ دُّعَاء نْوم اَكِذْسن شُّكر نْوم اَذ تْقدّْمم مَارَّا ثِمسْڒَايِين س طَّلَابَاث نْوم إِ أَربِّـي.

1 تيموتاوس 5:5

قَا ثَاجَّاڒْت ن صَّح ثنِّي وَار غَار يدْجِي حَدّ اَقَا ذ نتَّاث يتݣّن لْأَمَال نّس ذِي أَربِّـي تْغِيمَا تدْعَا أَربِّـي تتَّار-اَس دْجِيڒث ذ نْهَار.