1 أيث-كورينث 7:22 - ثريفيث 2020

²² لِأَنَّا ونِّي تُوْغَا يدْجَان ذ يسْمغ وَامِي ذَاس د يڒَاغَا سِيذِيثْنغ، نتَّا ڒخُّو غَارس يجّن ن لْحُرِّيَا زِي سِيذِيثْنغ. أَمنِّي عَاوذ ونِّي تُوْغَا يدْجَان غَارس لْحُرِّيَا، نتَّا ڒخُّو يذْوڒ ذ يسْمغ ن سِيذِيثْنغ.

1 أيث-كورينث 7:22 ပူးပေါင်းရင်းမြစ်များ

أيث-روما 1:1

نش ذ بُوْلُس اَخدَّام ن عِيْسَى لْمَسِيح، يݣَّا-ٱيِي-د أَربِّـي اَذ يڒِيغ ذ اَرَّسُوْل. تْوَاخْضَرغ حمَا ٱذ خْبَرغ س لْإِنْجِيل ن أَربِّـي،

1 أيث-كورينث 7:21

شك مَا ذ يسْمغ وَامِي ذَاش د يڒَاغَا؟ إِيوَا بْڒَا ٱش يشْقَا مَانَايَا. وَلَكِن مڒَا غَارك لْفُرْصَا اَذ تْربْحذ لْحُرِّيَا نّش، اݣّ-يت.

1 أيث-كورينث 9:19

وَاخَّا نش وَار غَارِي بُو بَاب ينُو، وَلَكِن أَرِّيغ يخف ينُو ذ يسْمغ زَعْمَا إِ مَارَّا بَاش اَذ ربْحغ اَطَّاس ن زِّيَادَا ن يِوْذَان.

1 أيث-كورينث 9:21

أَرِّيغ يخف ينُو اَم يِجّن وَار غَارس ثدْجِي شَا شَّرِيعَا ن مُوْسَى غَار يِنِّي وَار غَارْسن ثدْجِي شَا شَّرِيعَا ن مُوْسَى بَاش اَتَاف اَثن ربْحغ (وَاخَّا نش وَار دْجِيغ شَا بْڒَا شَّرِيعَا ن أَربِّـي، ثْحكّم خَافِي شَّرِيعَا ن لْمَسِيح).

أيث-ݣلاطيا 1:10

شُوْف، نش مَا رزُّوْغ ڒخُّو اَخَافِي اَرْضَان يِوْذَان؟ لَّا، رزُّوْغ اَخَافِي يَارْضَا أَربِّـي! مَا نش رزُّوْغ اَذَاسن عجْبغ إِ يِوْذَان؟ لَّا، مَعْلِيك عَاذ رزُّوْغ اَذَاسن عجْبغ إِ يِوْذَان، أَتَاف نش وَار دْجِيغ شَا ذ اَخدَّام ن لْمَسِيح.

أيث-ݣلاطيا 5:1

غَار لْحُرِّيَا يضْڒق-اَنغ-د لْمَسِيح بَاش أَ نِيڒِي حُرّ ذ صَّح. بدّث نِيشَان بَعْدَا، وَار تجَّاث شَا اَخَاوم يبسّڒ عَاوذ يجّن ن دْقڒ ن ثْزَايْڒُوْت ن يسمْغَان.

أيث-ݣلاطيا 5:13

شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

ثبرات غار فليمون 1:16

وَلَكِن ڒخُّو مَاشِي اَم يسْمغ، نتَّا حْسن زݣ يسْمغ: أَم ؤُمَاش إِي خَاش يعِيزّن. نتَّا يعِيزّ خَافِي، وَلَكِن شك يعِيزّ خَاش كْتَار: ذِي ڒْخذْمث أُو عَاوذ اَم ؤُمَاش ذِي سِيذِيثْنغ.

1 بطرس 2:16

عِيْشث اَم يِوْذَان إِي غَار ثدْجَا لْحُرِّيَا وَلَكِن وَار سْتعْمَالث شَا لْحُرِّيَا-يَا نْوم بَاش اَذ تسْنُوْفَّرم شَّرّْ نْوم؛ لَّا، ئِتْخصَّا اَذ تْعِيْشم اَم يخدَّامن ن أَربِّـي.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

ثبرات زي يهوذا 1:1

نش ذ يَهُوْذَا ذ اَخدَّام ن عِيْسَى لْمَسِيح، نش ذ ؤُمَاس ن يَعْقُوْب. تَارِيغ ثَبْرَات-أَ إِ يِنِّي إِي د يتْوَارَاغَان، ئِتْحِبَّا-ثن أَربِّـي بَابَاثْنغ، ئِحطَّا-ثن عِيْسَى لْمَسِيح.